Dolores Gonzales-Ramos

09/05/2022

𝙈𝙖𝙝𝙖𝙡 𝙆𝙞𝙩𝙖 𝘽𝙖𝙜𝙖𝙘

Una sa lahat, nagpapasalamat ako sa Poong Maykapal na syang nagbibigay sakin ng lakas at karunungan sa buong panahon ng kampanya.

Nagpapasalamat ako sa lahat ng nagtiwala sa aking adhikain na iangat ang antas ng pamumuhay ng bawat Bagakenyo. Maraming salamat sa inyong pagmamahal at suporta.

Sa lahat ng sumuporta at nakilahok sa aking kampanya, sa mga coordinators, family leaders, watchers, at sa mga simpleng taong ikinampanya ako, hindi ko man kayo maisa-isa, tanggapin ninyo ang taos puso kong pasasalamat.

Salamat sa bawat Barangay na nagtiwala sa akin. Mula Parang, San Antonio, at Binukawan, maging sa mga taga Atilano, Bagumbayan, Tabing-Ilog, Ibaba, at Pag-asa. Ganun din, maraming salamat sa inyo Brgy Ibis, Brgy Banawang at Brgy Saysain. Hindi ko din malilimutan ang pinakita nyong suporta mga coastal barangays ng Paysawan, Binuangan, at Quinawan. Pinaramdam nyo sakin ang pagmamahal nyo, mula umpisa ng pagdedeklara ng aking kandidatura hangang matapos ang halalan.

Hindi man natin nakamit ang tagumpay na ating minimithi, makakaasa kayo na bukas ang aking tahanan, sa kahit na sinong Bagakenyong nangangailangan ng aking tulong.

Sa mga bagong halal ng ating bayan, nawa’y patnubayan kayo ng Diyos sa inyong mga tungkulin bilang lingkod bayan ng Bagac. Patuloy kong ipapanalangin ang aking bayan para sa ikabubuti nito.

Maraming salamat din sa aking asawa na si Wawaw. Kulang ang mga salita para ibalik ko sayo ang nararapat na pasasalamat para sa suportang binigay mo saking kandidatura. Maraming salamat din sa aking mga anak na buong pusong nagbigay ng suporta sakin. Kayong pamilya ko ang aking sandalan at pinaghuhugutan ng lakas. Mahal na mahal ko kayo.

MARAMING MARAMING SALAMAT BAYAN NG BAGAC. Patuloy kong mamahalin ang aking bayang sinilangan at mangangarap para sa kapwa ko Bagakenyo.

MABUHAY ANG BAYAN NG BAGAC!

06/05/2022

𝘽𝘼𝙒𝘼𝙇 𝙋𝘼𝙉𝙊𝙊𝙍𝙄𝙉!!!

Noong Oktubre ng nakaraang taon, sinalanta ng bagyong Maring ang dalampasigan ng Sibacan sa Brgy. Pag-asa. Maraming kabahayan ang nasira gawa ng pagkaubos ng buhangin sa nasabing barangay. Ito ay dulot ng "BLACK SAND MINING" o ang paghigop ng buhangin sa karagatan gamit ang malalaking barko.

"Bawal Panoorin" - ito ang mga katagang bibigkasin ng mga nakaupo sa katungkulan upang hindi malaman ng taong bayan ang karumaldumal na krimen na ginawa nila sa kalikasan.

GISING mga kapwa ko Bagakenyo! Magtulong-tulong tayong wakasan ang mapang-abusong liderato dito sa ating pamayanan. Sila ang nagkakamal ng ating likas yaman. Pagbabayarin natin ang mga taong ito sa kanilang kasalanan.

TAMA NA. SOBRA NA. PALITAN NA.

06/05/2022

06/05/2022

𝙈𝘼𝙂𝙆𝘼𝙆𝘼𝙎𝘼𝙈𝘼𝙉𝙂 𝘽𝘼𝘽𝘼𝙉𝙂𝙊𝙉

Alam kong mahirap ang buhay at may kanya kanya tayong pinagdadaanan, pero sana tingnan natin ang darating na eleksyon bilang pagkakataon upang mabago ang ating kapalaran.

Tingnan natin ito bilang bagong pag-asa na magiging gabay natin upang mas galingan pa sa buhay at maniwala na kung tayo ay magtutulungan, maaabot natin ang kaunlaran.

Nandito kami, ang Team Dolores, hindi kayo pababayaan. Makakaasa kayo na kayo ay pakikinggan at isasaalang-alang palagi ang inyong kapakanan.

Hiling namin sa Mayo 9, gamitin natin ang karapatan nating bumoto at higit sa lahat, bumoto tayo ng tama.

Piliin ang mga taong may malinis na intensyon para sa ating bayan. Yung may tunay na malasakit at pagmamahal sa taong bayan.

Maraming maraming salamat po sa inyong patuloy na pagsuporta. Nababasa po namin lahat ng inyong comment at mga mensahe, personal man o online. Kayo ang pinaghuhugutan namin ng lakas.

T E A M D O L O R E S
𝘱𝘢𝘳𝘢 𝘴𝘢 𝘉𝘢𝘨𝘢𝘤
Mayor
#4 𝘿𝙤𝙡𝙤𝙧𝙚𝙨 𝙂𝙤𝙣𝙯𝙖𝙡𝙚𝙨-𝙍𝙖𝙢𝙤𝙨
Vice Mayor:
#2 𝙎𝙪𝙯𝙚𝙩𝙩𝙚 𝙉𝙤𝙟𝙖𝙙𝙚𝙧𝙖
Konsehal:
#3 𝙊𝙣𝙟𝙞𝙣𝙜 𝘽𝙖𝙘𝙞𝙡𝙚𝙨
#4 𝘼𝙡𝙚𝙭 "𝙎𝙤𝙣𝙣𝙮" 𝘽𝙖𝙣𝙩𝙪𝙜𝙖𝙣
#9 𝙏𝙧𝙞𝙨𝙨𝙖 𝙈𝙖𝙚 𝘿𝙚 𝙇𝙚𝙤𝙣
#15 𝘼𝙧𝙫𝙞𝙣 𝙑𝙖𝙡𝙙𝙚𝙘𝙖𝙣𝙖𝙨 𝙅𝙤𝙧𝙣𝙖𝙡
#16 𝙅𝙝𝙤𝙣 - 𝙍𝙚𝙮 𝙇𝙤𝙧𝙚𝙩𝙤
#20 𝙍𝙝𝙚𝙙𝙖 𝙋𝙖𝙜𝙪𝙞𝙤
#21 𝙀𝙣𝙜𝙧. 𝙅𝙖𝙢𝙚𝙨𝙣𝙞𝙘𝙠 𝙎𝙚𝙧𝙖𝙢𝙞𝙣𝙚𝙨

05/05/2022

MARAMING SALAMAT sa suporta, PBA Legend Gary David!

05/05/2022

𝗔𝗣𝗔𝗧 𝗡𝗔 𝗔𝗥𝗔𝗪 𝗡𝗔 𝗟𝗔𝗡𝗚!

Mahal naming Bagakenyo, 4 na araw na lamang bago ang botohan!

Huwag po nating kalimutan, DOLORES GONZALES-RAMOS po, number 4 sa balota para sa pagka MAYOR.

Konting panahon na lang at makakaramdam na tayo ng tunay na pagbabago. Ilaban na natin 'to!

05/05/2022

Mabuhay Bagakenyo! Ngayong tapos na ang lahat ng meetings ng sa bawat barangay at napuntahan na din namin halos lahat ng mga kabahayan sa aming pagha-house-to-house campaign, hinihiling ko sa bawat isa sa inyo na mataimtim na suriin ang lahat ng kandidato para makaboto kayo ng tama.

Nagpapasalamat ako kay Ms. Willanie Turnbull na nagbahagi ng kanyang talento para isulat at kantahin ang campaign jingle na ito.

04/05/2022

𝙋𝙇𝘼𝙉𝙊 𝙆𝙊!

Isang kolektibong pag-unlad ng ating pamayanan. Walang maiiwan. Sama-sama tayong aangat sa bayan ng Bagac!

04/05/2022

𝙏𝘼𝙍𝘼 𝙉𝘼 𝙈𝙂𝘼 𝘽𝘼𝙂𝘼𝙆𝙀𝙉𝙔𝙊!

6PM, Brgy Parang Basketball Court

04/05/2022

𝙄𝙎𝙎𝙐𝙀 𝙣𝙜 𝙋𝘽𝘼 𝘽𝙖𝙨𝙠𝙚𝙩𝙗𝙖𝙡𝙡 𝙀𝙭𝙝𝙞𝙗𝙞𝙩𝙞𝙤𝙣 𝙂𝙖𝙢𝙚 𝙨𝙖 𝙎𝙖𝙮𝙨𝙖𝙞𝙣

Una sa lahat, maraming salamat sa lahat ng tumulong at nag-organisa ng exhibition game ng PBA legends na gaganapin mamayang hapon sa Parang Basketball court.

Nagpapasalamat din ako sa pamunuan ng Barangay Parang sa agarang pagpayag at pagbigay ng permiso para idaos ang nasabing event na ito.

Hangad ko sana na sa barangay Saysain idaos ang isang makasaysayang basketball game na ito sa kadahilanang isa sa PBA legend na si Ranidel de Ocampo ay isang lihitimong taga Saysain. Ito ay isang pagpupugay na ang mga Bagakenyo ay may angking galing at talento.

Ganun pa man, ang aking pong hiling sa mga taga Saysain, wag nyo pong tuligsain ang pamunuan ng Barangay Saysain sa hindi nila pagbigay ng permit. Tama na po ang pagkakawatak-watak ng ating bayan. Isang pamilya at isang lahi tayo. Mahal ko ang bawat Bagakenyo.

Suportahan nyo po ang at sa darating na halalan. Hihilingin po natin kay Congressman Boboy Peliglorio na pag tapos ng halalan, magdaos muli ng mga Basketball Exhibition games ng PBA Legends sa iba't ibang barangay ng bayan ng Bagac para sa kasiyahan ng bawat bagakenyo.

04/05/2022

𝘽𝙧𝙜𝙮 𝙄𝙗𝙖𝙗𝙖

MARAMING SALAMAT, Barangay Ibaba! Espesyal kayo sa puso ko dahil dito ako sa barangay na ito isinilang at namulat.

Napakaraming magagandang alaala ng aking kabataan ang palagi kong binabalik-balikan. Nakakataba ng puso dahil marami sa inyo ang hindi nakalimot sa lahat ng ating masasayang pinagsamahan.

Mahal ko kayo, Barangay Ibaba!

Mabuhay ang bayan ng Bagac!