21/04/2026
Sa muling pakikipagtulungan ng Smart Girl Philippines YouTube Channel, namahagi po tayo ng 50 bags na may lamang mga school supplies bilang maagang paghahanda para sa darating na pasukan. Sa panahon ng krisis, nawa’y makatulong ang mga bag na ito upang mabawasan ang gastusin na iniisip ng mga magulang sa ating barangay. Kasabay nito, nagbigay din kami ng libreng almusal na sopas para sa ating mga kabarangay—isang simpleng paraan ng pagkalinga at pagtutulungan.
Bilang isang ama, batid ko ang hirap at gastusin na kaakibat ng pagpapaaral sa ating mga anak, lalo na sa gitna ng krisis na kinahaharap natin ngayon.
Nawa’y kahit sa maliit na paraan ay maging munting inspirasyon ang mga tulong na ito upang mahikayat ang ating mga mag-aaral na magpursige at pagbutihin ang kanilang pag-aaral. Sapagkat marami kaming katulad ng Smart Girl Philippines na handang tumulong at kumalinga sa kanila.
