RV Albay Bogna ES

09/07/2026

BOGÑA ELEMENTARY SCHOOL, MAY LIBRENG WI-FI NA PARA SA LAHAT!

Bogña, Bacacay, Albay | July 8, 2026 – Isang mahalagang hakbang tungo sa mas makabagong edukasyon ang naisakatuparan sa Bogña Elementary School sa pamamagitan ng paglulunsad ng Free Wi-Fi for All Program sa pakikipagtulungan ng Department of Education (DepEd) at Department of Information and Communications Technology (DICT).

Sa pamamagitan ng programang ito, magkakaroon ng libreng internet access ang mga mag-aaral, g**o, at maging ang mga miyembro ng komunidad. Inaasahang magiging malaking tulong ito sa pagpapadali ng komunikasyon, pagpapahusay ng proseso ng pagtuturo at pagkatuto, at pagbibigay ng mas malawak na access sa mga digital na kagamitan at impormasyon.

Ang pagkakaroon ng libreng Wi-Fi sa paaralan ay magbibigay-daan sa mas mabilis na koordinasyon sa pagitan ng mga g**o, magulang, at iba pang stakeholders. Higit pa rito, makatutulong ito sa paggamit ng online learning resources, pananaliksik, at iba pang makabagong pamamaraan sa pagtuturo na magpapataas sa kalidad ng edukasyon sa Bogña Elementary School.

Patuloy na ipinapakita ng DepEd at DICT ang kanilang pangako sa pagpapalawak ng digital connectivity sa mga pampublikong paaralan sa pamamagitan ng Free Wi-Fi for All Program, na naglalayong gawing mas accessible ang internet para sa mga mag-aaral, g**o, at komunidad.

Sa inisyatibong ito, mas pinagtitibay ng Bogña Elementary School ang layunin nitong makapagbigay ng de-kalidad, inklusibo, at makabagong edukasyon para sa bawat Batang Bogña.

25/06/2026

BOGÑA ES FACULTY, NAGTIPON PARA SA MAS PINATATAG NA PAGTUTURO AT KALIGTASAN NG MGA MAG-AARAL

Bogña, Bacacay, Albay – Hunyo 25, 2026 — Nagsagawa ng Faculty Meeting ang mga g**o at punong-g**o ng Bogña Elementary School upang talakayin ang mahahalagang usapin na may kaugnayan sa pagtuturo, kaligtasan ng paaralan, at paglahok ng mga mag-aaral sa iba't ibang aktibidad.

Kabilang sa mga pangunahing agenda ang pagpapatibay ng paggamit ng ILAW Framework sa lesson planning, pagpapalakas ng mga hakbang para sa school safety, at paghahanda para sa pakikilahok ng paaralan sa iba't ibang akademiko at pampalakasan na gawain.

Sa pangunguna ni Ginoong Rommel B. Marquez, Principal I ng Bogña Elementary School, muling pinagtibay ng mga g**o ang kanilang sama-samang layunin na maghatid ng dekalidad na edukasyon habang tinitiyak ang ligtas at suportadong kapaligiran para sa bawat mag-aaral.

Patuloy na nagsisilbing daan ang mga ganitong pagpupulong upang mapalakas ang kolaborasyon at kahandaan ng mga g**o sa pagtugon sa mga pangangailangan ng mga mag-aaral at ng paaralan.

25/06/2026

BARANGAY AT PAARALAN, NAGKAISA PARA SA MAS PINALAKAS NA SEGURIDAD NG BOGÑA ELEMENTARY SCHOOL

Bogña, Bacacay, Albay – Hunyo 25, 2026 — Nagsagawa ng pagpupulong si Punong Barangay Ryan Barotilla ng Pongco, Bogña, Bacacay, Albay at si Sir Rommel B. Marquez, Principal 1, ng Bogña Elementary School upang talakayin ang pagpapalakas ng mga umiiral na school security protocols ng paaralan.

Isinagawa ang pagpupulong sa Bogña Elementary School bilang bahagi ng patuloy na pagtutulungan ng barangay at paaralan sa pagpapanatili ng isang ligtas, maayos, at protektadong kapaligiran para sa mga mag-aaral, g**o, at iba pang stakeholder.

Kabilang sa mga napag-usapan ang mas mahigpit na koordinasyon sa pagitan ng paaralan at barangay, pagpapaigting ng pagbabantay sa paligid ng paaralan, at iba pang hakbang upang higit na mapahusay ang seguridad sa loob at labas ng kampus.

Binigyang-diin ng magkabilang panig ang kahalagahan ng sama-samang pagkilos at pakikipagtulungan ng komunidad upang matiyak ang kaligtasan at kapakanan ng bawat mag-aaral.

Sa pamamagitan ng matibay na ugnayan ng barangay at paaralan, patuloy na isinusulong ng Bogña Elementary School ang isang ligtas at angkop na kapaligiran para sa dekalidad na pagkatuto.

21/06/2026

Happy Fathers' Day sa lahat ng mga Tatay, Papa, at Daddies!

19/06/2026

BAYANIHAN PARA SA KALIGTASAN: MGA BOLUNTARYO, NAGKAISA PARA SA BOGÑA ELEMENTARY SCHOOL

Bogña, Bacacay, Albay – Hunyo 19, 2026 — Sa diwa ng bayanihan at malasakit sa kapakanan ng mga mag-aaral, matagumpay na naitayo ang mga pansamantalang bakod sa mga hindi awtorisadong daanan sa paligid ng Bogña Elementary School.

Ang gawaing ito ay naisakatuparan sa pamamagitan ng sama-samang pagtutulungan ng mga opisyal ng SPTA, Sangguniang Barangay, mga benepisyaryo ng 4Ps, at mga magulang na boluntaryong naglaan ng kanilang oras at lakas para sa ikabubuti ng paaralan.

Taos-pusong nagpapasalamat ang pamunuan ng Bogña Elementary School sa lahat ng nakiisa sa gawaing ito. Ang inyong bukas-palad na paglilingkod ay patunay na kapag nagkakaisa ang komunidad, mas nagiging ligtas at mas maayos ang kapaligiran para sa pagkatuto ng ating mga mag-aaral.

Maraming salamat sa inyong walang sawang suporta at pagmamahal sa Bogña Elementary School.

18/06/2026

BOGÑA ELEMENTARY SCHOOL NAKIISA SA NATIONWIDE SIMULTANEOUS EARTHQUAKE DRILL

Bogña, Bacacay, Albay – Hunyo 18, 2026 — Nakiisa ang mga mag-aaral at g**o ng Bogña Elementary School sa isinagawang Nationwide Simultaneous Earthquake Drill (NSED) alas-9:00 ng umaga bilang bahagi ng patuloy na paghahanda ng paaralan sa anumang sakuna.

Sa pamamagitan ng maayos na pagsasagawa ng "Duck, Cover, and Hold" at ng maayos na paglikas patungo sa mga itinakdang evacuation area, ipinakita ng mga mag-aaral at g**o ang kanilang kahandaan at disiplina sa pagtugon sa mga posibleng lindol.

Layunin ng aktibidad na mapalakas ang kamalayan at kahandaan ng buong komunidad ng paaralan sa panahon ng sakuna upang mapanatili ang kaligtasan ng bawat isa.

Patuloy na isinusulong ng Bogña Elementary School ang kultura ng kahandaan at kaligtasan bilang bahagi ng paghubog ng responsableng mamamayan.

11/06/2026

Maligayang Araw ng Kalayaan Bogña ES!

Maligayang Araw ng Kalayaan! 🇵🇭

Sa pagdiriwang ng ika-128 anibersaryo ng Proklamasyon ng Kalayaan ng Pilipinas, kaisa ang Kagawaran ng Edukasyon sa pagpupugay sa katapangan at sakripisyo ng ating mga bayani na nagbukas ng landas tungo sa ating kasarinlan.

Nawa’y magsilbing inspirasyon ang kanilang pamana upang patuloy nating mahalin ang bayan, pahalagahan ang kalayaan, at magkaisa para sa mas maunlad na kinabukasan ng bansa.

11/06/2026

Maraming salamat sa pagbisita Nurse JP and Nurse Alvin! 😀

11/06/2026

PARTNERS IN HEALTH, PARTNERS IN LEARNING

In support of promoting learners' health and well-being, Bogña Elementary School together with the Albay Division Health Personnel successfully conducted a Health Assessment for the pupils and teachers and Parents Health Orientation on June 11, 2026.

The activity was spearheaded by Nurse JP and Nurse Alvin, who facilitated the health assessment of all pupils to monitor their physical condition and ensure their readiness for the school year. The initiative aimed to identify health concerns early and provide appropriate recommendations for learners' welfare.

Alongside the health assessment, an orientation was conducted for the parents of Grade 1 pupils and parents of female Grade 4 pupils. Important health-related information, school health programs, and preventive measures were discussed to strengthen the partnership between the school and families in safeguarding the health of learners.

The activity highlighted the school's commitment to providing a safe and healthy learning environment while encouraging active parental involvement in promoting the well-being of every child.

Through collaborative efforts between health personnel, parents, and the school community, Bogña Elementary School continues to prioritize the holistic development of its learners.

10/06/2026

LEVEL UP, SIR ROMMEL! 🎉

Mula sa pagiging g**o, lider, at inspirasyon sa marami, isa na namang malaking hakbang ang iyong narating!

Taos-pusong pagbati kay Mr. Rommel B. Marquez sa kanyang promosyon bilang School Principal I. Tunay na karapat-dapat ang tagumpay na ito dahil sa iyong sipag, dedikasyon, at malasakit sa edukasyon at sa mga batang Pilipino.

Hindi man naging madali ang paglalakbay, pinatunayan mong ang tiyaga, husay, at pusong naglilingkod ay may magandang kapalit.

Ang buong pamilya ng Bogña Elementary School ay nakikiisa sa pagdiriwang ng iyong tagumpay.

Congrats, Sir Rommel! Deserve na deserve! 🎊👏