Bataan Provincial Health Office

08/05/2026

TINGNAN: Muling gumulong ang Mobile Primary Care Facility (Bagong Pilipinas Coaster), kung saan ay tumungo naman ito ngayon sa Brgy. Sibul sa bayan ng Orani.

Lulan pa rin ang libreng serbisyong pangkalusugan kasama ang mithiin ng Pamahalaang Panlalawigan ng Bataan, sa pamumuno ni Gov. Joet Garcia, na gawing malusog at matatag ang pamilyang Bataeño, sa ilalim ng inisyatibo ng Bataan Provincial Health Office, sa pinangungunahan ni Dr. Rosanna M. Buccahan.

Hatid nito ang libreng laboratory tests gaya ng blood chem at urinalysis para sa mga kababayan nating nakatira sa malalayong bahagi ng lalawigan na hirap magtungo sa primary care facility, at mga kabilang sa high-risk population.

Layon nitong bigyan sila ng pagkakataong malaman ang estado ng kanilang kalusugan upang matugunan agad ang kinakailangan ng kanilang mga katawan para maiwasan ang malaking problemang pangkalusugan gaya na lamang ng paglala ng sakit, komplikasyon, at pagkaospital.

Sama-sama tayo sa pagkamit ng isang komunidad na hangad ang kapakanan ng bawat isa para sa mas matatag na pamilyang Bataeño.

07/05/2026

TINGNAN: Upang masiguro na nakasasabay sa agos ng panahon ang plano sa programang pangkalusugan dito sa Bataan, nagsagawa ng Annual Operational Plan (AOP) 2027 Review and Updating session ang Bataan Provincial Health Office para sa 12 LGUs ng lalawigan.

Ito ay upang masigurong walang mapagiiwanan sa 12 LGUs ng Bataan pagdating sa sektor ng kalusugan. Dito rin ay masusing inaral ang bawat dokumento ng 11 munisipalidad at ng Lungsod ng Balanga para sa patuloy na pagpapatupad ng 2026-2028 Local Investment Plan for Health at masiguro ang iisang mithiin na tugma sa Universal Health Care (UHC) Act.

Ang aktibidad na ito ay apat (4) na araw na mabusising isinagawa ng Bataan PHO katuwang ang Provincial Department of Health Office (PDOHO).

Sama-sama tayo sa pagkamit ng isang nangungunang lalawigan pagdating sa programang pangkalusugan.

07/05/2026

𝗡𝗔𝗧𝗜𝗢𝗡𝗔𝗟 𝗛𝗘𝗔𝗟𝗧𝗛 𝗪𝗢𝗥𝗞𝗘𝗥𝗦’ 𝗗𝗔𝗬
Pagpupugay sa lahat nang masisipag, matitiyaga, at dedikadong health workers mula sa Pamahalaang Panlalawigan ng Bataan.
Taos-puso po kaming nagpapasalamat sa inyong hindi matatawarang serbisyo at sakripisyo upang mapangalagaan ang kalusugan ng ating mga kababayan.
𝑴𝒂𝒃𝒖𝒉𝒂𝒚 𝒂𝒏𝒈 𝒂𝒕𝒊𝒏𝒈 𝒎𝒈𝒂 𝒉𝒆𝒂𝒍𝒕𝒉 𝒘𝒐𝒓𝒌𝒆𝒓𝒔!

𝗡𝗔𝗧𝗜𝗢𝗡𝗔𝗟 𝗛𝗘𝗔𝗟𝗧𝗛 𝗪𝗢𝗥𝗞𝗘𝗥𝗦’ 𝗗𝗔𝗬

Pagpupugay sa lahat nang masisipag, matitiyaga, at dedikadong health workers mula sa Pamahalaang Panlalawigan ng Bataan.

Taos-puso po kaming nagpapasalamat sa inyong hindi matatawarang serbisyo at sakripisyo upang mapangalagaan ang kalusugan ng ating mga kababayan.

𝑴𝒂𝒃𝒖𝒉𝒂𝒚 𝒂𝒏𝒈 𝒂𝒕𝒊𝒏𝒈 𝒎𝒈𝒂 𝒉𝒆𝒂𝒍𝒕𝒉 𝒘𝒐𝒓𝒌𝒆𝒓𝒔!

05/05/2026

TINGNAN: Patuloy lamang ang paggulong ng Mobile Primary Care Facility (Bagong Pilipinas Coaster) dito sa Lalawigan ng Bataan.

Nagtungo ito sa Brgy. Bangkal sa bayan ng Abucay lulan pa rin ang libreng serbisyong pangkalusugan kasama ang mithiin ng Pamahalaang Panlalawigan ng Bataan, sa pamumuno ni Gov. Joet Garcia, na gawing malusog at matatag ang pamilyang Bataeño, sa ilalim ng inisyatibo ng Bataan Provincial Health Office.

Hatid ang libreng laboratory tests gaya ng blood chem at urinalysis para sa mga

Layon nitong bigyan ng pagkakataon ang mga Bataeñong nakatira sa malalayong bahagi ng lalawigan na hirap magtungo sa primary care facility at ang mga kabilang sa high-risk population na malaman ang estado ng kanilang kalusugan upang matugunan agad ang kinakailangan ng kanilang mga katawan para maiwasan ang malaking problemang pangkalusugan gaya na lamang ng paglala ng sakit, komplikasyon, at pagkaospital.

Sama-sama tayo sa pagkamit ng isang malusog at mapagkalingang komunidad para sa mas matatas na pamilyang Bataeño.

29/04/2026

TINGNAN: Para masiguro ang pagiging epektibo ng mga Barangay Health Workers (BHW) at mga Barangay Nutrition Scholars (BNS) dito sa Bataan, matagumpay na naisagawa ng Bataan Provincial Health Office ang dalawang magkahiwalay na aktibidad na hahasa pa sa kakayahan ng ating mga health care workers.

Nagkaroon ng tatlong (3) araw na basic course training para sa mga bagong BNS ng Bataan upang bigyan sila ng angkop na kasanayan sa pagpapatupad ng mga programang pang-nutrisyon at masigurong kabilang sila sa mga nangungunang indibidwal pagdating sa paghahatid ng serbisyo publiko.

Bukod pa rito, nagkaroon din ng Measles-Rubella Supplemental Immunization Activity (MR-SIA) Orientation para sa mga BHW, kasama ang mga National Immunization Program (NIP) coordinators ng bawat bayan, upang masiguro ang tagumpay ng malawakang pagbibigay proteksyon kontra tigdas at tigdas hangin para sa mga batang nasa 6-59 na buwang gulang na gaganapin sa Agosto 10-28 ngayong taon.

Ang parehong aktibidad ay naglalayong magpakita ng husay sa pagkamit ng mithiin ng Pamahalaang Panlalawigan ng Bataan na gawing protektado, ligtas, at may tamang nutrisyon ang bawat batang Bataeño.

Sama-sama tayo sa pagkamit ng malusog na komunidad kung saan walang batang maiiwan at walang pamilyang hindi protektado.

27/04/2026

TINGNAN: Para masiguro ang epektibong paghahatid serbisyo publiko, ginanap ang 'Stress Management: Balance Your Work and Life' sa ilalim ng inisyatibo ng Bataan Provincial Health Office katuwang ang Mariveles Mental Wellness and General Hospital.

Ito ay nilahukan ng mga healthcare workers mula sa 11 munisipalidad, Lungsod ng Balanga, at mga district hospitals dito sa Lalawigan ng Bataan. Layon nitong maibahagi sa kanila ang mahahalaga at makatutulong na mga hakbang para mabalanse ang personal at pantrabahong oras, gayundin para mapababa ang lebel ng stress at pagod na dinaranas ng mga ito.

Layon nitong patuloy na pagtibayin ang isinusulong ng Provincial Government of Bataan na healthy workplace, kung saan ay inaasahan na maibabahagi ng mga dumalo ang kanilang mga natutunan sa kani-kanilang mga tanggapan, nang sa ganon ay patuloy na maisabuhay ang pagkakaroon ng maayos at malusog na organisasyon.

Sama-sama tayo sa pagkamit ng isang lalawigang puno ng mga manggagawang may malusog na kaisipan para sa matatag na pamilyang Bataeño.

25/04/2026

TINGNAN: Ngayong World Malaria Day, muli nating balikan ang mga naging inisyatibo ng Bataan Provincial Health Office, katuwang ang Provincial Government of Bataan, para maideklarang kaunaunahang lalawigang 'Malaria-Free' sa buong Central Luzon noong taong 2017.
1. Aktibong Case Finding upang makapagbigay ng agarang gamot
2. Pamimigay ng kulambo na mayroong insecticides (Long Lasting Impregnated Nets)
3. Palagiang 'stream clearing'
4. Health Lectures

Sa kasalukuyan ay nananatili pa ring walang naitatalang indigenous na kaso ng malaria dito sa Bataan, ngunit patuloy pa ring isinasagawa ang mga inisyatibong ito dahil anumang oras ay maaari pa ring magkaroon ng kaso nito kung ang isang taong galing sa lugar na mayroong malaria ay makapag-uuwi ng parasitikong Plasmodium.

Kabilang din sa patuloy na isinasagawa ng Bataan PHO ay ang regular na Malaria Coordinators' and Trained Microscopists' Meeting, kung saan ay tinatalakay ang updates at estado ng bawat LGU sa Malaria Control and Elimination Program, kabilang na ang mga naging accomplishments at aktibidad noong nakaraang taon; at updates sa Online Malaria Information System.

Sa isinagawang pulong na ito, natalakay din ang plan of action para sa taong 2026; at nagkaroon ng panel testing kung saan ay nabigyan ng pagkakataon ang lahat ng trained microscopists ng lalawigan na muling sumailalim sa aktwal na pagsilip ng parasitiko gamit ang microscope.

Ito ay magsisiguro na kahit walang kaso ng nasabing sakit dito sa Bataan ay mananatiling handa ang ating mga healthcare workers.

Tandaan, kung patuloy tayong mag-iingat, patuloy din na walang maitatalang kaso ng sakit na malaria. Sama-sama tayo sa pagpapanatili ng isang malaria-free na komunidad para sa matatag na pamilyang Bataeño.

24/04/2026

ALAM NIYO BA?
May mga sakit na sanhi ng kamatayan ngunit maaaring maiwasan gamit ang mga bakunang. ilan na rito ay ang measles, polio, cervical cancer, tetanus, diphtheria, hepatitis, tuberculosis, pneumonia, COVID-19 at iba pa.

Napatunayan na sa buong mundo at sa nagdaang mga henerasyon ang pagiging epektibo nito na labanan ang mga sakit na nabanggit at bigyan ng karagdagang proteksyon ang buong pamilya. Ito rin ay ligtas para sa sanggol, kabataan, buntis, at maging sa matatanda.

Kung kaya't ngayong World Immunization Week, hinihikayat ng Bataan Provincial Health Office ang lahat ng mga magulang na gawing bahagi ng pamumuhay ng inyong anak ang pagkumpleto sa routine vaccines na nakalaan para sa mga sanggol at kabataan; hinihikayat din ang mga buntis na huwag kaligtaan ang mga bakunang dapat makuha para sa kaligtasan ninyo ni baby habang nagbubuntis pati na sa oras ng panganganak; gayundin sa mga matatanda na kunin ang pagkakataong makatanggap ng bakuna laban sa pneumonia at influenza.

Magtungo lamang sa pinakamalapit na health center sa inyong lugar. Tandaan, ang mga bakunang magliligtas sainyo ay subok na, ligtas, epektibo, at libre.

Dahil sa bawat henerasyon, bakuna'y epektibo, sama-sama tayo sa pagkamit ng isang lalawigan kung saan ang bawat Bataeño ay protektado, bakunado.

23/04/2026

TINGNAN: Nagkaroon ng pulong ang mga tagapamahala ng Disaster Risk Reduction Management for Health (DRRM-H) mula sa 11 munisipalidad at Lungsod ng Balanga, sa pangunguna ng Bataan Provincial Health Office.

Dito ay tinalakay ang DRRM-H Plan para sa taong kasalukuyan, kabilang na dito ang alokasyon ng budget; polisiya para sa pagkakaroon ng emergency operation center ng bawat local health office, at polisiya sa pagbuo ng health emergency response team at ang mga trainings na dapat matanggap ng miyembro nito; natalakay din ang mahahalagang dokumento at inventory ng health emergency commodities.

Sa mga ganitong pagpupulong, makaaasa ang lahat na mananatiling handa at maagap sa pagresponde ang mga health care workers sa panahon ng sakuna.

Sama-sama tayo sa pagkamit ng komunidad na laging handa para sa mas matatag na pamilyang Bataeño.

16/04/2026

TINGNAN: Patuloy pa rin ang paggulong ng Mobile Primary Care Facility (Bagong Pilipinas Coaster) dito sa Lalawigan ng Bataan, kung saan ay nagtungo naman ito sa Sitio Ambagan, Brgy. Poblacion sa bayan ng Morong.

Lulan pa rin nito ang libreng serbisyong pangkalusugan kasama ang mithiin ng Pamahalaang Panlalawigan ng Bataan, sa pamumuno ni Gov. Joet Garcia, na gawing malusog at matatag ang pamilyang Bataeño, sa ilalim ng inisyatibo ng Bataan Provincial Health Office.

Hatid ang libreng laboratory tests gaya ng blood chem at urinalysis para sa mga kababayan nating nakatira sa malalayong bahagi ng lalawigan na hirap magtungo sa primary care facility, at mga kabilang sa high-risk population.

Layon nitong bigyan sila ng pagkakataong malaman ang estado ng kanilang kalusugan upang matugunan agad ang kinakailangan ng kanilang mga katawan para maiwasan ang malaking problemang pangkalusugan gaya na lamang ng paglala ng sakit, komplikasyon, at pagkaospital.

Sama-sama tayo sa pagkamit ng isang malusog at mapagkalingang komunidad para sa mas matatas na pamilyang Bataeño.