21/08/2026
सुन्दरादेवी सन्देश साप्ताहिकको मुख्य आयोजनामा आज विदुर–५ पिपलटार स्थित गुडविल एकेडेमीमा अन्तर विद्यालय खुल्ला लोकनृत्य प्रतियोगिता विदुर नगरपालिकाको नगरप्रमुख श्री राजन श्रेष्ठ ज्यूको प्रमुख आतिथ्यतामा सम्पन्न भएको छ । नगरप्रमुख ज्यूबाट प्रतियोगितामा एकल र समूहगत रुपमा प्रस्तुती देखाई उत्कृष्ट स्थान हासिल गर्नेलाई आयोजकबाट उपलब्ध गराए अनुसार नगद रुपैयाँ सहितको प्रमाणपत्रबाट सम्मान व्यक्त गर्नुभयो । उहाँले सहभागि सम्पूर्ण विद्यार्थी भाईबहिनीहरुलाई थप हौसला प्रदान गर्नुभयो भने आयोजक र कार्यक्रम सञ्चालनमा सहयोग पुर्याउनेहरुर्लाइ धेरै धेरै धन्यावाद सहित आगामी दिनमा अझै बृहत्त स्वरुपका कार्यक्रम सञ्चालन गर्न सुझाब दिदै नगरपालिकाबाट आवश्यक सहयोगको प्रतिबद्धता जनाउनुभयो । कार्यक्रममा विदुर नगरपालिकाको उपप्रमुख प्रभा बोगटी, वडा नं १ का अध्यक्ष लेनिन रञ्जित, ५ का अध्यक्ष लिलानाथ न्यौपाने, सहभागी विभिन्न विद्यालयका विद्यार्थी सहित शिक्षक एंव प्रतिनिधिहरु, स्थानीय एंव राष्ट्रिय कलाकारहरु, प्याब्सन नुवाकोटका पदाधिकारीहरु लगायत सरोकारवाला महानुभावहरुको सहभागिता रहेको थियो ।
मितिः २०८३ भदौ ५ गते ।
