20/02/2026
नेपाल बौद्धिक परिषद् नुवाकोटको हार्दिक अपिल ।
=============================
आदरणीय आमाबुबा, दाजुभाइ,
दिदीबहिनीहरु,
जेनजी आन्दोलन पछि देश आम निर्वाचनको माहोलमा छ । राजनीतिक दलहरु निर्वाचनमा होमिसकेका छन् । यो निर्वाचन देश बनाउने र देश जलाउने बीचको जनमत संग्रह हो । त्यसैले देश बनाउनेको पक्षमा मतदान गर्ने कि देश जलाउनेको पक्षमा मतदान गर्ने छनोट गर्ने अधिकार यहाँहरुको हो । निर्वाचनको मनोनयनकै क्रममा भाद्र २४ गते देशमा विध्वंस मच्चाउनेहरुको मुखुण्डो उत्रिसकेको छ। यहाँहरुले पक्कै पनि पहिचान गरिसक्नु भएको छ ।
नेकपा एमाले यो देशको बलियो जनाधार भएको एउटा प्रमुख दल हो । यो निर्वाचनबाट डराएर भाग्ने पार्टी होइन । त्यसैले देशका १६५ वटै निर्वाचन क्षेत्रमा यसले आफ्ना उम्मेदवारहरुलाई खडा गरिसकेको छ । २०४६ सालको जन आन्दोलन पछिका ३५ बर्षमा नेपाली काँग्रेसले १९ बर्ष ५ महीना, नेकपा एमालेले ८ बर्ष ४ महीना, नेकपा माओवादीले ४ बर्ष ९ महीना र अन्य दलहरुले ३ बर्ष १० महिना सरकारको नेतृत्व गरेका थिए । त्यसमा पनि २०७२ सालको भुकम्पको पुनर्निर्माणमा यसले खर्चिनु परेको समय र कोभिड १९ को समयमा यसले ब्यतित गरेका समय अत्यन्त कठिनपुर्ण र देश विकासमा संलग्न हुन जटिल थियो । यस्तो जटिल कालखण्डका बावजुत पनि एमालेले देश विकासको लागि महत्वपुर्ण योगदान पुर्याएको छ ।
अहिले देशमा जति विकास भएको छ त्यो नेकपा एमालेले तय गरेको "आफ्नो गाउँ आफै बनाउँ" र " नौ स अभियान" कार्यक्रमको परिणति हो । नेपालका दुई ठुला विमानास्थल पोखरा विमानास्थल र लुम्विनी विमानास्थल निर्माण, राष्ट्रिय गौरवका सडक आयोजनाहरु संचालन, खानेपानी र सिंचाई आयोजनाहरु संचालन, रेलमार्गको सुरुआत, सुरुङ मार्गहरुको निर्माण, एकै पटक ३०० अस्पताल निर्माणको शिलान्यास जस्ता विकास निर्माणका कामलाई तीव्रता दिएको छ । सुशासनका क्षेत्रमा प्रसस्त सुधारका कामहरु भएका छन् । भ्रष्टाचार न्युनिकरणमा शून्य सहनशिलता अपनाउँदै ललिता निवास जग्गा प्रकरणको उजागर एमाले सरकारले गरेको छ । भ्रष्टाचारमा संलग्न पार्टीकै नेता कार्यकर्तालाई पनि कानुनी दायरामा ल्याएको छ । त्यसैले नेकपा एमालेले देशको क्षमता र सामर्थ्य अनुसार गर्नुपर्ने कार्यहरु गर्न र निभाउनु पर्ने भुमिका निर्वाह गर्न कुनै कसर बाँकी राखेको छैन । देशको राष्ट्रियता र भौगोलिक अखंडता कायम राख्न यसले खेलेको भुमिका तथा श्रद्धेय अध्यक्ष के.पि. शर्मा ओलीको राष्ट्रियता प्रतिको चट्टानी अडानको सबै नेपालीले खुलेर प्रशंसा गरिरहेका छन् ।
यसका अगाडि थुप्रै कार्यभारहरु अझै छन् । संविधानमा उल्लेखित संघीयता, गणतन्त्र, धर्म निरपेक्षता तथा समावेशी लोकतन्त्रको संरक्षण र संवर्धन गर्नु पर्ने गहन जिम्मेवारी छ । संतुलित परराष्ट्र सम्बन्ध कायम गर्दै हाम्रा मित्रराष्ट्रहरु सँग द्विपक्षिय हितका आधारमा कुटनितिक सम्बन्धलाई मजवुत बनाउनु पर्नेछ । देशमा रोजगारीका अवसर सिर्जना गर्दै जनशक्ति पलायनलाई रोक्नु पर्नेछ । कृषिको आधुनिकीकरण, बजारको सुनिश्चितता, उद्योग धन्दाको विकास, राष्ट्रिय पुँजीको विकास र पुँजी पलायनमा रोक, गुणस्तरीय शिक्षा र स्वास्थ्यमा सर्वसाधारण जनताको पहुँच जस्ता थुप्रै कार्यभारहरु पूरा गर्नु पर्नेछ ।
यी कार्यभारहरु पूरा गर्न दीर्घकालिन नीति, सिद्धान्त र ठोस कार्यनीतिहरु आवश्यक पर्दछन् । नेकपा एमाले सँग देश विकासको स्पष्ट नीति, कार्यक्रम र कार्यदिशा छ । जनताको बहुदलीय जनवादको कार्यदिशा मार्फत मात्र यी कार्यभारहरु पूरा गर्न सकिन्छ । एमाले सँग मात्र यस्ता कार्यक्रमहरु छन् । यिनै कार्यभारहरु पूरा गर्नकालागि रानीतिक स्थायित्व आवश्यक पर्दछ । राजनीतिक स्थायित्व दिन सक्ने एक मात्र पार्टी नेकपा एमाले नै हो । यस निर्वाचनमा नेकपा एमालेका उम्मेदवारहरु सशक्त ढंगले निर्वाचनको अभियानमा संलग्न भइसकेका छन् । यस नुवाकोट जिल्लामा पनि नेकपा एमालेका तर्फबाट क्षेत्र नं १ मा क. बद्री मैनाली र क्षेत्र नं २ मा क. केशव राज पाण्डे उम्मेदवारका रुपमा खडा भएका छन् । आगामी फागुन २१ गते हुने प्रतिनिधिसभाको निर्वाचनमा सूर्य चिन्हमा मतदान गरि एमालेका नयाँ अनुहार, सशक्त र युवा उम्मेदवारहरुलाई विजयी गराई राजनीतिक स्थिरता, सुशासन र विकासको गतीलाई निरन्तरता दिन हामी सम्पुर्ण नुवाकोटवासी आमा बुबा दाजुभाइ दिदीबहिनीहरुलाई हार्दिक अपिल गर्दछौं ।
नेकपा एमाले जिन्दावाद ।
