Bataan Provincial Health Office

06/09/2026

DOH: WALANG SUGAT PERO LUMUSONG SA BAHA? MAGPAKONSULTA PA RIN KONTRA SA LEPTOSPIROSIS!

Narito ang mga sintomas na dapat bantayan:
▪️Lagnat at panginginig
▪️Pananakit ng ulo
▪️Pananakit ng binti
▪️Pamumula ng mata
▪️Paninilaw ng balat at mata (Jaundice)

Agad magtungo sa pinakamalapit na health station sa inyong lugar sakaling makaramdam ng alin sa mga nasabing sintomas.

01/09/2026

Bilang bahagi ng mga ahensiyang naghahatid ng pangunahing pangangailangang pangkalusugan sa panahon ng sakuna, bukas po ang Provincial Health Office at ang The Bunker Clinic ngayong araw, September 1.

Katulad po sa mga nakaraang pagkansela ng trabaho sa mga pambulikong tanggapan, ang operasyon ng Bataan PHO at The Bunker Clinic ay mula 8:00AM hanggang 5:00PM.

Manatiling ligtas, handa, at laging sumubaybay sa mga anunsyo ng pamahalaan.

31/08/2026

DOH: SUNDIN ANG 4Ts—TAOB, TAKTAK, TUYO, AT TAKIP, PARA IWAS DENGUE!

30/08/2026

Basta lumusong sa baha, kahit na walang sugat, maaari ka pa rin magka-leptospirosis.

29/08/2026

Maging handa sa paglikas!
Sa kasalukuyang sitwasyon ng ilang mga bayan sa lalawigan, ipinapayong lumikas sa evacuation center ang mga pamilyang apektado ng baha at malakas na hangin.

Dahil sa patuloy na pagbuhos ng malakas na ulan, ipinapayo rin na ang lahat ng pamilyang Bataeño ay mayroong nakahandang 'GO BAG'.

Siguraduhing ito ay madaling bitbitin at naglalaman ng mga pangunahing pangangailangan gaya ng pagkain, first aid kit, toiletries, at emergency kit.

Makipagtulungan sa mga rumeresponde dahil ang inyong kaligtasan ang kanilang prayoridad. Sama-sama tayo sa pagkamit ng ligtas at nagtutulungang komunidad.

29/08/2026

Ngayong panahon ng habagat, malaki ang tyansang maganap ang mga aksidente tulad na lang ng pagkakuryente.

Narito ang ilang paalala sakaling makuryente:

✅️ Kung kaya at ligtas, pataying ang main switch

✅️ Kung hindi kayang patayin ang main switch, ilayo ang source ng kuryente gamit ang non-conducting object gaya ng kahoy o plastic. Huwag gumamit ng metal.

✅️ Tumawag sa emergency hotline 911

✅️ Simulan ang CPR kung walang malay ang biktima.

✅️ Banlawan ang mga paso ng malamig at umaagos na tubig sa loob ng 20 minuto.

✅️ Siguraduhing hindi giniginaw ang biktima at bantayan hanggang sa dumating ang tulong.

Siguraduhing ligtas ngayon tag-ulan, maging alerto anumang oras. Sama-sama tayo sa pagkamit ng ligtas na komunidad para sa mas matatag na pamilyang Bataeño.

28/08/2026

DOH: GAWIN ANG DALAWANG SIMPLENG HAKBANG PARA MASIGURONG LIGTAS ANG INUMING TUBIG!

Isa sa mga pangunahing sanhi ng mga sakit tulad ng pagtatae at pagsusuka ay ang pag-inom ng maduming tubig. Upang makaiwas sa food and waterborne diseases, sundin ang dalawang simpleng paraan na ito para maging ligtas at malinis ang inyong inuming tubig:

✅ Pakuluan ang Tubig
✅ Gumamit ng Chlorine Tablets

Laging siguraduhing malinis ang inyong inumin para manatiling ligtas at malusog ang buong pamilya!

DOH: GAWIN ANG DALAWANG SIMPLENG HAKBANG PARA MASIGURONG LIGTAS ANG INUMING TUBIG!

Detalye sa comment section.

27/08/2026

DOH: HUWAG IPAGWALANG-BAHALA ANG SEVERE DENGUE SYMPTOMS

Ang dengue ay maaaring lumala at mauwi sa malubhang kondisyon. Kung nakakaranas ng matinding pananakit ng tiyan, paulit-ulit na pagsusuka, pagdurugo, pagsusuka o pagdumi na may dugo, matinding panghihina, o pagiging balisa, huwag nang maghintay.

Kapag may sintomas, magpatingin agad sa pinakamalapit na health facility. Maagang pagpapatingin at agarang pagkilos ay mahalaga upang maiwasan ang malubhang komplikasyon ng dengue.

Samantala, makiisa sa 4Ts—Taob, Taktak, Tuyo, Takip—upang maiwasan ang pagdami ng lamok na maaaring magdala ng dengue.

26/08/2026

Pagpapatuloy ng fogging na isinasagawa ng Bataan Provincial Health Office sa mga lugar na may paggalaw ng kaso ng dengue. Isa na rito ang Brgy. Banawang, Bagac na tinungo ng mga kawani ng PHO.

Tandaan, ang dengue ay isang delikadong sakit na maaaring mauwi sa kamatayan, kung kaya't patuloy lamang na hinihikayat ng Bataan PHO na gawin ang search and destroy: Taktak, takip, taob, at tapon dahil kung walang kiti-kiti ay walang lamok, kung walang lamok ay walang dengue.

Sama-sama tayo sa pagkamit ng isang ligtas at malinis na komunidad para sa mas matatag na pamilyang Bataeño.

25/08/2026

Bahagi ng 5S kontra dengue ang "Support Spraying/Fogging in High Risk Areas". Ito ang isinagawa ngayon ng Bataan Provincial Health Office sa Brgy. Mabayo, Morong.

Agad nagtungo ang mga kawani ng PHO sa nasabing lugar bilang tugon sa paggalaw ng kaso ng dengue rito. Bukod pa sa gawaing ito, pinapayo rin ng tanggapan na patuloy na gawin ang 4 o'clock habit at sundin ang 5S kontra dengue:

1. Search and Destroy - gawin ang taktak, taob, takip, at tapon para walang pamugaran at pangitlugan ang mga lamok.

2. Self-protect - gumamit ng mga damit na mahahaba, insect repellant lotion, at kulambo para maka-iwas sa kagat ng lamok

3. Seek consultation - magpakonsulta sa pinakamalapit na health station sa inyong lugar kapag may mga sintomas na naramdaman

4. Support fogging in outbreak areas - suportahan ang programa ng tanggapan ng kalusugan upang mapigilan agad ang pagdagdag ng kaso sa isang lugar

5. Sustain hydration - siguraduhing sapat at malinis ang tubig na iniinom upang magkaron ng sapat na lakas para labanan ang mga sintomas ng dengue.