Bahaghari SLU

01/06/2026

JUNE NA, PRIDE MONTH NA! BAGUIO, ARE YOU READY TO RAMPA? 🌈💋✨

BAHAGHARI Metro Baguio, together with all its chapters, Northern Luzon Pride, & SUMIKOM UC invites every q***r person from the North and all our allies to join this year’s Pride Month Celebration! This year, we proudly banner the theme: “Para sa kalayaan ng karapatan at kasarian, RAMPA, AWRA! 💅🔥

This year, RARAMPA ang mga accla para sa pag-SASHAY AWAY ng bulok, korap, at pahirap na sistemang patuloy na nagpapataas ng presyo ng bilihin, nagpapababa ng sahod! RARAMPA laban sa transphobia, homophobia, misogyny, bullying, harassment, at lahat ng porma ng pang-aapi sa LGBTQ+ community mula paaralan hanggang mga pagawaan!

Aawra para sa karapatan, kabuhayan at kalayaan! ✊🏽 Aawra para sa ligtas at inklusibong edukasyon! AWRA para sa lipunang walang diskriminasyon, pang-aabuso, at pagsasamantala! 💥

THE TIME HAS COME TO STRUT THE STREETS FOR OUR RIGHTS! BEKI NG BAYAN, RAMPA! SANGKABAKLAAN, AWRA! 🌈

01/06/2026

“𝙒𝘼𝙇𝘼 𝘿𝘼𝙋𝘼𝙏 𝙆𝙊𝙉𝙎𝙀𝙋𝙏𝙊 𝙉𝙂 𝙎𝙊𝙂𝙄𝙀 𝙎𝘼 𝙋𝙄𝙇𝙄𝙋𝙄𝙉𝘼𝙎
𝙥𝙚𝙧𝙤 𝙙𝙖𝙝𝙞𝙡 𝙨𝙖 𝙢𝙖𝙡𝙖𝙠𝙤𝙡𝙤𝙣𝙮𝙖𝙡 𝙖𝙩 𝙢𝙖𝙡𝙖𝙥𝙮𝙪𝙙𝙖𝙡 𝙣𝙖 𝙡𝙞𝙥𝙪𝙣𝙖𝙣, 𝙞𝙨𝙞𝙣𝙞𝙡𝙖𝙣𝙜 𝙖𝙣𝙜 𝙥𝙖𝙩𝙧𝙞𝙮𝙖𝙧𝙠𝙖𝙡 𝙖𝙩 𝙝𝙚𝙩𝙚𝙧𝙤𝙨𝙚𝙠𝙨𝙞𝙢𝙤𝙣𝙜 𝙡𝙞𝙥𝙪𝙣𝙖𝙣.”

Sa pag-unawa sa kasaysayan ng kasarian sa Pilipinas, mahalagang hindi ihiwalay ang diskurso sa materyal na kondisyon ng lipunan. Sa mga sinaunang pamayanan bago ang kolonyal na pananakop, ang organisasyong panlipunan ay hindi pa ganap na nakaangkla sa mahigpit na binary ng kasarian. Ang papel ng tao ay higit na nakabatay sa kolektibong pangangailangan ng komunidad—sa paggawa, ugnayan, at ritwal—kaysa sa rigid na kategoryang “lalaki” at “babae” bilang estriktong kultural na kahulugan ng identidad.

𝗦𝗮 𝗽𝗮𝗴𝗽𝗮𝘀𝗼𝗸 𝗻𝗴 𝗸𝗼𝗹𝗼𝗻𝘆𝗮𝗹𝗶𝘀𝗺𝗼𝗻𝗴 𝗞𝗮𝘀𝘁𝗶𝗹𝗮 𝗮𝘁 𝗔𝗺𝗲𝗿𝗶𝗸𝗮𝗻𝗼, ipinatong ang isang sistemang patriyarkal na nakaugat sa Kristiyanong moralidad at kolonyal na kaisipan. Dito naging institusyon ang heteroseksismo: ang pamilya ay inihanay sa iisang modelo, ang katawan ay ginawang regulado ng simbahan at batas, at ang anumang lumilihis sa heteronormativity ay itinuring na “abnormal” o “imoral.” 𝗔𝗻𝗴 𝗸𝗮𝘀𝗮𝗿𝗶𝗮𝗻 𝗮𝘁 𝘀𝗲𝗸𝘀𝘄𝗮𝗹𝗶𝗱𝗮𝗱 𝗮𝘆 𝗵𝗶𝗻𝗱𝗶 𝗻𝗮 𝗹𝗮𝗺𝗮𝗻𝗴 𝗸𝗮𝗿𝗮𝗻𝗮𝘀𝗮𝗻—𝗶𝘁𝗼 𝗮𝘆 𝗻𝗮𝗴𝗶𝗻𝗴 𝗺𝗲𝗸𝗮𝗻𝗶𝘀𝗺𝗼 𝗻𝗴 𝗸𝗼𝗻𝘁𝗿𝗼𝗹.

𝗦𝗮 𝗹𝗼𝗼𝗯 𝗻𝗴 𝗸𝗮𝘀𝗮𝗹𝘂𝗸𝘂𝘆𝗮𝗻𝗴 𝗺𝗮𝗹𝗮𝗸𝗼𝗹𝗼𝗻𝘆𝗮𝗹 𝗮𝘁 𝗺𝗮𝗹𝗮𝗽𝘆𝘂𝗱𝗮𝗹 𝗻𝗮 𝗹𝗶𝗽𝘂𝗻𝗮𝗻, lalo itong pinatitibay ng sistemang IPBK—imperyalismo, pyudalismo, at burukrata kapitalismo. Ang mga institusyong ito ang nagkakandado sa patriyarkal na kaayusan: ang imperyalismo ay nagluluwas ng ideolohiya at kultural na pamantayan ng Kanluran; ang pyudalismo ay nagpapatuloy ng konserbatibong kaayusan sa kanayunan at pamilya; at ang burukrata kapitalismo ay nag-i-institusyonalisa ng diskriminasyon sa loob ng estado, batas, at empleyo. Kaya ang SOGIE ay hindi hiwalay na “identity issue” lamang, kundi bahagi ng mas malawak na tunggalian sa pagitan ng mapaniil na estruktura at ng demokratikong karapatan ng mamamayan.

Sa ganitong pananaw, ang SOGIE ay hindi imbento ng kasalukuyan, kundi wika ng paglalarawan sa matagal nang realidad ng pang-aapi sa kasarian at identidad sa loob ng sistemang kolonyal at burgesya.

𝗞𝗮𝘆𝗮 𝗮𝗻𝗴 𝗣𝗿𝗶𝗱𝗲 𝗮𝘆 𝗵𝗶𝗻𝗱𝗶 𝘀𝗶𝗺𝗽𝗹𝗲𝗻𝗴 𝗽𝗮𝗴𝗱𝗶𝗿𝗶𝘄𝗮𝗻𝗴. 𝗜𝘁𝗼 𝗮𝘆 𝗽𝗮𝗴𝗽𝗮𝗽𝗮𝘁𝘂𝗹𝗼𝘆 𝗻𝗴 𝗺𝗮𝗸𝗮𝘀𝗮𝘆𝘀𝗮𝘆𝗮𝗻𝗴 𝗽𝗮𝗴𝗹𝗮𝗯𝗮𝗻 𝗹𝗮𝗯𝗮𝗻 𝘀𝗮 𝘀𝗶𝘀𝘁𝗲𝗺𝗮𝗻𝗴 𝗻𝗮𝗴𝗱𝗶𝗱𝗶𝗸𝘁𝗮 𝗻𝗴 𝗸𝗮𝗮𝘆𝘂𝘀𝗮𝗻 𝗻𝗴 𝗸𝗮𝘁𝗮𝘄𝗮𝗻, 𝗽𝗮𝗴-𝗶𝗯𝗶𝗴, 𝗮𝘁 𝗽𝗮𝗴𝗸𝗮𝘁𝗮𝗼.

At habang ipinagdidiwang, sabay nating kinikilala: 𝗮𝗻𝗴 𝗯𝗮𝘄𝗮𝘁 𝗸𝘂𝗹𝗮𝘆 𝗮𝘆 𝗺𝗮𝘆 𝗸𝗮𝘀𝗮𝘆𝘀𝗮𝘆𝗮𝗻 𝗻𝗴 𝗽𝗮𝗴𝘁𝘂𝘁𝗼𝗹. At ang bawat pagtutol ay hakbang palapit sa panahong hindi na kailangang ipaglaban ang sarili sa ilalim ng mapaniil na sistema.

29/04/2026

𝗦𝗔𝗡𝗚𝗞𝗔𝗕𝗔𝗞𝗟𝗔𝗔𝗡, 𝗞𝗔𝗦𝗔𝗠𝗔 𝗦𝗔 𝗟𝗔𝗕𝗔𝗡! ✊🏻

Sa bawat pook-pagawaan at sa bawat uri sa lipunan, may mga manggagawang miyembro ng LGBTQIA+ community na itinatali ng pasistang sistema. Ngunit ngayon, higit kailanman, sa kabila ng mga pasaning ito ay walang humpay rin ang pakikibaka ng mga uring manggagawa na nagmimithi ng kasarinlan at karapatang pilit pinagkakait.

Kaya naman sa nalalapit na Mayo Uno, ang mga makabayan at militanteng LGBT ay walang takot na hahanay upang lansagin at puksain ang sistemang kumakadena sa mga manggagawa para hindi nila matamasa ang mga karapatan na marapat lamang na sa kanila. Tayo ay walang tigil na makikiisa sapagkat sa isang lipunang may kasarinlan, ang tanikalang pumipigil sa buong sambayanang Pilipino upang maka-alpas ay nawasak na.

📍 Assembly at Baguio Convention Center
🗓 May 1, 2026 | 8:00 AM

29/04/2026

Noong Abril 24, 2026, isa ang DASIG sa maraming organisasyong nakiisa sa ika-42 na Peoples’ Cordillera Day. Sa harap ng patuloy na pang-aapi sa mga katutubong komunidad, hindi sapat ang simpleng pakikinig; kinakailangan ang malinaw at matapang na panig. Ang okasyong ito ay nakaugat sa kasaysayan ng pakikibaka sa Chico River Dam nina Macli-ing Dulag—isang lider-katutubong pinaslang dahil sa kanyang malalim na paglubog at paninindigan para sa kanyang komunidad. Ang kanyang asasinasyon ay patunay na ang pag-ugat sa masa ay itinuturing na banta ng mga mapang-api.

Dahil dito, mas napalalim ang ating pag-unawa na ang integrasyon sa masa ay hindi dapat manatiling pormalidad o akademikong gawain. Ito ay isang panawagan upang maranasan at maunawaan ang bigat ng araw-araw na pakikibaka ng mga Kaigorotan—mula sa militarisasyon hanggang sa banta ng pagpapaalis sa kanilang lupang ninuno. Ang panganib ng ganitong uri ng paninindigan ay hindi nagtapos kay Macli-ing; makikita rin ito sa kaso ni Brandon Lee, isang Canadian national na naging peasant organizer sa Ifugao na kalaunay tinangkang patayin kaya na paralyze ang kalahati ng kanyang katawan. Ang kanilang dinanas ay nagpapatunay na kahit ang mga nagnanais lamang tumulong at mag-aral sa kalagayan ng mga magsasaka ay hindi ligtas sa dahas ng estado.

Kasabay ng pakikipamuhay na ito, pumutok ang balita ng Toboso 19—isang brutal na massacre kung saan siyam sa mga biktima ay kumpirmadong mga sibilyan at community organizers. Ang kanilang brutal na pagkasawi sa kamay ng Armed Forces of the Philippines ay hindi isang hiwalay na insidente. Ang pananakot at pag iintimida ng hanay ng militar ay isa huwarang paglabag sa karapatang pantao ng mga miyembro ng komunidad. Ang kinakailangan ng mga komunidad sa kanayunan ay pangmatagalang solusyon sa mga kinakaharap nilang mga isyung panlipunan—hindi militarisasyon.

Dito natin makikita na ang paggunita sa Peoples’ Cordillera Day at ang trahedya ng Toboso 19 ay hindi lamang tematikong magkatulad—sila ay bahagi ng iisang sinulid na nagdurugtong sa pakikibaka ng mamamayan mula sa iba’t ibang rehiyon. Bagama't magkaiba ang lugar at panahon, ang sinulid na ito ay hinabi sa dugo at pawis ng mga martir na nanindigan para sa lupaing ninuno at karapatan sa buhay. Ang militarisasyon, red-tagging, at panunupil sa Cordillera ay siya ring realidad na pumatay sa mga sibilyan sa Toboso.

Sa huli, ang pag-alala kina Macli-ing Dulag,Brandon Lee, at sa Toboso 19 ay nagpapatibay sa iisang mensahe: na ang pakikibaka para sa lupa, buhay, at dangal ay hindi mapuputol ng takot. Kahit magkakaiba ang rehiyon—mula sa kabundukan ng Cordillera hanggang sa kapatagan ng Negros—ang paglaban para sa lupang kinagisnan at kinabubuhayan ang siyang nagtatagpi sa lahat. Ang kasaysayan at kasalukuyan ay magkaugnay; sa bawat pagtindig, mas lalong tumitibay ang ating panawagan para sa katarungan.

23/04/2026

𝐈𝐏𝐈𝐍𝐆𝐄𝐓 𝐓𝐈 𝐊𝐀𝐑𝐁𝐄𝐍𝐆𝐀𝐍: 𝟒𝟐𝐍𝐃 𝐏𝐄𝐎𝐏𝐋𝐄’𝐒 𝐂𝐎𝐑𝐃𝐈𝐋𝐋𝐄𝐑𝐀 𝐃𝐀𝐘!

Sa paggunita ng ika-42 People’s Cordillera Day, naninindigan ang kababaihang kaigorotan, kasama ng bawat kakailyan, manggagawa, magsasaka, kabataan, at iba pang sektor ng bayan, sa patuloy na laban para sa lupa, buhay, at kabuhayan!

Mula sa mga komunidad sa bulubundukin ng Kordilyera hanggang sa pakikipagsapalarang buhay sa siyudad, dama ng kababaihan ang bigat ng krisis: tumataas na presyo ng langis at bilihin, banta ng pribatisasyon, banta sa seguridad, at kakulangan ng tunay na suporta mula sa pamahalaan. Ngunit napapatunayang sa kabila nito, nananatiling matatag ang kababaihan sa pagtindig at paglaban!

Kaya naman hinuhugot natin ang lakas mula sa kasaysayan ng pakikibaka sa Chico River at isyu ng naglalakihang korporasyon at pribatisasyon, patunay na ang sama-samang pagkilos ng mamamayan, kung nasan naroon din ang kababaihan, ay hindi kayang supilin ninuman!

Sa temang: “Ipinget ti Karbengan iti Daga, Biag, ken Kabiagan!”, inaanyayahan ng Innabuyog Gabriela Youth ang lahat na makiisa sa mga susunod na aktibidad at programa para sa paggunita ng 42nd People’s Cordillera Day:

• AG-AGONG: Community Conversation on Land, Life, and Livelihood in Times of Crisis
📆 April 24 | 1:00-4:00 P.M.
📍 Block 4, Baguio Public Market

• ASPULAN: Discourse, Cross-sectoral Exchange, and Cultural Program
📆 April 25 | 1:00-5:00 P.M.
📍 Benguet State University

Kababaihan, tumindig at lumaban! Daga, biag, kinabaknang, salakniban!

19/04/2026

19/04/2026

𝙇𝙪𝙬𝙞𝙨𝙮𝙖𝙣𝙤𝙣𝙜 𝙢𝙖𝙠𝙖𝙗𝙖𝙮𝙖𝙣, 𝙠𝙖𝙨𝙖𝙢𝙖 𝙣𝙜 𝙢𝙜𝙖 𝙩𝙨𝙪𝙥𝙚𝙧 𝙨𝙖 𝙡𝙖𝙗𝙖𝙣!

Kahapon ay pormal nang sinimulan ang paglalagay ng #𝗦𝗮𝗴𝗶𝗽𝗝𝗲𝗲𝗽 𝗕𝗼𝘅𝗲𝘀 na pinangunahan ng mga organisasyon at Louisian volunteers. Sama-samang nag-ikot ang ating mga volunteer at partner organizations upang maglagay ng donation boxes sa mga jeep sa iba’t ibang ruta sa Baguio-Benguet—mula Bakakeng, Aurora Hill, Trancoville, hanggang Brookside.

Kasabay nito, aktibong nakikipagdiyalogo ang mga estudyante sa mga tsuper at kapwa komyuter upang palalimin ang diskusyon hinggil sa kasalukuyang krisis. Layunin nitong palawakin ang pag-unawa at sama-samang pagsusuri sa mga ugat ng suliranin, tungo sa mas makabuluhang pagkilos.

Patuloy ring umuusad ang 𝗣𝗿𝗼𝗷𝗲𝗰𝘁 𝗢𝗴-𝗼𝗴𝗳𝗼, na bukas para sa monetary at in-kind donations, sa pangunguna ng SSC Assemblies kasama ang 31 organisasyon sa SLU.

🔗 𝗗𝗼𝗻𝗮𝘁𝗶𝗼𝗻 𝗟𝗶𝗻𝗸: https://www.facebook.com/share/p/18oqsWEgjE/?mibextid=wwXIfr

Inaanyayahan namin ang aming kapwa komyuter na mag-abot ng boluntaryong tulong sa ating mga tsuper, kung kayo ay may kakayahang magbahagi. At nagpapaabot din ng pag-iimbita sa mga Luwisyano, para makiisa, magparami, at magboluntaryo.

🖇️ 𝗕𝗲 𝗮 𝘃𝗼𝗹𝘂𝗻𝘁𝗲𝗲𝗿: bit.ly/KasiyanaTranspo

𝙏𝙪𝙡𝙤𝙣𝙜-𝙩𝙪𝙡𝙤𝙣𝙜. 𝙎𝙖𝙢𝙖-𝙨𝙖𝙢𝙖. 𝙆𝙖𝙨𝙞𝙮𝙖𝙣𝙖!

09/04/2026

𝗦𝗧𝗔𝗧𝗘𝗠𝗘𝗡𝗧 𝗢𝗙 𝗗𝗘𝗠𝗔𝗡𝗗𝗦 𝗔𝗗𝗗𝗥𝗘𝗦𝗦𝗜𝗡𝗚 𝗧𝗛𝗘 𝗖𝗨𝗥𝗥𝗘𝗡𝗧 𝗦𝗧𝗨𝗗𝗘𝗡𝗧 𝗦𝗜𝗧𝗨𝗔𝗧𝗜𝗢𝗡 𝗔𝗠𝗜𝗗 𝗧𝗛𝗘 𝗢𝗜𝗟 𝗣𝗥𝗜𝗖𝗘 𝗛𝗜𝗞𝗘

On April 7, 2026, the Saint Louis University administration released a memorandum introducing the HyFlex Learning Modality—framed as a response to worsening transportation issues and the urgent need for academic leniency. Yet yesterday, the Louisian community made its voice clear through collective protest, exposing the root of these difficulties: the continuous rise in oil prices that burdens students daily.

While student leaders continue to hold dialogues and conduct sensing initiatives to identify the most responsive solutions for the student body, we recognize these efforts alongside the administration’s attempt to provide alternatives. However, solutions that do not address the root causes remain insufficient. We will continue to hold all stakeholders accountable.

In this light, we, the Louisian community, put forward the following demands.

Now, more than ever, unity and collective action are essential. The challenges we face are not isolated—they are systemic, and they demand solutions that go beyond temporary alternatives. As Louisians, we assert our right to national, scientific, and mass-oriented education. We will continue to organize, remain vigilant, and to push for accountability until meaningful and lasting change is achieved.

08/04/2026

Ang laban ng tsuper ay laban ng komyuter—at laban din ng bawat Luwisyano! 🔻✊

Sa gitna ng walang humpay na pagtaas ng presyo ng langis at lumalalang krisis sa ekonomiya, sama-samang pasan ng mamamayan ang bigat ng epekto nito. Ang mga tsuper na gipit sa kita, ang pagbawas ng mga unit ng transportasyon, ay kadugtong ng estudyanteng hirap sa pamasahe at gastusin, at maging ang hirap sa pagpasok sa araw-araw na klase dahil sa kulang-kulang na sasakyan, at ang pamilyang pilit pinagkakasya ang kakarampot na sahod para tugunan ang mga pangangailangan.

At sa katotohanan nito ay hindi nalalayo ang araw-araw na kwento at danas ng Luwisyano sa dinaranas ng masang Pilipino, na siya ring hindi tunay at ganap na napakinggan ng administrasyon.

Kaya naman ngayon, higit kailanman, iisa lamang ang dapat gawin: tumugon sa hamon ng panahon at makiisa sa malawakang pagkilos ng iba’t ibang sektor ng mamamayan para sa hustisya at paggiit ng ating mga karapatan. Sa panahong ito, kinakailangan ang lakas at paninindigan ng kabataan upang itambol ang ating panawagan—sa pagbaba ng presyo ng gasolina, sa abot-kayang pamasahe, sa pagtaas ng sahod, sa makataong sistema ng edukasyon, at mas lalo nang pagpapanagot sa mga malalaking korporasyon at mismong gobyerno sa ilalim ng Rehimeng Marcos-Duterte.

Kaya naman, dumalo at magpadalo sa gaganaping kilos-protesta!
🗓️ April 8, 2026, Wednesday
🕕 4:30 PM
📍CC Parking, Near Gate 2

Makiisa. Makibaka. Ipaglaban ang karapatan ng bayan! Walang iwanan, Louisians!