Dela Paz Command Center

14/08/2026

Missing!!!

Mga ka- Barangay! Baka may napansin kayong aso na nasa picture. Iyan ay nawawala, maaring ipagbigay alam sa detalyeng nasa baba

Contact details ng may ari:
099 44193790
Last seen: 7:00 am

Address:Coconut palm Street Lucban Ave Brgy Dela Paz Antipolo City

Maraming Salamat ka- Barangay!

14/05/2026

Asahan ang rotational brownout sa mga kabahayan at negosyo sa ating nasasakupang barangay. Ang dahilan — manipis na supply ng kuryente.

Sa isang pahayag, kinumpirma ng National Grid Corporation of the Philippines (NGCP) ang pagpalya ng ilang planta sa Luzon.

Maging ang Meralco, naglabas na rin ng abiso sa nakaambang rotational brownout sa mga apektadong lugar — mula alas 4:01 ng hapon hanggang alas 10:00 ng gabi.

Panawagan ng Sanggunian sa mga residente ng Barangay Dela Paz, paghandaan ang nakaambang brownout. Agahan ang pagluluto ng hapunan, magcharge na rin ng mga emergency light at cellphone bago pa man mawalan ng kuryente.

14/05/2026

𝗕𝗔𝗥𝗔𝗡𝗚𝗔𝗬 𝗗𝗘𝗟𝗔 𝗣𝗔𝗭 𝗖𝗢𝗠𝗠𝗨𝗡𝗜𝗧𝗬-𝗕𝗔𝗦𝗘𝗗 𝗦𝗬𝗠𝗣𝗢𝗦𝗜𝗨𝗠

“𝙆𝙤𝙢𝙪𝙣𝙞𝙙𝙖𝙙 𝙣𝙖 𝙋𝙖𝙮𝙖𝙥𝙖, 𝙋𝙖𝙜-𝙞𝙬𝙖𝙨 𝙖𝙣𝙜 𝙎𝙖𝙣𝙙𝙖𝙩𝙖”

Inaanyayahan ang lahat ng mamamayan ng Barangay Dela Paz na makiisa sa isang makabuluhang symposium na naglalayong mapalakas ang kamalayan ng bawat mamamayan tungkol sa mga usaping may kinalaman sa proteksyon ng kabataan, karapatan ng kababaihan, at pagpapanatili ng ligtas at mapayapang komunidad. Sa pamamagitan ng symposium na ito, hinihikayat ang aktibong pakikilahok ng komunidad sa pagsusulong ng ligtas, suportado, at maayos na tahanan at kapaligiran para sa lahat.

𝗠𝗮𝘆𝗼 𝟭𝟲, 𝟮𝟬𝟮𝟲
𝟵:𝟬𝟬 𝗔𝗠 – 𝟭𝟮:𝟬𝟬 𝗣𝗠
𝗕𝗿𝗼𝗮𝗱𝘄𝗮𝘆 𝗖𝗼𝘃𝗲𝗿𝗲𝗱 𝗖𝗼𝘂𝗿𝘁

Mga Tatalakayin:
OSAEC Awareness
Child Protection
Violence Against Women and Children (VAWC)
Drug Awareness and Prevention

Magkaisa tayo sa pagbuo ng ligtas, maayos, at suportadong Barangay Dela Paz!

08/05/2026

Hagip ng CCTV ang isang insidente ng pagnanakaw sa F. Asuncion St., hindi kalayuan sa punong bulwagan ng Barangay Dela Paz.

Panawagan ni Kapitan Jeff Naval Fernan, maging listo para hindi mabiktima.

Anumang impormasyon sa kinaroroonan ng nasa litrato, mangyaring ipagbigay-alam sa lokal na pulisya. Pwede rin naman makipag-ugnayan sa barangay o sa inyong sitio chairman para sa seguridad ng ating komunidad.

08/05/2026

M I S S I N G!!!!!

Name: Imelda P. Vargas
Address: 83 Taktak Rd. Brgy. Dela Paz, Antipolo City
Type of Disability: Intellectual Disability

Sa mga makakakita kay Gng. Imelda p. Vargas ay maaring tawagan si Gng. Nerissa Jalmansar sa numerong 09326723258

Siya ay huling nakita sa Bagong Palengke tapat Ng Robinson Place Antipolo

16/04/2026

Binata na kami!

Ang bulalas ng nasa 200 kabataang lalaki nang “Mabinyagan” (Matulian) sa isinagawang Libreng Tuli na hatid ng lokal na pamahalaan ng Antipolo City.

Bagamat dama ang kirot, umuwing nakangiti ang mga kabataang lalaki, gayundin ang kanilang magulang.

Bitbit ang alaala hanggang sa pagtanda, isang taos pusong pasasalamat ang kanilang paabot kay Mayor Jun Ynares III, mga doktor na nangasiwa ng pagtutuli at mga kawani ng barangay na matiyagang tumulong sa natatanging araw na hudyat ng kanilang pagbibinata.

15/04/2026

Libreng Taekwondo training sinimulan na!

Sa tulong at gabay ni Philippine Taekwondo Association (PTA) Junior Master Instructor Edaño Jefferson, ganap nang sumipa ang libreng pagsasanay sa larangan ng Taekwondo.

Sa kabuuan, umabot na sa 73 kabataan ang nagpatala para sumailalim sa training na naglalayon bigyan ng kaalaman, disiplina at kasanayan sa martial arts.

Isasagawa ang pagsasanay tatlong beses isang linggo hanggang sa matapos ang 12 sessions.

Bukod pa sa kasanayan at malakas na pangangatawan, malaking bentahe rin ang aktibidad na maglalayo sa kanila sa peligrong kalakip ng droga.

14/04/2026

Dahil madami na ang nakakalimot at sa hangarin tiyakin ang kaayusan sa ating mga lansangan, mahigpit na ipatutupad ng lokal na pulisya ang Safer Cities Initiative ng Department of Interior and Local Government (DILG).

Alinsunod sa direktiba ni DILG Secretary Jonvic Remulla, muli nating ipinaalala sa ating mga kabarangay na bawal ang pag-iinuman sa pampublikong lugar, paghuhubad ng damit pantaas sa mga lansangan, gayundin ang pag vivideoke ng higit sa alas diyes ng gabi (10 PM) at curfew sa hanay ng mga kabataan.

Batay sa DILG Memorandum 029 (series of 2026), papatawan ng multa ang mga lalabag sa panuntunan.

Panawagan ni Kapitan Jeff Naval Fernan at ng buong Sanggunian sa mga residente ng Barangay Dela Paz, sumunod sa kautusan ng pamahalaan para na rin sa kaayusan ng ating pamayanan.

13/04/2026

https://www.facebook.com/100067875733108/posts/1270698181869361/

31/03/2026