01/08/2026
"सामाजिक सद्भाव र्याली"
**************************
मिति २०८३।०४।१६ गते अपराह्न करिब १६:०० बजे, जिल्ला सिरहा, सिरहा नगरपालिका वडा नं. १२, सारस्वरस्थित "सारस्वरका युवा समूह, सिरहा" को आयोजनामा "सद्भाव बढाऔँ, भेदभाव हटाऔँ, एकताको समाज बनाऔँ" भन्ने मूल नाराका साथ सामाजिक सद्भाव र्याली सम्पन्न भएको, उक्त र्यालीमा विभिन्न राजनीतिक दलका प्रतिनिधिहरू, हिन्दु, मुस्लिम, बौद्ध, शिख तथा ईसाई धर्मावलम्बीहरू, जनप्रतिनिधिहरू, स्थानीयवासी, भद्रभलादमी, नागरिक समाजका प्रतिनिधिहरू तथा बुद्धिजीवीहरूको उल्लेखनीय सहभागिता रहेकोमा सहभागीहरूले "सबै भाई–भाई" लगायत सामाजिक एकता, धार्मिक सहिष्णुता तथा आपसी सद्भाव अभिवृद्धि गर्ने नाराहरू लगाउँदै र्यालीमा सहभागिता जनाएका थिए ।
उक्त सद्भाव र्यालीमा करिब १०० देखि १५० जना को सहभागिता रहेको, उक्त सद्भाव र्याली शान्तिपूर्ण, सभ्य तथा सौहार्दपूर्ण वातावरणमा सम्पन्न भएको हुँदा यस प्रकारका कार्यक्रमले समाजमा आपसी विश्वास, सहिष्णुता, सामाजिक एकता तथा धार्मिक सद्भाव कायम राख्न महत्वपूर्ण योगदान पुर्याउने विश्वास व्यक्त गरिएको छ ।
