ACS UPB

ACS UPB Est 1978. Tunay! Palaban! Makabayan! Ang dalawang ito ay nakilalang CL – ACS.

The Alliance of Concerned Students (ACS) is the premiere student leadership formation and the oldest, broadest, and largest party-alliance of organizations, fraternities, sororities, and confraternities in UP Baguio. History

Ang Alliance of Concerned Students (ACS) ay isinilang sa gitna ng pakikibaka ng mga estudyante at kaguruan na tutulan ang pagpapa-upo muli kay Dean Catbagan bilang Dean ng UP

College Baguio noong Hunyo 1978. Agosto 1978
Pormal na nabuo ang Alyansa na ang pangunahing tungkulin ay isulong ang karapatan at kapakanan ng mga estudyante at ng sambayanang Pilipino
Agosto 25, 1978
nabuo ang Council of Leaders at pinamunuan ito ng ACS. Hulyo 1981
unang tumakbo ang ACS sa Konseho ng Mag-aaral sa pangalang Sandigan ng Mag-aaral para sa Masa (SAMASA)
1982
ACS na ang ginamit na pangalan para sa pagtakbo sa konseho ng mag-aaral kapalit ng SAMASA. Napatunayan na ng ACS, base na rin sa kanyang kasaysayan, na nakakapaglingkod ito at naisusulong nito ang SPRaW manalo o matalo man ito sa halalan ng Konseho ng Mag-aaral. Ang mga patunay dito ay ang pangunguna sa mga iba’t ibang laban sa mga isyus na may malaking epekto sa mga estudyante at kaguruan tulad ng:

-pagtaas ng matrikula mula php 40/yunit ay ginawang php 200/yunit simula ng maipatuad ang STFAP noong 1989
“Tambayan Eviction” at P130 ID isyu noong 1999 kung saan pinamunuan ng ACS ang pagtatayo ng isang malawak na Alyansa Ng Mga Mag-Aaral Sa Up Baguio laban sa isyu
kampanya sa abolish ROTC simula noong 2001
pagtutol sa pag-aalis ng College Assembly noong 2002 kung saan ay aalisin ang isang venue ng mas malawak na konsultahan sa tatlong sector
-pagpapakilos sa mga estudyante para suportahan ang mga kawani at kaguruan sa karapatan nila sa Cost Of Living Allowance (COLA)
-pagpapatawag kasama ng CL at SC ng dialogue sa ODSA hinggil sa demokratikong karapatan ng mga estudyante sa paggamit ng mga pasilidad sa loob ng unibersidad at -pagsusumite ng written document hinggil dito sa ODSA noong 2003
-ang pagtutol sa kontrobersyal na UP CHARTER CHANGE Sb2587
ang masigasig na pamumuno at pagpapanalo sa laban ng paglabag sa demokratikong karapatan ng mga estudyante noong 2005
pagsubaybay at patuloy na pag-aaral sa epekto ng TOFI
kampanya laban sa UP Budget Cut 2010

SPRAW

STUDENTS' AND PEOPLES' RIGHTS AND WELFARE

Ang Alyansa ay mananatiling maninindigan sa karapatan, kagalingan at interes ng mga estudyante. Kabilang na rin dito ang pagkilala sa kapakanan ng iba pang sektor sa loob ng kampus – ang kaguruan at mga kawani. Ipagpapatuloy ng Alyansa ang pagsusulong sa mga demokratikong kahilingan ng tatlong sektor na ito para makamit ang mga minimum na layuning itatakda sa isang takdang panahon.

CHED, tugunan ang krisis sa edukasyon, itakwil ang huwad na reporma sa edukasyon! Noong ika-5 ng Mayo 2026, nilatag ng C...
10/05/2026

CHED, tugunan ang krisis sa edukasyon, itakwil ang huwad na reporma sa edukasyon!

Noong ika-5 ng Mayo 2026, nilatag ng Comission on HIger Education (CHED) ang “Reframed” General Education (GE) Curriculum na pag-iisahin, tatanggalin, at babawasan ang mga GE sa mga pribado at pampublikong mga institusyon. Sa ilalim ng panukala babawasan ang mga GE yunit mula sa 36 ngayon hanggang sa 18 na lamang ngayon. Katwiran ng CHED na nais ihanda ng reframed na kurikulum ang mga gradweyt para tumugon ang mga gradweyt sa nagbabagong job market. Outcomes-based education ang nais nitong paigtingin, o ang pagbubuo ng mga kakayahan sa mga estudyante na maging murang lakas-paggawa. Lubos na kinokondena ng ACS-UPB ang panukala na ito at bagkus nananawagang magsulong ng makabayan, siyentipiko, at maka-masang tipo ng edukasyon.

Ang tanging “outcome” na nais ng CHED sa panukala ay maging marketable at hireable ang mga estudyante at lubos na nagkukulang sa pagtuturo ng kritikal na pag-iisip, pagiging-makatao, at literasi. Ang panukala ng CHED ay tuluyan lamang na papalalain ito dahil ang mga pundamental na aralin tulad ng Kasaysayan ng Pilipinas, Rizal, Pilosopiya, Sining, at Matematika sa iisang 3-yunit na asignatura ay tatalakayin na lamang nang malawakan sa pagtuturo ng aanim na panukalang GE. Magiging mababaw lamang ang kaalaman at hindi mapapalago ang interes ng mga estudyante sa bawat GE na nais nilang pagsamahin. Malaking kasayangan ito dahil natatanging obligasyon ng kolehiyo ang turuan ang mga estudyante nito ng mga kasanayan sa kanilang area, maging ang mga kritikal na perspektiba ukol dito. Nasasadlak lamang ang sistema sa edukasyon sa represibong pag-iisip ngayong panukalang tipirin ang mga estudyante sa asignatura ng agham-panlipunan at humanidades na kailangan nito.

Alang-alang rin daw ito sa pagtatanggal umano ng mga nag-uulit na asignatura mula pa sa senior at junior high school. Maaalala ang huling mga reporma sa GE sa ating pamantasan noong 2016, kung saan ibinaba sa 36-yunit na GE scheme noong pagtatatag ng K-12. Tinanggal ang pagtuturo ng Kasaysayan at Filipinong naituro na umano na nang mas maaga. Sa praktika, kailangang tuntungan ang mga asignatura katulad ng Arts at Ethics sa iba’t ibang antas upang maikintal nang husto sa mga estudyante ang halaga ng mga ito habang umuunlad ang kanilang kaisipan at nalalapit sila sa pagtratrabaho. Katulad dati, kailangan ding punahin ang realidad na maraming mga g**o ang nadisplace dahil hindi na sila “kailangan” sa bagong kurikulum. Bagamat may pinakitang upskilling scheme ang CHED, wala itong plano para sa mga nagtuturo ng Arts. Pagpapasa lamang ito ng pasanin sa mga institusyon at mga g**o na sumunod sa lumalakas na dikta ng merkado at komersyante.

Sa makikita sa kasalukuyan, hindi tinutugunan ng CHED ang matinding krisis sa edukasyon sa panukala sa mga GE, bagkus pinapalala ito. Hindi pagbabawas sa GE ang kailangan ng mga estudyante; kailangan nila ng pag-aalaga sa kakayahan at kaisipan. Paano nila ito magagawa? Una, makiisa sila sa pagtaas ng gobyerno sa budget ng edukasyon at paramihin ang magtratrabahong mga g**o, pag-aaraling estudyante, at pasilidad na kailangan. Bilang isang komisyon, mandato nilang magsulong ng mga repormang nakatuon sa pagtugon sa pangangailangan ng Pilipinas, hindi ng banyagang employer. Ang pagpaparami naman ng trabaho sa bansa ay dapat magmula sa pagtatatag ng pambansang industriya na matututunan ng mga estudyante sa kolehiyo. Hindi ito maaaring ipasa nang walang maayos na konsultasyon sa mga institusyon, g**o, at estudyante at pag-aaral ng mga epekto nito. Kailangan pang makiisa sa malawak na sangkaestudyantehan na depensahan pa lalo ang karapatan sa edukasyon mula sa repormang hungkag sa pangangailangan ng mga estudyante.

Kaya, itinataas ng ACS-UPB ang panukalang pagtatatag ng isang makabayan, siyentipiko, at maka-masang tipo ng edukasyon sa bansa. Makabayan dapat sa tuon ng pagtuturo sa kasaysayan, panitikan, at realidad ng Pilipinas, at huhubog ng kanilang kontribusyon at pagmamahal sa bansa. Siyentipiko sa pagiging tapat nito sa pangangailangan ng lipunan, mga mamamayan, at ng mga estudyante. Panghuli, maka-masa na dapat libre, aksesible, at kalidad ang edukasyon sa lahat ng antas.

Education not for sale!
We are not for sale!

MULA SA BULUBUNDUKIN NG KORDILYERA, HANGGANG SA KARAGATAN NG WESTERN VISAYAS, IPANALO ANG KONSEHONG TUNAY, PALABAN, AT M...
03/05/2026

MULA SA BULUBUNDUKIN NG KORDILYERA, HANGGANG SA KARAGATAN NG WESTERN VISAYAS, IPANALO ANG KONSEHONG TUNAY, PALABAN, AT MAKABAYAN!

Taas-kamaong ineendorso at buong pusong sumusuporta ang Alliance of Concerned Students (ACS) sa mga kandidato ng Sandigan ng Mag-aaral para sa Sambayanan (SAMASA) - UPV!

Kahit na daan-daang kilometro ang layo, ang danas ng UP Visayas sa ilalim ng isang kolonyal, komersiyalisado, at anti-demokratikong tipo ng edukasyon ay hindi na-iiba sa danas ng UP Baguio. Patuloy na pasan-pasan ng mga Iskolar ng Bayan ang bigat ng mga represibong akademkong polisiya—nababalot sa takot dulot ng militarisasyon sa loob ng unibersidad at marami pang suliraning bunga ng bulok na sistema.

Sa ganitong kalagayan, malinaw na ang kailangan ng pamantasan ay isang konsehong hinubog at pinanday ng militanteng pakikibaka ng sangkaestudyantehan at ng malawak na hanay ng masa. Isang konsehong malalim ang suri at matulis ang paninindigan sa loob at labas ng silid-aralan.

Kampante ang Alyansa na ito ay magagampanan ng buo at higit pa ng mga kandidatong hinubog ng militanteng diwa at pakikibaka ng SAMASA - UPV!

🔻USC Councilors:
• ANGELITUD, Anthonette Zanne Victoria
• BAYLON, Michael
• LIRIO, Kezia Bernice
• COMBONG, Aubrey Kryzelle

🔻CAS Rep to the USC: CADULLO, Blessy Ann

🔻CAS Chairperson: ARCADIO, Sachi Leigh
🔻CAS Vice Chairperson: DELOS SANTOS, Janella Marie

🔻CAS Councilors:
• ESTIMAR, Jann Webb Marie
• LINAS, Zion Angela
• MONTELIJAO, Hannah Emmanuelle
• VINAS, Yelrish Hanna

🔻SOTECH SC Chairperson: ITUM, Lalonah
🔻SOTECH SC Vice Chairperson: ALPON, Aliyah Kate

ISKOLAR NG BAYAN! SUMAMA SA PAGKILOS! MAKIISA SA MAYO UNO! ⚒️✊🏻MAGSUOT NG P**A 🔻8:00 AM, CONVENTION CENTERIniimbitahan n...
30/04/2026

ISKOLAR NG BAYAN! SUMAMA SA PAGKILOS! MAKIISA SA MAYO UNO! ⚒️✊🏻

MAGSUOT NG P**A 🔻
8:00 AM, CONVENTION CENTER

Iniimbitahan ng Alliance of Concerned Students (ACS) ang malawak na hanay ng sangkaestdyantehan sa isang malaking pagkilos sa darating na Mayo Uno para sa dagdag sahod at pagbaba ng presyo ng mga bilihin sa gitna ng lumalalang krisis pang-ekonomiya sa bansa dulot ng krisis sa langis.

Sa rehiyon ng Kordilyera, nananatiling barat ang minimum wage kahit patuloy ang pagtaas ng presyo ng langis at iba pang pangunahing bilihin. Dagok din sa pang-araw araw na pamumuhay ng mamamayan ang deregulasyon ng industriya ng krudo, pagpapatuloy ng VAT at excise tax, at ang malawakang korapsyon at kawalan ng pananagutan sa pamahalaang pahirap at pasakit sa taumbayan.

Bilang mga kabataang estudyante, direktang nararanasan natin ang epekto ng mga ito; mula sa pagtaas ng pamasahe at gastusin sa araw-araw, hanggang sa hirap ng pamilya sa pagtustos sa tuition at iba pang pangangailangan sa pag-aaral. Marami ang napipilitang magtrabaho habang nag-aaral o huminto pansamantala dahil sa kakulangan sa kita

Sa ganitong kalagayan, malinaw na ang laban para sa makatarungang sahod, abot-kayang presyo, at disenteng kabuhayan ay laban din ng kabataan. Kaya’t nananawagan ang Alliance of Concerned Students sa mga kabataang nakikibaka na sumandig ng buong puso sa mga manggagawa. Sa darating na Pandaigdigang Araw ng Paggawa, tumindig kasama ang anakpawis!



𝗜𝗟𝗜𝗧𝗔𝗪 𝗦𝗜𝗡𝗔 𝗗𝗘𝗫𝗧𝗘𝗥 𝗔𝗧 𝗕𝗔𝗭𝗢𝗢! 𝗣𝗔𝗡𝗔𝗚𝗨𝗧𝗜𝗡 𝗔𝗡𝗚 𝗣𝗔𝗦𝗜𝗦𝗧𝗔𝗡𝗚 𝗘𝗦𝗧𝗔𝗗𝗢! 𝗧𝗨𝗟𝗢𝗬 𝗔𝗡𝗚 𝗟𝗔𝗕𝗔𝗡!Tatlong taon na ang lumipas mula nang sapil...
29/04/2026

𝗜𝗟𝗜𝗧𝗔𝗪 𝗦𝗜𝗡𝗔 𝗗𝗘𝗫𝗧𝗘𝗥 𝗔𝗧 𝗕𝗔𝗭𝗢𝗢! 𝗣𝗔𝗡𝗔𝗚𝗨𝗧𝗜𝗡 𝗔𝗡𝗚 𝗣𝗔𝗦𝗜𝗦𝗧𝗔𝗡𝗚 𝗘𝗦𝗧𝗔𝗗𝗢! 𝗧𝗨𝗟𝗢𝗬 𝗔𝗡𝗚 𝗟𝗔𝗕𝗔𝗡!

Tatlong taon na ang lumipas mula nang sapilitang iwinala sina Dexter Capuyan at Gene Roz Jamil “Bazoo” de Jesus. Tatlong taon mula nang sila’y dukutin sa Taytay, Rizal ng mga armadong lalaki na nagpakilalang mga operatiba ng Criminal Investigation and Detection Group (CIDG). Tatlong taon ng kawalang-katarungan at pananahimik ng estado. Kasabay nito, tatlong taon din ng nag-aalab at hindi natitinag na paniningil ng sambayanan.

Sila ay kapwa produkto ng Unibersidad ng Pilipinas Baguio, mga huwarang lider-estudyante na ang paninindigan ay hindi nakahon sa akademya, kundi ipinagpatuloy sa lansangan at iniangat sa kanayunan, kaisa ng mamamayan sa kanilang tuloy-tuloy na pakikibaka. Si Manong Dexter, isang Igorot at beteranong organisador, ay matagal nang nasa unahan ng pakikibaka para sa karapatan ng mga mamamayan sa Kordilyera. Buong tapang niyang ipinagtanggol ang lupang ninuno laban sa pandarambong ng malalaking korporasyon, sa militarisasyon, at sa iba’t ibang anyo ng pang-aabuso sa lupa, buhay, at kabuhayan ng mga katutubo. Bilang mamamahayag-estudyante at dating punong patnugot ng UPB Outcrop noong panahon ng Batas Militar, ginamit niya ang kanyang talino’t panulat bilang matalas na sandata upang ilantad ang katotohanan at labanan ang kasinungalingan ng estado. Habang si Kuya Bazoo naman ay isang masigasig at matapang na lider-estudyante na nagsilbi bilang tagapangulo ng ating organisasyon, ACS UPB at aktibong bahagi ng Philippine Task Force for Indigenous Peoples Rights (TFIP).

Sa ilalim ng rehimeng Marcos-Duterte, lalong lantad ang paghahari ng pasismo at impunidad. Bagamat idineklara ng Court of Appeals ang Writ of Amparo noong Agosto 2025, nananatiling hungkag ang hustisya para sa kanila. Wala pa rin malinaw na aksyon at pananagutan, kundi lalo pang umiigting ang panunupil. Nitong taon lamang, sunod-sunod ang paglabag sa karapatang pantao, kabilang ang pagsasampa ng mga gawa-gawang kaso laban sa Cordillera 8, kabilang sina Dr. Ana Marie Rilloraza at Manong Marc Mendiola. Ito ay malinaw na pagtatangka ng estado na patahimikin ang mga organisador at kritikal na tinig sa rehiyon. Hindi rin hiwalay dito ang karumal-dumal na masaker sa Toboso 19 sa Negros Occidental, kung saan brutal na pinaslang ang mga kasamang sina Alyssa Alano, RJ Ledesma, Maureen Santuyo at Errol Wendel at iba pang peasant organizers.

Kasabay ng ikatlong taon ng pagkawala nina Dexter at Bazoo ay ang ika-19 na taon naman ng pagdukot kay Jonas Burgos, isang aktibista na idinukot sa Ever Gotesco Mall sa Quezon City. Ang pagpapatuloy na pagkubli sa mga desaparecido at pagpapatahimik sa mga aktibista ay patunay na walang isolated case sa mga ito. Sa halip, ito ay nakaugat sa ating sistema na mga sintomas ng isang malakolonyal at malapyudal na lipunan.

Gayunpaman, hindi dito nagtatapos ang kanilang mga kwento. Ang kanilang buhay at pakikibaka ay mananatiling buhay sa patuloy na kolektibong pagkilos. Ang kanilang mga pinunla ay magsisilbing binhing patuloy na tutubo sa hanay ng mga kabataang handang maglingkod, lumaban, at makiisa sa masa. Kaya’t hamon sa bawat iskolar ng bayan na tahakin ang landas ng tunay na paglilingkod sa sambayanan.




𝗔𝗹𝘆, 𝘄𝗲 𝗶𝗻 𝗨𝗣 𝗕𝗮𝗴𝘂𝗶𝗼 𝗺𝗼𝘂𝗿𝗻 𝘆𝗼𝘂. 𝗪𝗲 𝗱𝗼 𝗻𝗼𝘁 𝗸𝗻𝗼𝘄 𝘆𝗼𝘂, 𝗲𝘅𝗰𝗲𝗽𝘁 𝘄𝗲 𝗱𝗼.We walked out the other day against the atrocities of t...
27/04/2026

𝗔𝗹𝘆, 𝘄𝗲 𝗶𝗻 𝗨𝗣 𝗕𝗮𝗴𝘂𝗶𝗼 𝗺𝗼𝘂𝗿𝗻 𝘆𝗼𝘂. 𝗪𝗲 𝗱𝗼 𝗻𝗼𝘁 𝗸𝗻𝗼𝘄 𝘆𝗼𝘂, 𝗲𝘅𝗰𝗲𝗽𝘁 𝘄𝗲 𝗱𝗼.

We walked out the other day against the atrocities of the state amidst this crisis; we walked out to demand justice for the people. For you. For Toboso 19. For the trumped-up charges against the Cordillera 8 and the continued disappearance of Dexter and Bazoo. The sun may have blurred our visions going down Session Road. Was it the tears? Perhaps it was both. We’re sorry if your faces might have been crumpled in our fists, wet from our sweat and spit from our desperate chants.

How loved and known you are, comrade. Plenty of times we have laughed at every anecdote about your quirks, how you peel potatoes or clean restrooms and wash plates. How one kasama described you as lutang but extremely sharp in meetings. The lore of a sailor moon socialist socialite. You are just like us. Laugh at the same jokes. Pakat under the same sun. Your red hair, large specs, kikay fashion seamlessly blend in every corner of UPB and Baguio YS. You would have fit like a puzzle piece in CAC, a face in the walls of Dap-Ay I would recognize. The same petibi tendencies. The same dreams of liberation.

46 years ago, Macli-ing Dulag was martyred fighting for the Indigenous Peoples right to land and life. Today, that same land is nourished by the courage of those who followed. How cruel and beautiful that the soil buries and births. It only grows richer the more it is asked to carry, planting seeds of struggle that can never be uprooted. The other day would have also been Bazoo’s birthday. Our former chairperson. We continue to look for those who remain missing, searching for them in the ground they stood for.

I imagine these very same reasons, kasama, are why you chose to live. To have the courage, more than any of us, to leave. To go where the struggle is most daring, where the conditions are harsher, and the masses suffer most at the hands of fascist and feudal lords.

And yet we differ. Neither misled nor brainwashed, you were led only by your resolve to live with and learn from the masses. In living and dying by the struggle for life, you all have outlived us. There is beauty, at least, in getting to know you only after you are gone. It is both a gift and grievance that death comes prior. But it means we not only remember you, but experience your presence, bear witness to the love you gave. A retroactive grief and rage that transcends the boundaries of time and life itself. It is etched forever in the continuity of our struggle. We will not rest until justice is served. We will not allow the state to sully your name, the names of the fallen.

You are the truest embodiment of an Iskolar ng Bayan. You dared to live our dreams of liberation, and we can only hope to do the same.

Hustisya para kay Alyssa Alano!
Hustisya para kay RJ Ledesma!
Hustisya para kay Erol Wendel!
Hustisya para kay Maureen Santuyo!
Hustisya para kay Lyle Prijoles!
Hustisya para kay Kai Sorem!
Hustisya para sa lahat ng biktima ng Toboso Massacre!

Mabuhay ang mga martir ng sambayanan!


TUNAY! PALABAN! MAKABAYAN! NKE-UP CEBU!Taas-kamaong ineendorso at sinusuportahan ng Alliance of Concerned Students-UP Ba...
25/04/2026

TUNAY! PALABAN! MAKABAYAN! NKE-UP CEBU!

Taas-kamaong ineendorso at sinusuportahan ng Alliance of Concerned Students-UP Baguio ang mga kandidato ng Nagkahiusang Kusog sa Estudyante - NKE UP Cebu!

Sa sumisidihing krisis na dulot ng imperyalismo, korapsyon, at pasismo ng estado, nahaharap ang malawakang mamamayan at mga estudyante sa tuloy-tuloy na kahirapan sa mga gastusin, edukasyon, at demokratikong karapatan. Kung kaya, nangangailangan ng militanteng mga representante ng mga estudyante na tutugon, mag-oorganisa, at ipaglalaban ang interes ng katawhan.

Nakikiisa ang ACS-UPB sa lahat ng estudyante ng UP Cebu sa kanilang mga plataporma at kampanya sa susunod na pang-akademikong taon.

ISKOLAR, UBAN SA KATAWHAN, MUGNAON ANG KASAYSAYAN! MAGPAKABANA SA KAAYOHAN SA MASA UG BATUKAN ANG MGA NEOLIBERAL NGA ATAKE SA EDUKASYON UG BATAKANG KATILINGBANONG SERBISYO! TUKION UG IBUKSAS ANG IMPERYALISMO NGA UGAT SA KRISIS SA KATAWHAN! PALAGPUTON ANG REHIMENG US-MARCOS UG DUTERTE! IASDANG ANG GENUINE STUDENT REPRESENTATION! PAKIGBISOGAN ANG NASUDNONG DEMOKRASYA, UG IHAWAN ANG DALAN PAINGON SOSYALISMO! ❤️‍🔥
TUNAY, PALABAN, MAKABAYAN — NKE 🔻

SA MAKAUSAB, ILA-ILAHA ANG MGA TUNAY, PALABAN, UG MAKABAYAN NGA USC STANDARD BEARERS, COUNCILORS, UG REPRESENTATIVES:

🔻Chairperson: TJ Rapisora
🔻Vice Chairperson: Ellah Ebrada

🔻 USC Councilors:
• Kyla Apostol
• Benjamin Daroy
• Glaiza Marimon
• Hanekyne Patalinghug

🔻 SOM Representatives:
• Camille Yap
• Isaiah Mejia

🔻 CCAD Representatives:
• Kenneth Bendol
• Jenesse Villahermosa

🔻 COS Representatives:
• Nikka Delfin
• Deanne Flores

🔻 CSS Representatives:
• Luis Peter Josol
• Dan Montenegro





25/04/2026

TINGNAN | KAISA ANG ALYANSA SA PAGDIRIWANG NG 42ND PEOPLES CORDILLERA DAY: ASSERT LAND, LIFE, & LIVELIHOOD!

Sa pagdiriwang ng ika-42 taon ng Peoples’ Cordillera Day, inaalala natin ang buhay at kabayanihan ni Macliing Dulag na lumaban sa pagpapatayo ng dambuhalang Dam sa Chico River. Kasama ang malawak na hanay na estudyante, ipinakita natin ang pag-alalang ito sa pamamagitan ng pag-walkout sa mga klase at pagtungo sa Baguio Public Market upang samahan ang mga local vendors, mga tsuper at iba pang batayang sektor sa pagdiriwang ng araw na ito.

Ang tumitinding sigalot na pasimuno ng Imperyalistang US sa Kanlurang Asya ay direktang naaapektuhan ang ekonomya, kalagayan at kabuhayan ng sambayang Pilipino. Kaya naman, wala nag dapat piliin pang oras ang ating pagkilos upang tutulan ang giyerang ito, kasama ng pagtanggal sa mga regresibong patakaran sa Tax ng inutil na si Marcos Jr., at pagpapatambol ng panawagang ngayong panahon ng krisis.

Mga iskolar ng bayan, sunod-sunod man ang mga pasistang atake sa’tin dahil sa ating mga paglaban, inuudyok pa rin tayo ng panahon upang wag matakot dito at isabuhay ang katapangan na ipinakita ng kaigorotan noon at ni Macliing Dulag.

DAGA, BIAG, KINABAKNANG! SALAKNIBAN! ✊🏻


24/04/2026

NOW HAPPENING | Nakarating na ang mga iskolar ng bayan sa Block 4 upang ipagdiwang ang 42nd Peoples’ Cordillera Day kasama ang mga local vendors ng Baguio Public Market!






24/04/2026

NOW HAPPENING | Kasalukuyang nasa Session Road ang malawak na hanay ng sangkaestudyantehan bitbit ang panawagan para sa isang makataong sistema!

Sigaw ng bawat Iskolar ng Bayan ay nakasandig sa malawakang laban ng mamamayang Pilipino laban sa korapsyon, digmaan, at kahirapan! Ang wokawt na ito ay para ibasura ang Oil Deregulation Law, alalahanin ang legasiyang iniwan ng mga kapwa aktibistang pinaslang ng estado, at isigaw ang makataong sistema sa lumalalang krisis panlipunan!

ISKOLAR NG BAYAN! NGAYON AY LUMALABAN!






24/04/2026

NOW HAPPENING | Tutungo na ang hanay ng sangkaestudyantehan sa Baguio Public Market para igiit ang panawagan sa makataong sistema






mula sa UPB USC ay inilalahad ni James Barra ang kalagayan ng sangkaestudyantehan, at pagpapanawagan ng academic ease ka...
24/04/2026

mula sa UPB USC ay inilalahad ni James Barra ang kalagayan ng sangkaestudyantehan, at pagpapanawagan ng academic ease kaugnay sa pagharap ng krsis.

Iginiit ni Barra na hindi normal na sa gitna nito ay walang leniency ang ating pamantasan, dahil kung may krisis dapat may tugon ang ating administrasyon. Malinaw ang ipinakita ng ating sensing forms para sa academic leniency dahil dapat ang ating policy ay nakaayon sa reyalidad na ating kinakaharap.

ISKOLAR NG BAYAN, NGAYON AY LUMALABAN!






Address

Baguio City

Telephone

+639973956612

Website

Alerts

Be the first to know and let us send you an email when ACS UPB posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ACS UPB:

Shortcuts

Share

Category