01/03/2026
Madamo gid nga salamat sa inyo tanan! 💖🎉
Nangin madinalag-on gid ang tanan nga events sang Pista sang aton Purok bangod sa inyo suporta, pagbinuligay kag pagpakig-upod.
Una sa tanan, ginapasalamatan naton si Lord sa Iya pag gabay sa aton tanan — nga nangin safe kag nami gid ang aton tiempo sa bug-os nga selebrasyon. 🙏
Madamo man nga salamat sa aton mga Brgy. Officials sa ila all-out nga suporta, kag sa tanan nga services nga aton gin-kuha nga nag effort kag wala gid nag-disappoint.
Sa aton mga Purok Officials kag sa tanan nga nagbinuligay kag naghatag oras agud mapatuman ini nga mga aktibidad — dako gid ang amon pagpasalamat sa inyo.
Kag sa tanan nga sponsors nga naghatag sang pinansyal nga bulig sa aton Purok, madamo gid nga salamat sa inyo. Tungod sa inyo suporta, mas nangin nami kag mas organisado ang aton mga events.
Kag syempre, sa tanan nga pumuluyo kag mga pangayaw nga nagtambong kag nag-celebrate upod sa amon, salamat gid sa inyo presensya kag pagpakig-isa. Kabay pa nga ang tanan nag-enjoy kag nagdala sing matahum nga mga handumanan.
Tani indi lang kita magbinuligay kon Pista, kundi sa tagsa ka tion nga nagakinahanglan ang aton pinalangga nga Purok Baybay Proper. 💙 Padayon tani ang aton pag-isa kag pagbinuligay para sa kaayuhan kag pag-uswag sang aton komunidad.
Kitaay kita liwat sa masunod pa nga mga pista kag aktibidad sang aton Purok!
