06/07/2021
𝗕𝗔𝗦𝗔𝗛𝗜𝗡 | 𝗗𝗮𝗹𝗮𝘄𝗮𝗻𝗴 𝗽𝗮𝗺𝗽𝘂𝗯𝗹𝗶𝗸𝗼𝗻𝗴 𝘀𝗲𝗸𝗼𝗻𝗱𝗮𝗿𝘆𝗮𝗻𝗴 𝗽𝗮𝗮𝗿𝗮𝗹𝗮𝗻 𝘀𝗮 𝗣𝗶𝗹𝗶𝗽𝗶𝗻𝗮𝘀, 𝗻𝗮𝗴𝘄𝗮𝗴𝗶 𝘀𝗮 𝗦𝗘𝗔𝗠𝗘𝗢 𝗮𝘄𝗮𝗿𝗱𝘀 𝗽𝗮𝗿𝗮 𝘀𝗮 𝘀𝘂𝘀𝘁𝗮𝗶𝗻𝗮𝗯𝗹𝗲 𝗱𝗲𝘃𝗲𝗹𝗼𝗽𝗺𝗲𝗻𝘁
Hulyo 05, 2021 – Tungo sa pagtataguyod ng green at sustainable na edukasyon at mga gawain, kinilala ang dalawang mataas na pampublikong paaralan sa Pilipinas para sa kanilang mga programa na tumutugon sa mga problema sa plastik sa katatapos lamang na 2020 Southeast Asian Ministers of Education Organization (SEAMEO) – Japan Education for Sustainable Development (ESD) Award.
Nagkamit ang Salvacion National High School (SNHS) sa Davao Del Norte ng ikatlong gantimpala para sa kanilang inisyatibong pinamagatang Project Go G.R.E.E.N. (Greeneration, Rehabilitation, and Education for an Eco-friendly Nation against waste pollution), samantalang nagwagi naman ang Baay National High School (BNHS) sa Abra ng Special Prize para sa Best Programme Carried out in Small Schools of Less than 250 Students sa kanilang proyektong tinaguriang CHANGE (Clean, Habitable, Adaptable, and Nurturing Greener Environment).
“The Department is proud of our public schools for taking an active role in addressing pressing environmental issues in their communities. This will not only increase the awareness of our learners, teachers, and school personnel but will also generate action to find solutions to these concerns,” ani Kalihim Leonor Magtolis Briones.
Nangibabaw ang dalawang eco-projects sa mga kalahok nito na mula sa 181 na mga paaralan mula Brunei Darussalam, Cambodia, Indonesia, Malaysia, Myanmar, Philippines, Thailand, at Vietnam na lumahok sa pagdiriwang na may temang “Addressing Plastic Problems for Transforming Communities.”
Sa pangunguna ni SNHS School Principal Dr. Alma Canton at Teacher Coordinator Stanley Manaay, ang Project GO GREEN ay nagsasagawa ng mga Gawain tulad ng environmental awareness drive, buy-back plastic waste na operasyon, outreach programs kung saan ang mga residente ay dumaraan sa pagsasanay sa tamang tamang pamamahala ng mga basura, clean up drives, at eco-caravan program para sa mga ibang paaralan, at income-generating na mga proyekto tulad ng Trash to Cash Center at pagbebenta ng Eco Decors.
Sa kabilang banda, ang Project CHANGE ay ipinatupad ng Youth for Environment in Schools Organization (YES-O Club), sina BNHS Principal Hector Lopez, at Teacher Coordinator Paul John Dawal ay tinataguyod ang pagbabawas ng basurang plastic, kasama na rito ang clean-up activity Trash Tag, ang recycling na programang Fold a Plastic, proyektong EcoTrash Bin, ang pagtatanim ng puno na Adopt a Forest Program, at Ecobrick Campaign na nagta-transform ng basura sa modules.
Saksi sa presentasyon ng birtwal na parangal na ginanap noong Hunyo 8 sina Pangalawang Kalihim sa Planning and Human Resource and Organizational Development Jesus L.R Mateo at International Cooperation Office (ICO) Director Margarita Consolacion Ballesteros.
“The Department of Education is very proud of our dear awardees and we hope that more inspiring initiatives from the field will soon emerge. We are also grateful for the support of the students and their parents. Indeed, not even a pandemic can hinder a joint effort where everyone is willing to lend a helping hand,” saad in Pang. Kal. Mateo
Samantala, kabilang naman ang tatlong Pilipinong g**o na sina Christopher Chua ng Batangas State University, Fernan Tupas ng Northern Iloilo Polytechnic State College, at Mildred Crisostomo ng Don Honorio Ventura State University sa Top 10 na shortlisted para sa 2020 SEAMEO-Australia Education Links Award.
Sa ilalim ng 2020 na temang “Education Innovations that Work: Enhancing Links between Southeast Asia and Australia,” ang parangal ay kinikilala at pinopondohan ang mga proposals na nagpapakita ng kooperasyon sa edukasyon sa nasabing rehiyon at bansa.
[Full article (English): https://www.deped.gov.ph/2021/07/05/two-ph-public-high-schools-win-seameo-awards-for-sustainable-development-initiatives/]
