20/04/2025
Happy Easter, mga igkasi-Babatngonanon!
Dara han kalipay han pagkabanhaw han aton Ginoo, ginpapanumdum kita nga magpadayon ha paglaum ha iya ngan pabaskugon an aton pagtuo. Padayon kita nga magbinurubligay ngan tugwayan naton an kada-tagsa ngadto han kapawa. Talik’dan na naton an mga magráot ngan dáan na nga kinaiya hin pagpakaraut, pagpasakit, pagtamay, ngan panlingu han igkasi-tawu. Lugod, aton ipasalupsup ha aton mga kasing-kasing an bag-o nga paglaum tungod hin gugma.
Kahuman han pira ka-adlaw nga aton pamalandung, ngan bakasyon, gin-aampo ko an himyang ngan talwas nga pagbiyahe para hadton mga Babatngonanon nga mabalik na han ira mga trabaho kaupod an ira mga pamilya, sugad man an mga estudyante nga mabalik ha siyudad para mag-eskwela, ngan ha ngatanan nga magbibiyahe tiuli ngan tilakat han aton bungto.
Ginpapaabot ko gihap an akon pasasalamat hadton mga naging kasugbong naton agud masiguro an seguridad para han malinampuson nga pagsaurog han Semana Santa—an magdurudilain nga mga ahensya han gobyerno pinaagi han MDRRMO, RHU, PNP, BFP, mga volunteers, mga barangay officials, ngan ha tanan nga mga molupyo.
Damo nga salamat!
ELEONOR B. LUGNASIN
Municipal Mayor
