Embassy of Nepal, Muscat,Oman

11/06/2026

आज राजदूत डोरनाथ अर्यालले ओमान एयरका प्रमुख कार्यकारी अधिकृत (CEO) Mr. Con Korfiatis सँग भेटघाट गरी नेपाल-ओमानबीच सीधा हवाइ उडान सुचारु गर्नको लागि अनुरोध गर्नुभयो। ओमान एयरका CEO ले सकारात्मक प्रतिकृया दिँदै मस्कट-काठमाडौँ उडान पुनः सुचारु गर्न अध्ययन गरी यथाशक्य छिटो बोर्ड समीक्षा पेश गर्ने आश्वासन दिनुभयो। आवश्यक समन्वयको लागि सम्पर्क व्यक्ति पनि तोक्ने निर्णय भयो। नेपाली राजदूतावासका तर्फबाट प्रथम सचिव बिशेष कुमार साहलाई सम्पर्क व्यक्ति तोकिएको राजदूत अर्यालले जानकारी गराउनुभयो । उक्त बैठकमा ओमान एयरका पदाधिकारी र राजदूतावासका प्रथम सचिव श्री बिशेष कुमार साह उपस्थित हुनुहुन्थ्यो।

नेपाली राजदुतावास, मस्कट ओमान
११ जुन २०२६

10/06/2026

आज राजदूत डोरनाथ अर्यालले ओमान इन्भेस्टमेन्ट अथोरिटीका Deputy President महामहिम Mulham Al Jarf सँग भेटघाट गरी जलविद्युत लगायतको क्षेत्रमा नेपालमा प्रशस्त अवसरहरू भएको र त्यसमा ओमानबाट लगानी गर्नको लागि अनुरोध गर्नुभयो। उक्त अवसरमा व्यापार, लगानी, पर्यटन तथा व्यापारिक प्रतिनिधि मण्डलको आदानप्रदान लगायतको विषयमा विस्तृत छलफल भएको थियो। सो बैठकमा नेपाली राजदुतावासका प्रथम सचिव श्री बिशेष कुमार साह र ओमान इन्भेस्टमेन्ट अथोरिटीका पदाधिकारी उपस्थित हुनुहुन्थ्यो।

नेपाली राजदुतावास, मस्कट ओमान
१० जुन २०२६

04/06/2026

सलालामा श्रम सचेतना, पासपोर्ट-कन्सुलर शिविर तथा अन्तरक्रिया कार्यक्रम सम्बन्धी जरुरी सूचनाः

यस राजदूतावासले श्रमिक सचेतना, वित्तीय साक्षरता, सामाजिक सुरक्षा कोष, पासपोर्ट-कन्सुलर शिविर र समूदायसँग अन्तरक्रिया सम्बन्धी कार्यक्रम निम्न मिति, समय तथा स्थानमा आयोजना गर्न लागेकोले सलालास्थित नेपालीहरुको उपस्थितिको लागि हार्दिक अनुरोध गरिन्छ।
पासपोर्टको म्याद १ वर्ष भन्दा कम हुने सबैजनाले अनिवार्य अनलाइन फारम भरिसकेपछि राजदूतवासमा पठाउनुहुन अनुरोध छ। यदि कसैले आफै अनलाइन फारम भर्न जान्नु भएन भने, राजदूतावासका स्वयम्‌सेवकहरुको सहयोग लिनुहुन समेत अनुरोध छ। सलालास्थित स्वयम्‌सेवकहरुः श्री दिपक तामाङ (95975891), श्री शुक बहादुर थामी (95662146), श्री सुदिप के.सी. (७२२२८२०३), श्री शीतल कार्की (97047835), श्री प्रकाश ढकाल (93219133)।
यदि कसैले अस्पताल वा चस्मा पसलको आँखा जाँचेको Prescription ल्याउनुभयो भने राजदूतावाससँग उपलब्ध +1 (Plus One), +1.50 (Plus One & Half), +2 (Plus Two) र +२.५(Plus Two & Half) को पावर भएको Prescription सँग मिल्ने चस्मा निःशुल्क वितरण गरिनेछ।

कार्यक्रमको मिति, समय र स्थानः
मितिः ०३ जुलाई २०२६, शुक्रवार (१९ असार २०८३)
समयः बिहान ०९.०० बजे देखि ०६.०० बजेसम्म
स्थानः पछि प्रकाशित गरिनेछ।

नेपाली राजदूतावास, मस्कट, ओमान
०४ जुन २०२६

31/05/2026

The Embassy of Nepal in Muscat organised a Peace Walk & Beach Cleaning event to celebrate International Everest Day on 29 May 2026, at the Qurum beach in Muscat.

29/05/2026

Press Release on Peace Walk and Beach Cleaning Event, establishment of e-Museum and Celebration of Republic Day

The Embassy of Nepal in Muscat organized a Peace Walk & Beach Cleaning event to celebrate International Everest Day on 29 May 2026, at the Qurum beach in Muscat. The walk was organized along the Qurum beach starting from the backside of W Hotel from 05:00 a.m. Representatives from Non Resident Nepali Social Club/Nepali organizations, interested Nepali and foreign friends participated in the event. As a part of environmental awareness participants actively engaged in beach cleaning.
While speaking after the programme, Ambassador Dornath Aryal expressed gratitude to the participants for active participation. He highlighted the importance of such events in bringing the diaspora together and building up the image of Nepali community in Oman.
The Everest Day coincided with Republic Day of Nepal this year. A special ceremony was also organized at the the Embassy of Nepal, Muscat to mark the Republic Day of Nepal. During the ceremony, Ambassador Aryal hoisted the National Flag of Nepal.
Mr. Aryal formally inaugurated Embassy’s e-Museum by pressing a bottom of the Kiosk Machine. Members of the Nepali community attired in national and traditional dresses attended the events.
Ambassador Aryal highlighted the importance and historical aspects of Republic Day. He underscored the basic features of the constitution and republican system.
While speaking about e-Museum Ambassador Aryal described why he felt the need to establish the e-Museum at the Embassy and hoped that this step will contribute in consolidating the bilateral relations and collecting historical documents and facts . He requested the participants to go through the documents available in the e-Museum and provide their valuable feedback.
Mr. Bishesh Kumar Sah, First Secretary and convenor of e-Museum Establishment Committee highlighted the activities undertaken to collect the information and documents to establish the Museum. He also informed that e-Museum will be available at the Embassy’s website soon.
The Embassy of Nepal, Muscat
Sultanate of Oman
29 May 2026

शान्ति पदयात्रा, समुद्र किनार सरसफाइ कार्यक्रम, ई–संग्रहालयको उद्घाटन तथा गणतन्त्र दिवसको कार्यक्रम सम्बन्धमा प्रेस वक्तव्य

नेपाली राजदूतावास, मस्कटले अन्तर्राष्ट्रिय सगरमाथा दिवसको अवसरमा २९ मे २०२६ मा मस्कटस्थित कुरुम समुद्र तटमा शान्ति पदयात्रा तथा समुद्र किनार सरसफाइ कार्यक्रम आयोजना गर्यो। पदयात्रा बिहान ५:०० बजे W Hotel को पछाडिपट्टीबाट सुरु भई कुरुम समुद्र तटको किनार हुँदै सम्पन्न भएको थियो।

कार्यक्रममा गैरआवासीय नेपाली सोसल क्लब/ नेपाली संघ–संस्थाका प्रतिनिधिहरू र इच्छुक नेपाली र विदेशी नागरिकको उपस्थिति थियो। वातावरण संरक्षणप्रति जनचेतना अभिवृद्धि गर्ने उद्देश्यले सहभागीहरूले समुद्र किनार सरसफाइ कार्य गरेका थिए ।

कार्यक्रमपछि बोल्दै राजदूत डोरनाथ अर्यालले सहभागीहरूलाई सक्रिय सहभागिताका लागि धन्यवाद व्यक्त गर्नुभयो। उहाँले यस्ता कार्यक्रमहरूले नेपाली समुदायबीच एकता र सद्भाव बढाउनुका साथै ओमानमा नेपाली समुदायको सकारात्मक छवि निर्माण गर्न सहयोग पुग्ने बताउनुभयो।

यस वर्ष अन्तर्राष्ट्रिय सगरमाथा दिवस र नेपालको गणतन्त्र दिवस एकै दिन परेकाले सोही अवसरमा नेपाली राजदूतावासमा गणतन्त्र दिवस विशेष कार्यक्रम पनि आयोजना गरिएको थियो। उक्त कार्यक्रममा राजदूत अर्यालले झण्डोत्तोलन गर्नुभयो र सो पश्चात् उक्त कार्यक्रममा बोल्दै उहाँले गणतन्त्र दिवसको ऐतिहासिक पृष्ठभूमि र महत्वबारे प्रकाश पार्नुभयो। उहाँले नेपालको संविधान तथा गणतान्त्रिक शासन व्यवस्थाका प्रमुख विशेषताहरूको पनि चर्चा गर्नुभयो।

सोही अवसरमा राजदूत अर्यालले Kiosk मेसिनको बटन थिचेर राजदूतावासको ई–संग्रहालय (e-Museum) को औपचारिक रूपमा उद्घाटन गर्नुभयो। कार्यक्रममा नेपाली समुदायका सदस्यहरू राष्ट्रिय तथा परम्परागत पोशाकमा सहभागी भएका थिए।

ई–संग्रहालयको बारेमा बोल्दै राजदूत अर्यालले राजदूतावासमा यसको स्थापना आवश्यक ठानिनुको कारण स्पष्ट पार्नुभयो। उहाँले यस पहलले नेपाल ओमान द्विपक्षीय सम्बन्धलाई अझ सुदृढ बनाउन तथा ऐतिहासिक दस्तावेज र तथ्यहरूको संरक्षण एवं संकलनमा योगदान पुर्‍याउने विश्वास व्यक्त गर्नुभयो। साथै, ई–संग्रहालयमा उपलब्ध सामग्रीहरूको अवलोकन गरी सुझाव तथा प्रतिक्रिया दिन सहभागीहरूलाई आग्रह गर्नुभयो।

ई–संग्रहालय स्थापना समितिका संयोजक तथा प्रथम सचिव श्री विशेष कुमार साहले संग्रहालय स्थापना गर्न आवश्यक सूचना, तथ्य र दस्तावेज संकलनका लागि गरिएका प्रयास बारे जानकारी दिनुभयो। उहाँले ई–संग्रहालय छिट्टै राजदूतावासको वेबसाइटमार्फत पनि उपलब्ध गराइने जानकारी पनि दिनुभयो।

नेपाली राजदूतावास, मस्कट,
ओमान
२९ मे २०२६

26/05/2026

श्रमिकको साथी नामक हाते पुस्तक !! एकपटक अवश्य पढेर यहाँको फिडब्याक दिनुहुन अनुरोध छ। यथाशक्य सेयर पनि गर्नुहोला।

Labour Handbook

26/05/2026

बकर ईद (ईद–उल–अज्हा) को सुखद अवसरमा विदेश तथा स्वदेशमा रहनु भएका सम्पूर्ण नेपाली दाजुभाइ दिदीबहिनीहरूमा सुख, शान्ति र समृद्धिको लागि हार्दिक मङ्गलमय शुभकामना व्यक्त गर्दछौं।

संलग्न सूचनाअनुसार २७ र २८ मे २०२६ को दिन बार्षिक रूपमा तोकिएका सार्वजनिक बिदाहरु अनुसार राजदूतावास बन्द रहनेछ ।
बार्षिकरूपमा तोकिएका सार्वजनिक विदाहरुको विवरण यो लिंकमा हेर्न सक्नुहुनेछः
https://om.nepalembassy.gov.np/pages/Holidays-of-Embassy-9/
(नेपाल सरकार गृह मन्त्रालयको मिति २०८२/११/१८ को रापत्रमा प्रकाशित सूचना अनुसार विदेशस्थित नेपाली नियोगले सम्बन्धित मुलुकको सार्वजनिक बिदालाई समेत दृष्टिगत गरी बढीमा १८ दिनसम्म सार्वजनिक बिदा आफैंले व्यवस्थापन गर्न सक्ने)

नेपाली राजदूतावास, मस्कट, ओमान
२६ मे २०२६

24/05/2026

हार्दिक निमन्त्रणा!!
नेपाली राजदूतावास ओमानले सगरमाथा दिवसको अवसरमा यही २९ मे २०२६ (२०८३/०२/१५), शुक्रवारको दिन बिहान ०५.०० बजे देखि ०५.४५ बजेसम्म Qurum समुन्द्र किनार (W Hotel को पछाडिको पट्टी देखि Mandarin Hotel को पछाडी पट्टीसम्म) Peace Walk & Beach Cleaning कार्यक्रम आयोजना गरिएकोले ईच्छुक सबै जनालाई सहभागी भई कार्यक्रम सफलतापूर्वक सम्पन्न गर्न सहयोग गर्नुहुन अनुरोध छ। समुन्द्र किनार सरसफाइ गर्ने सामाग्रीहरूको व्यवस्थापन राजदूतावासले गर्नेछ । कृपया सेतो टि-सर्ट वा सर्ट लगाएर उल्लेखित समयमै आउनुहुन अनुरोध छ।
साथै सोही दिन विहान ०८.०० बजे नेपाली राजदूतावास, मस्कटको प्राङ्गणमा गणतन्त्र दिवसको अवसरमा झण्डोतलन गर्ने र विद्युतीय सङ्ग्रहालयको विधिवत उद्घाटन गर्ने कार्यक्रममा सहभागी हुन हार्दिक अनुरोध छ। झण्डोत्तलन कार्यक्रम र सङ्ग्रहालयको उद्घाटन कार्यक्रममा अनिबार्य रूपमा राष्ट्रिय पोषाक वा ओपचारिक वा विभिन्न जातजातीका पोशाक लगाएर (चेन्जिङ रूमको ब्यवस्था गरिने) आउनुहुन अनुरोध छ । यहाँहरू दुवै कार्यक्रममा वा आफूलाई अनुकूल हुने कार्यक्रममा सहभागी हुन सक्नुहुनेछ । कार्यक्रममा सहभागी हुन इच्छुक महानुभावले कृपया अनिवार्य रूपमा नाम टिपाएर कन्फर्मेसन दिनुहुन अनुरोध छ।यहाँहरूको सल्लाह सुझाबको लागि राजदूतावास सधै कृतज्ञ रहनेछ ।
नेपाली राजदूतावास, मस्कट, ओमान
२४ मे २०२६

24/05/2026

ओमानको सोहारमा हुने कार्यक्रम सम्बन्धी जरुरी सूचना

नेपाली राजदूतावास ओमानले ५ जुन २०२६, शुक्रबारका दिन साँझ ६:३० बजे देखि ओमानको सोहारमा “राजदूतसँग प्रत्यक्ष संवाद, सामाजिक सुरक्षा कोष सम्बन्धी जानकारी, कन्सुलर सेवा तथा श्रमिक सचेतना सम्बन्धी बृहत अन्तरक्रिया कार्यक्रम” आयोजना हुने भएकोले सोहार लगायत आसपासका क्षेत्रमा बस्नुहुने सम्पूर्ण नेपालीहरुलाई उक्त कार्यक्रममा सहभागी हुनको लागि अनुरोध गरिन्छ । यहाँहरूको कुनै सल्लाह सुझाव वा कुनै प्रश्न भएमा कृपया श्रम सहचारीको मोबाइल नम्बर 71592506 मा सम्पर्क गर्नुहुन अनुरोध छ।
कार्यक्रम स्थल र समय
मिति: ५ जुन २०२६, शुक्रबार
समय: बेलुका ६:३० बजे देखि ९ बजेसम्म
स्थान: Royal Garden Hotel, Falaj, Sohar

नेपाली राजदूतावास मस्कट,
ओमान
२५ मे २०२६

24/05/2026

आज २४ मे २०२६ (२०८३/०२/१०) को दिन राजदूत डोरनाथ अर्यालले ओमानको परराष्ट्र मन्त्रालयका एशिया तथा प्रशान्त महाशाखा प्रमुख महामहिम Sheikh Abdul Aziz Al Hosni सँग भेट गर्नुभयो। भेटको अवसरमा नेपाल र ओमानबीच द्विपक्षीय हितका समष्टिगत विषयहरुमा विस्तृत छलफल भएको थियो। उक्त बैठकमा ओमानका परराष्ट्र मन्त्रालयका पदाधिकारी तथा राजदूतावासका प्रथम सचिव श्री बिशेष कुमार साह पनि उपस्थित रहनुभएको थियो।

नेपाली राजदूतावास, मस्कट
ओमान
२४ मे २०२६ (२०८३/०२/१०)