Sudurpaschim Province Police Office, Dhangadhi

28/08/2026

Alert 🚨

28/08/2026

रसुवा जिल्ला भोटेकोशीमा आएको बाढीबाट प्रभावित "पहिचान नखुलेका तथा बेवारिसे शव" सम्बन्धी विवरणहरूका लागि QR Scan वा https://udb.nepalpolice.gov.np/dead-bodies हेर्न सक्नुहुन्छ ।
#नेपालप्रहरी

27/08/2026

नेपाल प्रहरी कार्यदक्षता मूल्याङ्कन–२०८३ को निरीक्षण सम्पन्न

धनगढी, ११ भदौ।

मिति २०८३ साल भदौ ११ गते नेपाल प्रहरीको सेवा प्रभावकारिताको मूल्याङ्कन तथा सङ्गठनात्मक सुधारका प्रयासहरूमा असल अभ्याससहित पृष्ठपोषण गर्ने उद्देश्यअनुरूप सञ्चालन गरिएको “नेपाल प्रहरी कार्यदक्षता मूल्याङ्कन (Police Baton)–२०८३” अन्तर्गत सुदूरपश्चिम प्रदेश प्रहरी कार्यालय, धनगढी, कैलालीको निरीक्षण सम्पन्न भएको छ।

अन्तर प्रहरी कार्यालय कार्यदक्षता केन्द्रीय मूल्याङ्कन समितिका संयोजक एवं नेपाल प्रहरी प्रधान कार्यालय, प्रदेश समन्वय विभागका प्रमुख प्रहरी अतिरिक्त महानिरीक्षक शिद्धी विक्रम शाहज्यू, प्रहरी नायव महानिरीक्षक दिनेश कुमार आचार्यज्यू सहितको प्रहरी टोलीले “नेपाल प्रहरी कार्यदक्षता मूल्याङ्कन (Police Baton)–२०८३” अन्तर्गत सुदूरपश्चिम प्रदेश प्रहरी कार्यालय, धनगढीको स्थलगत निरीक्षण तथा अवलोकन गर्नुभएको थियो। साथै, समितिका संयोजक प्रहरी अतिरिक्त महानिरीक्षक शिद्धी विक्रम शाहज्यूले सुदूरपश्चिम प्रदेश प्रहरी कार्यालय परिसरमा वृक्षारोपणसमेत गर्नुभएको थियो।

निरीक्षण भ्रमणका क्रममा निरीक्षण टोलीले कार्यालयको प्रस्तुतिकरण, कार्यालयका सम्पूर्ण शाखाहरू, अभिलेख व्यवस्थापन, जनशक्ति व्यवस्थापन, भौतिक पूर्वाधार व्यवस्थापन, अपराध अनुसन्धानको अवस्था तथा विश्लेषण, प्रशासनिक गतिविधि, सुरक्षा तथा प्रहरी कार्य, हातहतियारको अवस्था तथा शान्ति सुरक्षाका लागि प्रहरीले थालनी गरेका नयाँ अभ्यासहरू लगायतका विषयमा निरीक्षण तथा अवलोकन गर्नुभएको थियो।

साथै, उक्त कार्यक्रममा सुदूरपश्चिम प्रदेश प्रहरी प्रमुख प्रहरी नायव महानिरीक्षक सानुराम भट्टराईज्यूले निरीक्षण टोलीप्रति धन्यवाद व्यक्त गर्नुभएको थियो।

27/08/2026

हार्दिक अनुरोध !

25/08/2026

23/08/2026

इलाका प्रहरी कार्यालय गड्डाचौकी, कञ्चनपुरको अनुगमन तथा निरीक्षण सम्पन्न

सुदूरपश्चिम प्रदेश प्रहरी कार्यालय, धनगढी कैलालीका प्रहरी वरिष्ठ उपरीक्षक पदम बहादुर बिष्टले इलाका प्रहरी कार्यालय गड्डाचौकी, कञ्चनपुरको अनुगमन तथा निरीक्षण सम्पन्न गर्नुभएको छ।

अनुगमनका क्रममा उहाँले कार्यालयको भौतिक अवस्था, विभिन्न शाखाबाट सम्पादन भइरहेका कार्य, प्रहरी कर्मचारीको परिचालन तथा कार्यसम्पादनको अवस्थाबारे जानकारी लिनुभएको थियो। साथै गड्डाचौकी सीमा नाकाको संवेदनशीलतालाई मध्यनजर गर्दै सीमा सुरक्षा, अवैध ओसारपसार तथा चोरी–तस्करी नियन्त्रण, भन्सार छली, लागूऔषधको कारोबार तथा ओसारपसार, मानव बेचबिखन तथा ओसारपसार लगायतका गतिविधि नियन्त्रणका लागि भइरहेका प्रयासबारे जानकारी लिनुभएको थियो।

सो अवसरमा उहाँले सीमा क्षेत्रमा हुने अवैध गतिविधिको निगरानी तथा नियन्त्रणलाई प्रभावकारी बनाउन, सरोकारवाला निकायसँग आवश्यक समन्वय गर्न, प्रहरी परिचालनलाई थप व्यवस्थित बनाउन तथा सेवाग्राहीलाई सहज, निष्पक्ष र प्रभावकारी प्रहरी सेवा प्रवाह गर्न निर्देशन दिनुभएको थियो। साथै सीमा नाकाको सुरक्षा व्यवस्थालाई थप सुदृढ बनाउँदै शान्ति सुरक्षा कायम गर्न उच्च सतर्कताका साथ कार्यसम्पादन गर्न निर्देशन दिनुभएको थियो।

22/08/2026

इलाका प्रहरी कार्यालय टीकापुरको अनुगमन तथा निरीक्षण सम्पन्न

सुदूरपश्चिम प्रदेश प्रहरी कार्यालय, धनगढी कैलालीका प्रहरी वरिष्ठ उपरीक्षक पदम बहादुर बिष्टले इलाका प्रहरी कार्यालय टीकापुर, कैलालीको अनुगमन तथा निरीक्षण सम्पन्न गर्नुभएको छ।

अनुगमनका क्रममा उहाँले कार्यालयका विभिन्न शाखा तथा शाखागत रूपमा सम्पादन भइरहेका कामकारबाही, अभिलेख व्यवस्थापन तथा कार्यालयको समग्र कार्यसम्पादन अवस्थाबारे जानकारी लिनुभएको थियो। साथै अपराध अनुसन्धान तथा नियन्त्रण, शान्ति सुरक्षा व्यवस्थापन, प्रहरी परिचालन, मुद्दा तथा उजुरी व्यवस्थापन, जनगुनासो सम्बोधन लगायतका विषयमा समेत जानकारी लिनुभएको थियो।

सो क्रममा उहाँले कार्यालयबाट प्रदान गरिने प्रहरी सेवा थप प्रभावकारी, छिटोछरितो र नागरिकमैत्री बनाउन, अपराध नियन्त्रण तथा अनुसन्धानलाई प्राथमिकताका साथ अघि बढाउन, प्रहरी कर्मचारीलाई उच्च व्यावसायिक अनुशासनका साथ कर्तव्य निर्वाह गर्न तथा आम नागरिकसँगको सम्बन्ध अझ सुदृढ बनाउन आवश्यक निर्देशन दिनुभएको थियो।

21/08/2026

प्रविधिजन्य लैंगिक हिंसासम्बन्धी तालिम सम्पन्न

मिति २०८३ भदौ १ गतेदेखि ५ गतेसम्म कानून कार्यान्वयन गर्ने निकायका पदाधिकारीहरूका लागि सञ्चालन भएको “प्रविधिजन्य लैंगिक हिंसासम्बन्धी तालिम” आज मिति २०८३ भदौ ५ गते सम्पन्न भएको छ।

मुख्य न्यायाधिवक्ताको कार्यालय, सुदूरपश्चिम प्रदेश र सुदूरपश्चिम प्रदेश प्रहरी कार्यालयको आयोजनामा, युएनएफपिए (UNFPA) र पिसविन नेपालको सहयोगमा उक्त तालिम सञ्चालन भएको हो।

तालिमको समापन कार्यक्रम सुदूरपश्चिम प्रदेश प्रहरी प्रमुख प्रहरी नायव महानिरीक्षक सानुराम भट्टराईज्यूको अध्यक्षता र महान्यायाधिवक्ताको कार्यालय, काठमाडौंका नायव महान्यायाधिवक्ता श्री लोकराज पराजुलीज्यूको प्रमुख आतिथ्यतामा सम्पन्न भएको थियो।

तालिमका क्रममा पूर्व जिल्ला न्यायाधीश तथा साइबर विज्ञ डा. श्री कृष्ण भट्टराईज्यू र नेपाल प्रहरी साइबर ब्युरोका प्राविधिक प्रहरी नायव उपरीक्षक गजेन्द्र आचार्यज्यूले प्रविधिजन्य लैंगिक हिंसाको अवधारणा, स्वरूप, प्रविधिको दुरुपयोगबाट हुने विभिन्न प्रकारका साइबर अपराध, घटनाको अनुसन्धान, डिजिटल प्रमाणको संकलन तथा संरक्षणलगायतका विषयमा प्रशिक्षण प्रदान गर्नुभएको थियो।

तालिममा सुदूरपश्चिम प्रदेशका नौवटै जिल्लाबाट सरकारी वकिल तथा जिल्ला प्रहरी कार्यालयका अनुसन्धान अधिकृतहरूको सहभागिता रहेको थियो।

समापन कार्यक्रममा अध्यक्षता गरिरहनुभएका प्रहरी नायव महानिरीक्षक सानुराम भट्टराईज्यूले प्रविधिको बढ्दो प्रयोगसँगै यसको दुरुपयोग गरी विभिन्न प्रकारका साइबर अपराध तथा प्रविधिजन्य हिंसाका घटनाहरू समेत बढ्दै गइरहेको सन्दर्भमा यस्ता घटनाको प्रभावकारी अनुसन्धान तथा कानूनी प्रक्रियालाई थप प्रभावकारी बनाउन सम्बन्धित निकायका पदाधिकारीहरूबीच ज्ञान, सीप र अनुभवको आदानप्रदान आवश्यक रहेको बताउनुभयो। साथै, तालिमबाट प्राप्त ज्ञान तथा सीपलाई कार्यक्षेत्रमा व्यवहारिक रूपमा प्रयोग गरी प्रविधिजन्य लैंगिक हिंसालगायतका साइबर अपराधको अनुसन्धानलाई थप प्रभावकारी बनाउन तथा पीडितलाई न्याय प्रदान गर्ने कार्यमा सहजता पुग्ने विश्वास व्यक्त गर्दै कार्यक्रम समापन गर्नुभयो।

21/08/2026

सुदूरपश्चिम प्रदेश प्रहरी प्रमुख प्रहरी नायव महानिरीक्षक सानुराम भट्टराईले नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, अत्तरियाको अनुगमन तथा निरीक्षण गर्नुभएको छ।

अनुगमनका क्रममा उहाँले कार्यालयका विभिन्न शाखा, शाखागत अभिलेख तथा कार्यालय भवनको निरीक्षण गर्नुका साथै कार्यालयबाट सम्पादित कार्यहरूको अवस्थाबारे जानकारी लिनुभएको थियो।

सो क्रममा उहाँले ट्राफिक प्रहरीको कार्यसम्पादनलाई नागरिकमैत्री, प्रविधिमैत्री तथा सेवामुखी बनाउँदै ट्राफिक नियम तथा कानुनको प्रभावकारी कार्यान्वयन गर्न निर्देशन दिनुभयो। साथै, नागरिकको सुरक्षा र सहज आवागमनलाई प्राथमिकतामा राखी सडक दुर्घटना न्यूनीकरणका लागि नयाँ प्रविधिको प्रयोग तथा प्रभावकारी ट्राफिक व्यवस्थापन गर्न जोड दिनुभयो।

सडकमा ट्राफिक प्रहरीको उपस्थिति जनताको सुरक्षाका निम्ति हो भन्ने मूल मर्मलाई आत्मसात् गर्दै जिम्मेवारीप्रति संवेदनशील र उत्तरदायी भएर कार्य गर्न तथा ट्राफिक व्यवस्थापनलाई थप व्यवस्थित र प्रभावकारी बनाउन उहाँले निर्देशनसमेत दिनुभएको थियो।

21/08/2026

बझाङमा अवैध रूपमा बालुवा उत्खनन गर्ने ५ वटा सवारी साधन नियन्त्रणमा