Pamahalaan ng Barangay Calepaan

31/08/2026

AGYAMAN KAMI Mayor Carlos F. Lopez Jr.- Calepaan Barangay Council

24/08/2026

Naaprubahan na ang 2026 Supplemental Budget ng Barangay Calepaan!

Matagumpay nang naaprubahan ng Sangguniang Bayan ng Asingan ang 2026 Supplemental Budget ng Pamahalaan ng Barangay Calepaan matapos itong talakayin at suriin sa antas ng committee.
Ang committee ay pinamumunuan ni SBM Joselito V. Viray, kasama ang mga miyembro nitong sina SBM Virgilio Amistad at SBM Johnny Mar A. Carig.
Ang pag-apruba sa supplemental budget ay isang mahalagang hakbang upang maisakatuparan ang mga karagdagang programa, proyekto,aktibidad at serbisyong nakalaan para sa kapakanan at pag-unlad ng ating mga kabarangay.
Maraming salamat sa Sangguniang Bayan ng Asingan sa maayos na pagsusuri at pag-apruba ng ating supplemental budget.
Patuloy ang Sangguniang Barangay ng Calepaan sa pagsusulong ng mga programa at proyekto para sa isang mas maayos, ligtas at maunlad na Barangay Calepaan. 🇵🇭

22/08/2026

August 22, 2026

BARANGAY KALINISAN DAY 🧹🌿
Pinangunahan ng ating mga Barangay Tanod, Barangay Council sa pamumuno ni PB Arnold F. Acosta ang isinagawang paglilinis sa Zone 7, partikular ang pagtanggal ng mga nakaharang na kawayan sa ilog na naging sanhi ng hindi maayos na daloy ng tubig at nagdulot ng pagguho ng lupa sa lugar.
Sa agarang pagtanggal ng mga nakaharang na kawayan, naibalik sa maayos ang daloy ng tubig, kaya nabawasan ang panganib na patuloy na gumuho ang lupa at lumala ang sitwasyon.
Ang gawaing ito ay bahagi ng ating patuloy na pagsusulong ng malinis, ligtas, at maayos na Barangay Calepaan.
💚 Barangay Kalinisan Day — Sama-sama para sa Malinis at Ligtas na Barangay!
Maraming salamat sa ating mga Barangay Tanod sa kanilang serbisyo at agarang pagtugon para sa kaligtasan ng ating mga kabarangay. 🇵🇭

19/08/2026

📢 PAANYAYA SA LAHAT NG KABARANGAY! 👓👁️

Inaanyayahan po ang lahat ng ating mga kabarangay na makilahok sa FREE EYE CHECK-UP at FREE EYE PRE-SCREENING para sa mga kondisyon tulad ng Cataract, Pterygium at Glaucoma.
✨ MGA SERBISYONG ALAY: ✅ Free Eye Check-Up
✅ Free Pre-Screening
✅ Free Frames
✅ Reseta ng graded lenses — presyo ay nagsisimula sa ₱499
📍 Lugar: Calepaan Brgy. Hall, Calepaan, Asingan, Pangasinan
📅 Petsa: August 23, 2026
⏰ Oras: 8:00 AM – 12:00 PM
Huwag palampasin ang pagkakataong mapangalagaan ang inyong mga mata at mas makita nang malinaw ang buhay! 💚
“Clear Vision, Better Life.” 👁️✨
Inaanyayahan po ang lahat ng kabarangay na dumalo. Maraming salamat po at magkita-kita tayo!

19/08/2026

PAANYAYA

Ang Sangguniang Barangay ng Calepaan, Asingan, Pangasinan ay magalang na nagpapaabot ng paanyaya sa lahat ng business establishments/micro-establishments sa ating barangay na lumahok sa gaganaping Technical Advisory Visit (TAV) Orientation at First Aid (FA) Training na isasagawa ng Department of Labor and Employment (DOLE) Regional Office No. 1.

📅 Petsa: Agosto 20, 2026 (Huwebes)
⏰ Oras: 8:00 AM onwards
📍 Lugar: Mayor Carlos F. Lopez, Sr. Public Auditorium, Poblacion West, Asingan, Pangasinan

Layunin ng aktibidad na mabigyan ang mga business establishments ng sapat na kaalaman hinggil sa pagsunod sa labor standards, occupational safety and health standards, social welfare benefits, at iba pang mahahalagang usapin sa ligtas at maayos na lugar ng trabaho. Kasama rin sa programa ang First Aid Training upang mapaunlad ang kakayahan ng mga kalahok sa pagbibigay ng nararapat na paunang lunas sa oras ng pangangailangan.
Ayon sa DOLE, isang (1) duly authorized representative bawat establishment/branch ang maaaring dumalo sa nasabing aktibidad.
Hinihikayat po ang lahat ng business establishments na samantalahin ang pagkakataong ito upang madagdagan ang kaalaman at mapalakas ang pagsunod sa mga pamantayan para sa ligtas, malusog, at compliant na workplace.

Maraming salamat po sa inyong pakikiisa at patuloy na pakikipagtulungan.

**see list of business establishments in calepaan who are invited to attend.
*ito po ay isang requirement sa pagkuha ng clearance o certification sa DOLE pag nagpa register kayo ng inyong negosyo."Micro-enterprises are required to comply with applicable DOLE Occupational Safety and Health Standards."

15/08/2026

Barangay Kalinisan Day – August 15, 2026

BARANGAY KALINISAN DAY | ZONE 3

Ngayong Agosto 15, 2026, isinagawa ang Barangay Kalinisan Day sa mga natukoy na areas of concern sa Zone 3, partikular sa kahabaan ng NIA irrigation canal at sa bahagi ng backfilling ng Farm-to-Market Road.
Pinangunahan ni Punong Barangay Arnold Acosta, kasama ang mga Sangguniang Barangay Kagawad, Barangay Tanod, BHWs, at BHRAO, ang paglilinis, clearing at iba pang kinakailangang gawain upang mapanatili ang kalinisan, kaayusan at kaligtasan sa lugar.
Patuloy ang sama-samang pagkilos ng Barangay upang matugunan ang mga lugar na nangangailangan ng agarang atensyon—serbisyong sama-sama, pagkilos na may malasakit, at barangay na laging kumikilos para sa kapakanan ng mga kabarangay.
Bayanihan para sa malinis, maayos at ligtas na Barangay!

14/08/2026

🔑 NAWALANG SUSI?

Sino po ang nawalan ng susi? Nakita po namin ito at nasa Barangay Hall na para sa may-ari.
📍 Pakikuha na lamang po sa Barangay Hall.
Paki-share na rin po para makarating sa tunay na may-ari. 🙏
Salamat po!

06/08/2026

AUGUST 06, 2026

06/08/2026

Maraming salamat po, Hon. SBM Joselito Viray sa inyong personal na pagbisita sa aming barangay sa gitna ng masamang panahong dulot ng Bagyong May-May. Lubos naming pinahahalagahan ang inyong oras, malasakit, at ang munting handog na inyong ipinagkaloob.

Ngunit higit sa anumang tulong, ang inyong personal na pangungumusta at pakikiisa sa aming kalagayan ang siyang nagbibigay sa amin ng lakas ng loob at inspirasyon upang patuloy na gampanan ang aming tungkulin nang buong puso para sa ating mga kababayan.

05/08/2026