29/06/2025
Walang kabiguan ang anim na taong panunungkulan.
Maraming salamat po, mga Balagtasenyo, sa dalawang terminong ipinagkatiwala ninyo sa akin upang gampanan ang pagiging pangalawang ama ng ating bayan.
Nais ko ding pasalamatan ang ating alkalde, Eladio E. Gonzales Jr. at mga konsehal na nakasuporta palagi sa ating mga proyekto at adhikain. Gayundin ang mga National at Local officials sa ating Pamahalaan. Nagpapasalamat tayo sa lahat ng Department Head ng bawat sangay ng ating Pamahalaang Bayan at sa lahat ng kawani ng ating munisipyo. Isang mainit na pasasalamat lalo na sa aking mga staff na nakasama ko sa paglilingkod at pagbibigay serbisyo sa mga Balagtasenyo
Kayo po ang dahilan, ang aking inspirasyon upang magpatuloy sa kabila ng mga hamon at pagsubok. Hindi ito naging handlang, bagkus naging kalakasan upang lalong magpursigi at pagbutihin ang serbisyo para sa kabutihan ng bawat isang Balagtasenyo.
Sa pagtatapos ng aking termino bilang inyong Bise-Alkalde, taas-noo ko pong ipinagmamalaki ang mga tagumpay ng Bayan ng Balagtas.
Pinalakas natin ang Sangguniang Bayan at nagpasa ng mga resolusyon at ordinansang nakasandig sa pangangailangan ng bawat sektor sa ating bayan.
Higit sa makakabuluhang dokumentong ito, lumabas tayo sa opisina at nagtungo sa masa. Pinaigting natin ang pagsusulong ng serbisyong mula sa Balagtasenyo at para sa Balagtasenyo.
Ang lahat po ng ito ay hindi para sa akin— legasiya po ito na ipinunla natin sa bayan at patuloy na aanihin sa kinabukasan.
Muli, maraming salamat, Bayan ng Balagtas!
