10/03/2026
"नेता चिडियाखाना" बारे पत्रकार Ramji Gyawali को लेख ! 🔥
यो सबैले पढौं है 👇
काण्ड र भ्रस्टाचारका फाइल खोल्नु अगाडी नयां सरकारलाई मेरो विशेष अनुरोध 🙏
नेपालमा मृत्युदण्डको कानुन छैन। कसैलाई मारेकै भरमा न्याय मिल्ने पनि होइन। तर एउटा ठूलो प्रश्न भने आज पनि नेपाली जनताका मनमा ज्यूँका त्यूँ छ — यो देशलाई दशकौँदेखि लुट्ने, भ्रष्टाचार गर्ने र राष्ट्रलाई कमजोर बनाउने नेताहरूलाई आखिर कस्तो सजाय दिनुपर्छ ?
वास्तविकता के हो भने, पुराना धेरै नेताहरूका काण्ड र भ्रष्टाचारका कथा जनताले पटर-पटक सुन्दै आएका छन् । तर, ती फाइलहरू कहिल्यै पूर्ण रूपमा खुल्दैनन्। किनभने नाता, सम्बन्ध र राजनीतिक स्वार्थका जालहरू यति गहिरा छन् कि, फाइल खोल्दै जाँदा कोही न कोही आफ्नै आफन्त वा पार्टीकै ठूला व्यक्तिहरू त्यसमा जोडिन पुग्छन्। यही कारणले धेरै अपराधहरू फाइलमै थन्किन्छन् र जनता निराश बन्छन्। त्यसैको रिसमा यसपटकको चुनावमा धेरै पुराना नेताहरुलाई पत्तासाफ पारिएका हुन् ।
अब समय बदलिनुपर्छ। यदि नयाँ सरकार (वालेन-रवि) ले साँच्चै परिवर्तनको वाचा गरेको हो भने, सबै नेताहरूका काण्ड र भ्रष्टाचारका फाइलहरू बिना कुनै डर र पक्षपात खोलिनुपर्छ। जो दोषी छन्, उनीहरूलाई कडा कारबाही हुनुपर्छ — चाहे उनी जुनसुकै पार्टीका किन नहोस्। आफन्त किन नहोस् । आफ्नै बाउ किन नहोस् !
भन्दा अलिकती रोचक र व्यंग्यात्मक सुनिन्छ । तर, यो कन्सेप्टमा ती सबै राष्ट्रघाती र भ्रष्ट नेताहरूलाई एउटै ठाउँमा राख्ने र उनीहरुलाई संसारले हेर्न मिल्ने व्यवस्था गर्दा पनि राम्रै हुन्छ - उनीहरुलाई समातेपछी जेलमा गोप्य रुपमा नराखौं । केही बिघा जमिनमा एउटा विशेष ‘चिडियाखाना’ वनाऔं । त्यहाँ जनावर होइन, देश लुट्ने भ्रष्ट नेताहरूलाई कोठा–कोठामा राख्ने व्यवस्था गरौं ।
कोठाको अगाडि उसको नाम, उसको काण्ड, उसले देशलाई गरेको नोक्सानीको विवरण लेखिएको बोर्ड पनि राखौं । नेपाली जनताले उनीहरुलाई नजिकबाट हेर्न सक्ने व्यवस्था गरौं । त्यसपछि यस्तो नियम बनाइयोस्— नेपाली नागरिकका लागि ५ रुपैयाँ टिकट
विदेशी पर्यटकका लागि १००० रुपैयाँ ! विदेशीहरुले या नेपाली जो कसैले पिएचडी गर्न पनि काम लाग्न सक्छ - देशलाई भित्रभित्रै खाइरहेका मान्छे नामका ‘धमिरा’ कस्ता हुन्छन् भनेर।
आजसम्म किताबमा पढेका भ्रष्टाचारका कथा, समाचारमा सुनेका काण्डहरू, त्यो सबैका पात्रहरूलाई जनताले आफ्नै आँखाले देख्न पाउंदा खुसी पनि हुनेछन् ।
देश लुट्नेहरूलाई लुकाएर होइन, जनताको सामु राखेर लज्जित बनाइनुपर्छ। यस्तो ‘नेता चिडियाखाना’ बनेपछि त्यहाँ पर्यटन पनि बढ्न सक्छ। देश–विदेशबाट मानिसहरू त्यहाँ घुम्न आउन सक्छन्।
त्यसबाट उठेको पैसाले देशभित्र उद्योग, कलकारखाना खोल्न सकिन्छ, रोजगारी सिर्जना गर्न सकिन्छ। आज नेपालबाट हजारौँ युवा रोजगारीका लागि विदेश जान बाध्य छन्। यदि त्यही पैसालाई देशमै लगानी गर्न सकियो भने, धेरै युवाले आफ्नै देशमा काम पाउने सम्भावना बढ्छ।
त्यहां राखिएका नेताहरूलाई दिनमा एक छाक मात्रै खाना दिऔं, २ छाक दिनुहुंदैन । कम्तिमा यसो गर्दा भ्रष्टाचार गरेर वर्षौँसम्म फुलाएको पेट अलि घट्ला कि!
अहिलेसम्म जेलमा गोप्य रुपमा राख्दा राज्यले उनीहरूलाई पाल्नुपर्छ, खर्च गर्नुपर्छ। तर यदि ‘चिडियाखाना मोडेल’ बनाइयो भने — उनीहरूबाटै देशले आर्थिक फाइदा लिन सक्छ।
यदि यस्तो योजना गुल्मीमा बनाउने हो भने, म आफ्नो तर्फबाट
मेरो करिब २ रोपनीभन्दा बढी जग्गा यो परियोजनाका लागि दिन तयार छु। आवश्यक परे अरू खरबारी जग्गा किनेर सहयोग गर्ने प्रतिबद्धता र घोषणा पनि गर्दछु ।
यदि यस्तो ‘नेता चिडियाखाना’ बन्यो भने, तपाईँ जानुहुन्थ्यो कि हुन्न ? कमेन्ट गर्नुस् है 🙏
नोट - पोस्ट लेख्दा घण्टौं लाग्छ - शेयर गरौं है 🙊🙏
