Municipal Cooperative Development Unit - Baco

Municipal Cooperative Development Unit - Baco Contact information, map and directions, contact form, opening hours, services, ratings, photos, videos and announcements from Municipal Cooperative Development Unit - Baco, Public & Government Service, Poblacion, Oriental Mindoro, Baco.

PRE-REGISTRATION PARA SA MGA SAMAHANG NAGNANAIS BUMUO NG KOOPERATIBAMatagumpay na isinagawa kahapon, Agosto 28, 2026, sa...
29/08/2026

PRE-REGISTRATION PARA SA MGA SAMAHANG NAGNANAIS BUMUO NG KOOPERATIBA

Matagumpay na isinagawa kahapon, Agosto 28, 2026, sa ABC Hall, Municipal Compound, Baco, Oriental Mindoro, ang Pre-Registration Activity para sa mga samahang nagnanais bumuo at magparehistro bilang isang kooperatiba.

Naging mahalagang bahagi ng aktibidad ang pagbibigay ng orientation at gabay sa mga organisasyon hinggil sa mga pangunahing hakbang, requirements, proseso, at iba pang kinakailangang kaalaman bago tuluyang maitatag at mairehistro ang kanilang kooperatiba.

Nagpaabot naman ng mahalagang kaalaman at gabay si Ma’am Hazel Rozette Quiray ng Cooperative Development Authority (CDA) bilang Resource Speaker. Sa kanyang pagbabahagi, mas napalawak ang pang-unawa ng mga kalahok sa kahalagahan ng maayos na pagpaplano, pagkakaisa, at pagsunod sa mga itinakdang proseso sa pagtatatag ng isang matatag at responsableng kooperatiba.

Ang gawaing ito ay bahagi ng patuloy na pagsisikap ng Local Government Unit of Baco, sa pangunguna ni Mayor Allan A. Roldan, na suportahan at bigyang-daan ang mga samahang nais magkaroon ng mas matatag na organisasyon at sama-samang kabuhayan. Sa ilalim ng kanyang pamumuno, patuloy na isinusulong ang mga programang naglalayong palakasin ang kakayahan ng mga mamamayan, mapaunlad ang kanilang kabuhayan, at makapagbigay ng mas maraming oportunidad para sa bawat sektor ng ating bayan.

🤝 Mula sa pagkakaisa, nabubuo ang isang matatag na kooperatiba. Mula sa kooperasyon, sama-samang nakakamit ang pag-unlad.

Lubos na pasasalamat sa Cooperative Development Authority (CDA), kay Ma’am Hazel Rozette Quiray, at sa lahat ng mga samahang nakiisa at naglaan ng oras upang maging bahagi ng aktibidad.

Sama-sama para sa mas matatag na kooperatiba at mas maunlad na Baco!





2ND YEAR ANNIVERSARY NG SIFISCO Isang makabuluhan at masayang pagdiriwang ang naganap kahapon, Agosto 12, 2026, sa paggu...
13/08/2026

2ND YEAR ANNIVERSARY NG SIFISCO

Isang makabuluhan at masayang pagdiriwang ang naganap kahapon, Agosto 12, 2026, sa paggunita ng ika-2 Anibersaryo ng San Ignacio Fishpond Operators Agriculture Cooperative (SIFISCO).

Naging mas espesyal ang okasyon sa pagdalo ng mga panauhin at katuwang mula sa iba’t ibang ahensya ng pamahalaan:

🤝 Sir Rico Mangubat – Department of Agriculture Regional Office
🤝 Ma’am Rosalie Masinas – Bureau of Fisheries and Aquatic Resources (BFAR)
🤝 Ma’am Daisy Badillo – Department of Social Welfare and Development (DSWD)
🤝 Ma’am Jonna Marie Portales at Engr. Evangeline Barcibal – Philippine Coconut Authority (PCA)
🤝 Sir Orlando B. Tizon – Provincial Cooperative Development Office (PCDO)
🤝 Mga kinatawan ng Sangguniang Bayan ng Baco at Sangguniang Barangay ng San Ignacio

Ang kanilang presensya ay patunay ng patuloy na suporta at pakikiisa sa pag-unlad ng SIFISCO at sa kabuhayan ng ating mga fishpond operators.

Lubos din ang aming pasasalamat kay Mayor Allan A. Roldan sa kanyang patuloy na suporta sa mga kooperatiba at sa pagsusulong ng cooperativism bilang daan tungo sa mas matatag at mas maunlad na pamayanan. Ang kanyang malasakit at suporta ay malaking inspirasyon sa mga miyembro ng SIFISCO at sa iba pang kooperatiba sa Bayan ng Baco.

Mabuhay ang SIFISCO! Mabuhay ang ating mga kooperatiba!
Patuloy tayong magkaisa, magtulungan, at sama-samang umunlad.

Ocular Visit para sa Gawad Tanglaw Matagumpay na isinagawa, kahapon August 12, 2026, ang Ocular Visit ng Provincial Coop...
13/08/2026

Ocular Visit para sa Gawad Tanglaw

Matagumpay na isinagawa, kahapon August 12, 2026, ang Ocular Visit ng Provincial Cooperative Development Office (PCDO) sa pangunguna ni Sir Cristian De Ade, kasama si Ma’am Mylene Najeto, bilang bahagi ng pagsusuri at evaluation sa mga unang batch ng mga kooperatiba na kalahok sa Gawad Tanglaw ng Kooperatiba 2026.

Layunin ng pagbisitang ito na makita at masuri ang mga programa, proyekto, pamamahala, dokumentasyon, at mga naging kontribusyon ng mga kooperatiba sa kanilang mga miyembro at komunidad. Isang magandang pagkakataon din ito upang kilalanin ang kanilang pagsisikap, dedikasyon, at patuloy na pag-unlad.

Lubos ang aming pasasalamat kay Mayor Allan A. Roldan sa kanyang patuloy na suporta at pagpapahalaga sa mga kooperatiba. Sa kanyang pamumuno, mas napapalakas ang kooperatibismo at nabibigyan ng pagkakataon ang mga kooperatiba na umunlad, maging mas produktibo, at maging katuwang sa pag-unlad ng ating bayan.

Mabuhay ang mga kooperatiba! Ipagpatuloy ang pagkakaisa, serbisyo, at pag-unlad!

ORIENTATION ON COOPERATIVE | CATUWIRAN 2 GREENERS ASSOCIATIONMatagumpay na isinagawa kahapon, August 11, 2026, ang Orien...
12/08/2026

ORIENTATION ON COOPERATIVE | CATUWIRAN 2 GREENERS ASSOCIATION

Matagumpay na isinagawa kahapon, August 11, 2026, ang Orientation on Cooperative para sa mga miyembro ng Catwiran 2 Greeners Association, sa pangunguna ni Ma’am Mylene Najeto ng Municipal Cooperative Development Unit (MCDU).

Layunin ng orientation na mabigyan ang mga kalahok ng dagdag na kaalaman tungkol sa kooperatiba, mga prinsipyo nito, benepisyo ng pagiging miyembro, at kahalagahan ng pagkakaisa tungo sa mas matatag at sustainable na organisasyon.

Ang aktibidad na ito ay bahagi ng patuloy na pagsusulong ng cooperativism sa Bayan ng Baco, sa ilalim ng pamumuno ni Mayor Allan A. Roldan, na patuloy na nagbibigay ng suporta at pagkalinga sa mga samahan at kooperatiba upang magkaroon ng mas maraming oportunidad para sa kabuhayan at pag-unlad ng ating mga mamamayan.

Maraming salamat sa Catwiran 2 Greeners Association sa mainit na pagtanggap at aktibong pakikilahok. Sama-sama nating palakasin ang diwa ng KOOPERATIBISMO. Pagkakaisa para sa Kaunlaran!






31/07/2026

Socialization Night - Opening Dance

Performed by: MCDOs, PCDO, CDA and Representatives of Cooperatives of different Municipalities

Pagpapaunlad ng Industriya ng Niyog, Pagpapalakas ng mga Kooperatiba! Matagumpay na nakilahok ang mga kinatawan ng mga k...
31/07/2026

Pagpapaunlad ng Industriya ng Niyog, Pagpapalakas ng mga Kooperatiba!

Matagumpay na nakilahok ang mga kinatawan ng mga kooperatiba mula sa iba't ibang bayan ng Oriental Mindoro sa Coconut Farmers & Industry Development Plan (CFIDP) Training na ginanap noong Hulyo 28–31, 2026 sa Puerto Galera.

Ang nasabing pagsasanay ay pinangunahan ng CDA MIMAROPA katuwang ang Philippine Coconut Authority (PCA), Department of Information and Communications Technology (DICT), Department of Agrarian Reform (DAR), at iba pang ahensya ng pamahalaan, bilang bahagi ng patuloy na pagsuporta sa pagpapalago ng industriya ng niyog at pagpapalakas ng mga kooperatiba.

Kabilang sa mga lumahok mula sa Bayan ng Baco ang Malapad Farmers and Fisherfolks Agriculture Cooperative (MAFCO), Putican Cabulo Coconut Farmers Agriculture Cooperative (PCCFC), at San Ignacio Fishpond Operators Agriculture Cooperative (SIFISCO).

Isa sa mga tampok ng pagsasanay ang Social Marketing with AI Integration at Enterprise Development na pinangunahan ng DICT, kung saan natuto ang mga kalahok ng makabagong estratehiya sa digital marketing, paggamit ng Artificial Intelligence (AI), at mga workshop na makatutulong sa pagpapalago at pagpapalakas ng kanilang mga negosyo at kooperatiba.

Taos-pusong pasasalamat sa Cooperative Development Authority MIMAROPA, Philippine Coconut Authority, Department of Information and Communications Technology, Department of Agrarian Reform, at sa lahat ng katuwang na ahensya sa matagumpay na pagsasagawa ng programang ito.

Lubos ding pasasalamat kay Allan A. Roldan sa kanyang patuloy na suporta sa pagpapaunlad ng mga kooperatiba at sektor ng agrikultura sa Bayan ng Baco.

Sama-sama nating isulong ang isang mas matatag, makabago, at maunlad na industriya ng niyog para sa bawat kooperatiba at magsasaka!

Mula sa Samahan, Tungo sa Isang Ganap na Kooperatiba!Ngayong Hulyo 27, 2026, matagumpay na dumalo ang Agpaysarigan Alang...
27/07/2026

Mula sa Samahan, Tungo sa Isang Ganap na Kooperatiba!

Ngayong Hulyo 27, 2026, matagumpay na dumalo ang Agpaysarigan Alangan Aplaki sa Baco (AALAB) Association, isang samahan ng mga Katutubong Alangan (Indigenous Peoples) ng Bayan ng Baco, sa Pre-Registration Seminar na ginanap sa Puerto Galera. Ang seminar na ito ang nagsilbing unang hakbang sa kanilang paglalakbay tungo sa pagiging isang ganap na rehistradong kooperatiba.

Ang seminar ay isinagawa ng Cooperative Development Authority (CDA) MIMAROPA, sa pangunguna ni Sir Mark Manrique, kung saan tinalakay ang mahahalagang proseso, mga kinakailangan, at responsibilidad sa pagtatatag at pagpaparehistro ng isang kooperatiba. Ang seminar na ito ay nagsilbing matibay na pundasyon upang higit na maihanda ang AALAB Association sa kanilang susunod na hakbang bilang isang organisadong kooperatiba.

Ang Municipal Cooperative Development Unit (MCDU) ng Baco ay patuloy na nakaagapay sa mga samahan sa kanilang paglalakbay tungo sa pagiging ganap na kooperatiba, bilang bahagi ng layuning mapaunlad ang kabuhayan at mapalakas ang samahang pangkabuhayan sa ating bayan.

Lubos din ang aming pasasalamat kay Mayor Allan A. Roldan sa kanyang patuloy na suporta at malasakit sa pagpapaunlad ng kilusang kooperatiba sa Bayan ng Baco. Sa pamamagitan ng kanyang pamumuno, mas maraming samahan ang nabibigyan ng pagkakataong maging organisado, matatag, at handang makamit ang pangmatagalang kaunlaran.

Binabati namin ang buong AALAB Association sa isa na namang mahalagang yugto ng kanilang pag-unlad. Nawa'y magsilbi itong inspirasyon upang patuloy nilang maisulong ang pagkakaisa, pagtutulungan, at sama-samang pag-asenso para sa kapakanan ng kanilang mga miyembro at ng buong komunidad.





📢 MCDU | BASIC COOPERATIVE COURSE PARA SA MGA PERSONS WITH DISABILITIES (PWDs) | July 23, 2026 |1F Tourism BuildingIsang...
23/07/2026

📢 MCDU | BASIC COOPERATIVE COURSE PARA SA MGA PERSONS WITH DISABILITIES (PWDs) | July 23, 2026 |1F Tourism Building

Isang karangalan para sa Municipal Cooperative Development Unit (MCDU) ng Baco na maimbitahan si Ma'am Ma Mylene Q. Najeto, Cooperative Development Specialist I, bilang Resource Speaker sa isinagawang Basic Cooperative Course bilang bahagi ng pagdiriwang ng 48th National Disability Rights Week na pinangasiwaan ng Municipal Social Welfare and Development Office (MSWDO).

Sa kanyang talakayan, ibinahagi ni Ma'am Mylene ang mahahalagang kaalaman tungkol sa kooperatiba ang mga prinsipyo, pagpapahalaga, at mga oportunidad na maaaring maging daan sa mas matatag na kabuhayan, pagkakaisa, at pag-unlad ng ating mga PWDs.

Ang MCDU ay taos-pusong nagpapasalamat sa MSWDO sa pagkakataong maging kabahagi ng makabuluhang programang ito. Patuloy nating isusulong ang mga inisyatibong nagbibigay ng pantay na pagkakataon at nagpapalakas sa bawat sektor ng ating komunidad.

Lubos din ang aming pasasalamat sa patuloy na suporta ni Mayor Allan A. Roldan sa mga programang nagsusulong ng kooperatibismo, inklusibong kaunlaran, at kapakanan ng bawat mamamayan ng Baco. Ang kanyang pamumuno ay nagsisilbing inspirasyon sa patuloy na paghahatid ng mga programang may tunay na malasakit at nagbubukas ng mas maraming oportunidad para sa lahat.

Sama-sama para sa isang inklusibo, matatag, at maunlad na Baco sa pamamagitan ng kooperatibismo! 💙💚






📍 Financial Literacy Seminar | July 23, 2026 | AR BuildingBilang pakikiisa sa layunin ng DSWD Sustainable Livelihood Pro...
23/07/2026

📍 Financial Literacy Seminar | July 23, 2026 | AR Building

Bilang pakikiisa sa layunin ng DSWD Sustainable Livelihood Program (SLP) na mapaunlad ang kabuhayan ng mga benepisyaryo, inimbitahan si Ma Mylene Q. Najeto, Cooperative Development Specialist I ng Municipal Cooperative Development Unit (MCDU) ng LGU-Baco, bilang Resource Speaker sa isinagawang Financial Literacy Seminar.

Sa kanyang talakayan, ibinahagi niya ang kahalagahan ng wastong paghawak ng pananalapi, tamang pagba-budget, pag-iimpok, at responsableng paggamit ng kita bilang mahalagang pundasyon sa pagkakaroon ng matatag at pangmatagalang kabuhayan.

Ang MCDU ay taos-pusong nagpapasalamat sa DSWD Sustainable Livelihood Program sa patuloy na pakikipagtulungan sa paghahatid ng mga programang nagbibigay-kaalaman at nagpapalakas sa kakayahan ng ating mga mamamayan.

Taos-puso rin ang aming pasasalamat kay Mayor Allan A. Roldan sa kanyang patuloy na suporta at pagsusulong ng mga programang nakatuon sa pagpapaunlad ng kabuhayan, pagpapalawak ng kaalaman, at pagpapalakas ng mga komunidad sa Bayan ng Baco.

Patuloy na magsisilbi ang Municipal Cooperative Development Unit sa pagsusulong ng financial literacy, kooperatibismo, at mga programang naglalayong makamit ang isang mas maunlad at matatag na pamayanan.






Address

Poblacion, Oriental Mindoro
Baco
5201

Opening Hours

Monday 7am - 6pm
Tuesday 7am - 6pm
Wednesday 7am - 6pm
Thursday 7am - 6pm
Friday 7am - 6pm

Website

Alerts

Be the first to know and let us send you an email when Municipal Cooperative Development Unit - Baco posts news and promotions. Your email address will not be used for any other purpose, and you can unsubscribe at any time.

Shortcuts

Share

Category