04/09/2026
๐ ๐๐ฅ๐ฅ๐ ๐ข-๐๐ข๐ฅ๐๐๐ก, ๐ก๐๐๐ฃ๐๐ฅ๐ง๐๐ฆ๐๐ฃ๐๐ฅ ๐ฆ๐ ๐ฆ๐๐๐ข๐ข๐ ๐ฆ๐๐๐๐ง๐ฌ ๐๐ข๐๐๐๐ข๐ช๐ก ๐๐ฅ๐๐๐ ๐ฆ๐๐ก๐ ๐ฃ๐ก๐ฃ-๐๐ ๐ฃ๐ฆ
By: James Daccer S.
Nagpartisipar ang Municipal Disaster Risk Reduction and Management Office (MDRRMO) of Jordan sa 'School Safety Lockdown Drill' nga ginhiwat sa Trinidad V. Canja-Sta. Teresa National High School sang Setyembre 3, 2026, bilang suporta sa 'Nationwide Simultaneous School Safety Drill' kag sabat sa nagakalatabo sang damlag lang nga mga 'shooting incidents' sa nagkalain-lain nga bahin sang Pilipinas.
Ginpangunahan sang Philippine National Police-Jordan Municipal Police Station (PNP-JMPS) ang nasambit nga aktibidad; kun sa diin nagserbe nga 'evaluator' kag 'responder' ang MDRRMO sa drill, nga ginpanguluhan ni Mr. Ariel E. Mateo, bilang representante ni Mrs. Aida E. Gallos, LDRRMO III, upod ang Jordan Emergency Response Team (JERT).
Nangin kabahin man sa aktibidad si Mrs. Sarah D. Ganancial, PHD, School Principal III sang Trinidad V. Canja-Sta. Teresa National High School, kaupod ang mga manunudlo, estudyante kag iban pa nga personnel sang eskwelahan.
Ginsugodan ang aktibidad paagi sa oryentasyon ni Police Lieutenant Benjie G. Ganancial, kaupod si Police Corporal Jolly Ben T. Gepilano nga nagserbe bilang speaker parte sa Standard Operating Procedures (SOPs) para sa Active Shooter Incidents and Armed Threats.
Gintalakay sa lecture ang mga katuyuan, pamaagi, prevention, response kag nagkalain-lain nga mga tikang nga dapat sundon antes, sa tion kag pagkatapos sang isa ka 'Active Shooter Incident' ukon 'Armed Threat.'
Ginsundan ini sang aktuwal nga 'School Safety Lockdown Drill' nga naghatag sang kahigayunan sa eskwelahan agud usisaon ang ila 'emergency procedures' kag mapabakod ang koordinasyon kag pagresponde sa tion sang insidente.
Ginpaathag man sang aktibidad ang importansya sang kahandaan kag pagbantay agud mapabilin nga hilway kag luwas ang palibot sang buluthuan.
Ginpabaskog sang aktibidad ang paghangop nga ang school safety isa ka responsibilidad sang tanan, paagi sa padayon nga pagbinuligay sang Department of Education, mga administrador sang eskwelahan, manunudlo, estudyante kag iban pa nga stakeholders.
Ginarekomendar man nga updan sang mga eskwelahan kag mga ginikanan ang padayon nga pagtudlo sang maayo nga mga pamatasan sa kabataan, lakip dir ang respeto, disiplina, paghangop sa iban, agud mapabakod indi lamang ang ila kahandaan sa emerhensiya kundi pati na ang kultura sang kalinong sa eskwelahan. |JDS
Photos: James Daccer, CJ Estologa
