22/07/2026
ππππππ πππππππππππ ππππ ππππππ ππ ππ πππππ
π ππππππππππ? ππ ππ πππππππππππ ππππππππππ!
Gilinaw ni DSWD Secretary Rex Gatchalian nga naay tulo ka pangunang grupo sa mga benepisyaryo ubos sa UPLIFT Assistance Program. Ang importante nga hinumduman: dili kinahanglan magpalista o muduol sa mga politiko para makaapil sa programa.
1. Kung benepisyaryo na ang inyong panimalay sa 4Ps o Walang Gutom Program
Naa na mo'y existing records ug release mechanism.
- Para sa 4Ps: ang one-time nga tabang nga hangtod β±2,000 ibutang direkta sa inyong LandBank account.
- Para sa Walang Gutom beneficiaries: iuban ang dugang tabang sa ilang food redemption.
2. Kung dili mo kauban sa 4Ps o Walang Gutom pero ang inyong panimalay kay na-kategorya nga poor o near-poor
Dili gihapon kinahanglan magpalista.
Ang pagpili sa target nga 2.5 milyon ka benepisyaryo gikan sa Community-Based Monitoring System (CBMS) base sa opisyal nga datos sa Philippine Statistics Authority (PSA).
Sa unang payout, tawagon ang mga napili nga benepisyaryo para sa manual payout ug kuhaon ang ilang digital account information.
Ang sunod nga β±2,000 kada bulan gikan Hulyo hangtod Disyembre 2026 i-release na pinaagi sa ilang digital accounts.
3. Para sa 1.5 milyon ka low-income nga mga SSS members
Dili usab kinahanglan mag-apply o magpalista.
Base sa gibutang nga criteria, target ang mga kwalipikado nga SSS members nga adunay Monthly Salary Credit nga β±20,000 paubos ug adunay na-rehistro nga SSS disbursement account as of April 2026.
Ang ilang β±2,000 kada bulan gikan Hulyo hangtod Disyembre 2026 awtomatikong ibutang sa ilang existing SSS disbursement account.
WALAY PALAKASAN, WALAY LISTAHAN GIKAN SA POLITIKO
Sa laktod nga pagkasulti, naa nay existing database nga pagabasehan sa matag grupo:
- 4Ps ug Walang Gutom records
- CBMS data para sa poor ug near-poor
- SSS records para sa low-income workers
Busa dili na kinahanglan magpalista sa
