Barangay San Isidro Angono

03/09/2026

PARA PO SA MGA KWALIPIKADONG BENEPISYARYO NG 4Ps NG BARANGAY SAN ISIDRO

Ipinababatid po sa lahat ng mga kwalipikadong benepisyaryo ng Pantawid Pamilyang Pilipino Program (4Ps) ng Barangay San Isidro na magkakaroon ng Community Assembly Validation sa Setyembre 16, 2026, ganap na alas-8:00 ng umaga, sa Municipal Health Extension Office, Brgy. San Isidro, Angono, Rizal.

Para sa kumpletong detalye at listahan ng mga kwalipikadong benepisyaryo, mangyaring tingnan ang kalakip na larawan.

Para sa validation, kinakailangan pong dalhin ang mga sumusunod na dokumento:

Para sa Grantee at Head:

Birth Certificate (PSA), National ID, Barangay Certificate, Marriage Contract kung kasal, at Cohabitation Certificate kung hindi kasal.

Para sa Child Beneficiary:

School ID na may LRN, Birth Certificate (PSA), National ID, at Health Certificate para sa batang edad 0–5 taong gulang.

Para po sa anumang katanungan o paglilinaw tungkol sa listahan, validation, at mga requirements, mangyaring pong makipag-ugnayan sa 4Ps–MSWD ng Munisipyo ng Angono.

Maraming salamat po.

31/08/2026

PAGGUNITA NG NATIONAL HEROES’ DAY

Agosto 31, 2026

Ang Barangay San Isidro ay nakikiisa sa paggunita ng National Heroes’ Day bilang pagpupugay at pagbibigay-pugay sa lahat ng bayaning nag-alay ng kanilang buhay, lakas, at pagmamahal para sa ating bayan.

Nawa’y magsilbing inspirasyon sa bawat isa ang kanilang katapangan, kabayanihan, at pagmamahal sa Pilipinas. Sama-sama nating ipagpatuloy ang diwa ng kabayanihan sa pamamagitan ng pagkakaisa at malasakit sa kapwa. ❤️💚

ISANG MALAKING PASASALAMAT SA ATING MGA BAYANI! 🇵🇭

30/08/2026

Parents Effectiveness Seminar 2026

Ginanap noong Agosto 28, 2026 ang Parents Effectiveness Seminar (PES) na naglalayong palakasin ang kaalaman at kakayahan ng mga magulang sa wastong paggabay at pagpapalaki sa kanilang mga anak
Naging resource speakers sina Blanquita U. Conde, ECCD Focal Person, at Marizel Belleza, Social Worker II, na nagbahagi ng mahahalagang kaalaman at gabay para sa mga magulang.

Nagbigay ng mensahe si Acting Punong Barangay Neil Piñon at nagpaabot ng kanyang suporta para sa mga magulang at kanilang mga anak.

Nagbigay rin ng mensahe si Kag. Dexter Rosales, Chairman, Committee on Education, bilang suporta sa mga programang para sa kapakanan at edukasyon ng mga kabataan.

Taos-pusong pasasalamat sa ating ECCD Teachers sa kanilang dedikasyon at patuloy na paggabay sa ating mga kabataan, gayundin sa kanilang mahalagang ambag sa matagumpay na pagsasagawa ng programa.

Maraming salamat sa lahat ng naging bahagi at sumuporta sa Parents Effectiveness Seminar 2026.

30/08/2026

Agosto 28, 2026

90-Day Tutok-Kainan Dietary Supplementation Program | Barangay San Isidro

Matagumpay na naisagawa ng Barangay San Isidro ang 90-Day Tutok-Kainan Dietary Supplementation Program para sa ating mga batang benepisyaryo, na naglalayong makatulong sa pagpapanatili ng kanilang sapat na nutrisyon at kalusugan.

Lubos na pasasalamat sa Pamahalaang Bayan, sa pangunguna ni Mayor Gerry Calderon, kasama si Pangalawang Punong Bayan Jeri Mae Calderon at Sangguniang Bayan, sa patuloy na suporta sa mga programang nagtataguyod ng kalusugan at nutrisyon ng ating mga kabataan.

Pasasalamat din kay Ma. Cristina Trinidad, Program Coordinator on Nutrition ng Municipal Health Office (MHO), sa kanyang paggabay, koordinasyon, at suporta na naging mahalaga sa matagumpay na pagpapatupad ng programa.

Taos-pusong pasasalamat kay Kap. Joey V. Calderon sa kanyang naging suporta sa pagpapatupad ng feeding program para sa ating mga batang benepisyaryo.

Nakiisa rin si Acting Punong Barangay Neil Piñon, na nagbigay ng mensahe at suporta para sa ating mga batang benepisyaryo.

Maraming salamat kina Kag. Aaron Osee Orca, Chairman, Committee on Health, gayundin sa ating mga BNS, BHW, Nurses, mga magulang, na naging katuwang sa matagumpay na pagpapatupad ng programa.

Sama-sama para sa mas malusog at masiglang mga bata ng Barangay San Isidro!

29/08/2026

Matagumpay na isinagawa ang Capacity Building Training and Seminar (Refresher Course) para sa Lupon Tagapamayapa ng Barangay San Isidro noong Agosto 26, 2026 sa Jacob’s Angono Resort.

Maraming salamat kay Ma’am Alyssa Barrameda, MLGOO-DILG, sa pagbabahagi ng kanyang kaalaman at mahahalagang gabay sa nasabing pagsasanay.

Sa pangunguna ni Acting Punong Barangay Neil Piñon, patuloy ang suporta sa mga programang naglalayong palakasin ang kakayahan ng ating Lupon Tagapamayapa para sa mapayapa at maayos na barangay.

Taos-pusong pasasalamat din sa ating mga Lupon Tagapamayapa sa kanilang aktibong pakikilahok, dedikasyon, at patuloy na paglilingkod sa ating mga kabarangay.

28/08/2026

PAALALA PO SA ATING MGA KABARANGAY.

Para po sa kaalaman ng lahat, narito po ang Meralco Advisory tungkol sa isasagawang Wire Clearing Activities sa kahabaan ng M.L. Quezon Avenue mula August 28 hanggang October 23, 2026, alas-9:00 ng gabi onwards.

Maaaring magkaroon po ng pansamantalang epekto sa internet connection sa mga lugar na sakop ng nasabing aktibidad.

Mangyaring tingnan po ang kalakip na mapa para sa mga lugar na maaaring maapektuhan.

Maraming salamat po sa inyong pang-unawa at pakikiisa. 💚

𝐌𝐄𝐑𝐀𝐋𝐂𝐎 𝐀𝐃𝐕𝐈𝐒𝐎𝐑𝐘

Simula sa August 28 hanggang October 23, 2026, 9:00PM onwards, magsasagawa ang Meralco ng Wire Clearing Activities sa kahabaan ng M.L. Quezon Avenue.

𝐈𝐭𝐨 𝐚𝐲 𝐦𝐚𝐚𝐚𝐫𝐢𝐧𝐠 𝐦𝐚𝐤𝐚𝐚𝐩𝐞𝐤𝐭𝐨 𝐬𝐚 𝐢𝐧𝐭𝐞𝐫𝐧𝐞𝐭 𝐜𝐨𝐧𝐧𝐞𝐜𝐭𝐢𝐨𝐧 𝐬𝐚 𝐧𝐚𝐬𝐚𝐛𝐢𝐧𝐠 𝐥𝐮𝐠𝐚𝐫.

Tingnan ang mapa mula sa Meralco para sa lugar na maapektuhan ng nasabing wire clearing activity.

Maraming salamat po.

28/08/2026

📢 PARA SA MGA KABARANGAY NA SENIOR CITIZEN.

Para po sa mga Senior Citizen ng Barangay San Isidro, Angono, Rizal na may katarata sa mata, maaari po kayong mag-avail ng LIBRENG CATARACT SURGERY mula sa Vicente Medical Group (VMG).

Tawagan lamang ang numerong nasa ibaba at hanapin si Ms. Lorna para sa mga detalye at schedule ng inyong cataract surgery.

28/08/2026

📢 PARA PO SA KAALAMAN NG LAHAT!

Inaanyayahan po ang lahat ng magulang at tagapag-alaga na dalhin ang kanilang mga anak sa MR-SIA Vaccination Activity ngayong Agosto 30, 2026, ganap na 8:00 AM.

💉 Para sa mga batang 6 buwan hanggang 4 na taong gulang.

Libre po ang bakuna. Sama-sama nating protektahan ang ating mga chikiting laban sa Tigdas at Rubella. 👶💙

📍 Constellation Homes Subdivision – Multi-Purpose Building, Phase 1
📍 Arveemar Homes Subdivision – Covered Court

Maraming salamat po sa inyong pakikiisa at suporta!

📢 PROTEKTADO ANG BATA, LIGTAS SA TIGDAS AT RUBELLA! 👶

"KASAMA ANG ATING MGA PEDIATRIC DOCTOR"

Inaanyayahan po namin ang lahat ng magulang at tagapag-alaga na dalhin ang kanilang mga anak sa MR-SIA Vaccination Activity o Measles-Rubella Supplemental Immunization Activity.

💉 PARA SA LAHAT NG BATANG:
👶 6 Buwan hanggang 4 na Taong Gulang
LIBRE • LIGTAS • MAHALAGA

📅 AGOSTO 30, 2026
🕗 8:00 AM

📍 MGA LUGAR NG PAGBABAKUNA:

🏥 Constellation Homes Subdivision – Multi-Purpose Building PHASE 1
🏀 Arveemar Homes Subdivision – Covered Court

🤝 Ang aktibidad na ito ay isinasagawa ng Municipal Health Office ng Angono, katuwang ang BHS San Isidro, mga health workers, at sa pakikilahok ng Philippine Pediatric Society.

📢 Kung ang inyong anak ay hindi pa nababakunahan o hindi nakasama sa unang round ng MR-SIA, ito na ang pagkakataon upang siya ay mabigyan ng karagdagang proteksyon!

📝 MAGPAREHISTRO AT MAGPABAKUNA NGAYON PARA SA MAS LIGTAS NA KINABUKASAN!

💙💉 BAKUNA PARA SA BATA, LIGTAS PARA SA BUHAY!
🇵🇭 Sa Bagong Pilipinas, Bawat Buhay Mahalaga.

25/08/2026

Maligayang Kaarawan po, Gov. Casimiro “Ito” Ynares! 🎂❤️

Taos-pusong pagbati po mula sa Barangay San Isidro, Angono, Rizal🫰🏼💚

Maraming salamat po sa inyong patuloy na suporta, malasakit, at pagmamahal sa aming mga kabarangay.

Hangad po namin ang inyong mabuting kalusugan, kaligayahan, at maraming pagpapala.

Maligayang Kaarawan po, Gov. Ito! 🎉❤️ Mabuhay po kayo.

25/08/2026

MELLPI Pro Pre-Evaluation/Validation

Isinagawa ngayong Agosto 25, 2026 sa Barangay San Isidro ang Pre-Evaluation/Validation para sa MELLPI Pro (Monitoring and Evaluation of Local Level Plan Implementation Protocol).

Pinangunahan ito nina Ms. Alyssa Barrameda ng DILG at Mrs. Ma. Cristina Trinidad, Population Officer ng Angono Municipal Health Office (MHO).

Isang mahalagang hakbang para sa patuloy na pagsusuri at pagpapahusay ng mga programa at serbisyong pangnutrisyon ng Barangay San Isidro. 💚