16/02/2026
📢 PAUNAWA AT ANUNSYO NG PAMPUBLIKONG PAGDINIG
(Public Announcement and Notice of Public Hearing)
Ang Pamahalaang Barangay ng La Medalla, Baao, Camarines Sur ay magdaraos ng isang Pampublikong Pagdinig (Public Hearing) kaugnay ng tatlong (3) panukalang ordinansa na naglalayong mapabuti ang kapakanan, kalusugan, at pangkalahatang serbisyo sa mga mamamayan ng barangay.
📅 Petsa: Pebrero 18, 2026 (Miyurkules)
🕖 Oras: 7:00 ng gabi
📍 Lugar: Barangay Chapel, La Medalla, Baao, Camarines Sur
Mga Panukalang Ordinansa na Tatalakayin:
1. Ordinansa sa Pagkakaloob ng Insentibo sa mga Nagtapos ng Kolehiyo na may Latin Honors at mga Nakapasa sa Bar Examination
Proponent: Kgd. Sylvia B. Badong
✔️Ang panukalang ordinansang ito ay naglalayong magbigay ng pagkilala at insentibo sa mga residente ng Barangay La Medalla na:
✔️Nagtapos ng kolehiyo na may Latin Honors (Cum Laude, Magna Cum Laude, at Summa Cum Laude); at
✔️Mga nakapasa sa Bar Examination.
✔️Layunin ng ordinansang ito na hikayatin ang kahusayan sa akademya at propesyon, magbigay inspirasyon sa kabataan, at kilalanin ang mga natatanging tagumpay ng mga kabarangay.
2. Medical Assistance Ordinance
Proponent: Kgd. Joeffrey John P. Peyra
✔️Ang panukalang ito ay naglalayong magtatag ng malinaw na patakaran at sistema para sa pagbibigay ng tulong medikal sa mga kwalipikadong residente ng barangay. Saklaw nito ang:
✔️Pinansyal na tulong para sa pagpapagamot, pagbili ng gamot, laboratoryo, at iba pang gastusing medikal;
✔️Pagbibigay-prayoridad sa mga indigent, senior citizens, persons with disabilities (PWD), at mga may malubhang karamdaman;
✔️Maayos at transparent na proseso ng aplikasyon at pag-apruba ng tulong.
✔️Layunin nitong matiyak na ang serbisyong pangkalusugan ay higit na mapalapit at maging abot-kamay ng bawat mamamayan.
3. Barangay Identification Ordinance
Proponent: Kgd. Joeffrey John P. Peyra
✔️Ang ordinansang ito ay naglalayong magpatupad ng opisyal na Barangay Identification Card (ID) para sa mga residente ng La Medalla. Layunin nitong:
✔️Magkaroon ng maayos na talaan ng mga residente;
✔️Mapalakas ang seguridad at maayos na pagkilala sa mga lehitimong residente.
✔️Ilalatag sa pagdinig ang mga detalye ukol sa aplikasyon, bayarin (kung mayroon), bisa ng ID, at mga patakarang kaugnay nito.
Paanyaya sa Publiko
Ang lahat ng residente, sektor, organisasyon, at iba pang interesadong mamamayan ay inaanyayahang dumalo at makilahok sa nasabing pampublikong pagdinig. Ang inyong mga opinyon, mungkahi, at rekomendasyon ay mahalaga upang masiguro na ang mga ordinansang ito ay naaayon sa pangangailangan at kapakanan ng buong komunidad.
Ang pampublikong pagdinig na ito ay alinsunod sa prinsipyo ng transparency, participatory governance, at mabuting pamamahala.
Para sa karagdagang impormasyon, maaaring makipag-ugnayan sa Tanggapan ng Punong Barangay.
Ipinapaabot para sa kaalaman at pakikiisa ng lahat.
