22/05/2026
ISANG TAOS-PUSONG PASASALAMAT
Una sa lahat, lubos po tayong nagpapasalamat sa Poong Maykapal sa matagumpay na pagsasagawa ng Buntis Congress 2026 na ginanap noong May 14, 2026 sa Balayan Bayview Hospital & Medical Center na may temang:
“Walang Nanay ang Dapat Mamatay sa Pagbibigay Buhay.”
Taos-puso rin po naming pinasasalamatan si Mayor Elisa R. Ermita-Abad sa kanyang walang sawang pagsuporta sa lahat ng programa ng Municipal Health Office para sa kapakanan ng mga buntis na ina at kanilang sanggol.
Lubos ding kinikilala ang Municipal Health Office – Balayan sa pangunguna ni Acting Municipal Health Officer Dra. Joana Fabiola Apacible, at Balayan Safe Motherhood Program Coordinator Nurse Rosemarie Marquez, kasama ang buong MHO Family, sa matagumpay na pag-organisa ng BUNTIS CONGRESS 2026 sa tulong ng Balayan Bayview Hospital & Medical Center.
Maraming salamat din po sa ating mga Barangay Officials, gayundin sa ating masisipag na BHWs at BTLs, na patuloy na gumagabay at nag-aalaga sa ating mga buntis na ina sa bawat barangay.
Higit sa lahat, taos-pusong pasasalamat sa Balayan Bayview Hospital & Medical Center na nagsilbing Major Sponsor ng ating programa kasabay ng pagdiriwang ng kanilang 15th Year Anniversary. Sa kanilang malaking suporta at malasakit sa kalusugan ng mga ina at sanggol, naisagawa ang iba’t ibang libreng serbisyo para sa ating mga buntis kabilang ang:
Libreng Prenatal Check-up mula sa kanilang mga OB Doctors
Piling Laboratory Services at Ultrasound
Masustansyang pagkain at maayos na pagtanggap para sa lahat ng participants
Paglalaan ng 6 na slot para sa libreng panganganak sa kanilang ospital para sa piling buntis na nangangailangan
Nagkaroon din ng mga libreng serbisyo tulad ng:
🩺 HIV Counseling and Testing
🩺 Family Planning Services
🩺 Health and Sanitation Services
🩺 Maternal Nutrition Corner
🩺 TD Immunization
🩺 Dental Check-up
🩺 PhilHealth Front Desk Assistance mula sa PHIO- Lemery Batangas
🩺 Laboratory Services na isinagawa noong May 7–9
Bilang bahagi ng Safe Motherhood Campaign, isinagawa rin ang “Panata ng Isang Ina” upang hikayatin ang bawat buntis na maging responsable sa kanilang kalusugan, umiwas sa panganib habang nagbubuntis, at itaguyod ang ligtas na panganganak para sa kaligtasan ng ina at sanggol — tungo sa adhikaing “Ligtas ang Ina at Sanggol mula sa Alagang Pangkalusugan ng Bagong Balayan.”
Lubos din po naming pinasasalamatan ang ating mga Resource Speakers mula sa SMP CALABARZON:
Ms. Maria Angelica Javarez, RM
SMP Technical Staff
Topic: Promoting Safe Motherhood to Prevent Maternal and Perinatal Death
Ms. Karen O. Camongol, RND
MNCHN Navigator
Topic: Maternal Nutrition among Pregnant Women
At mula naman sa Balayan Bayview Hospital & Medical Center:
Brishelbea M. Sarabia, MD, FPOGS
Obstetrics and Gynecology
Reylin C. Andrin, RN
Tisha Andrea Luzano, RN
Topic: Lactation and Management
Maraming salamat din po sa mga naglaan ng raffle prizes at suporta:
🎁 Balayan Bayview Family
🎁 MHO Family
🎁 Dra. Kath De Vera
🎁 Dra. Joana Fabiola Apacible
🎁 BAMECO
🎁 Balayan Mary Immaculate Maternity Clinic
🎁 Hon. Raymund Dela Vega
🎁 Mayor Elisa R. Ermita-Abad
Bilang bahagi rin ng kasiyahan at pagdiriwang, naglaan din ang Balayan Bayview Hospital & Medical Center ng “Mini Gandang Buntis 2026” bilang pagbibigay pugay sa kagandahan, tibay, at inspirasyon ng mga buntis na ina. Kung saan itinanghal na panalo ay mula sa Brgy.5
Patunay na ang isang ina ay hindi lamang simbolo ng kagandahan kundi ng lakas, pagmamahal, at sakripisyo para sa kanyang pamilya at magiging sanggol.
Sama-sama nating itaguyod ang ligtas na pagbubuntis at panganganak para sa bawat ina at sanggol.
