Provincial Government of Aurora, Provincial Capitol, Brgy. Suklayin, Baler (2026)

03/09/2026

𝗧𝗜𝗡𝗚𝗡𝗔𝗡: 𝐊𝐚𝐛𝐚𝐭𝐚𝐚𝐧𝐠 𝐀𝐮𝐫𝐨𝐧𝐢𝐚𝐧, i𝐩𝐢𝐧𝐚𝐦𝐚𝐥𝐚𝐬 𝐚𝐧𝐠 t𝐚𝐥𝐞𝐧𝐭𝐨 𝐚𝐭 k𝐚𝐚𝐥𝐚𝐦𝐚𝐧 𝐬𝐚 𝟐𝟎𝟐𝟔 𝐏𝐫𝐨𝐯𝐢𝐧𝐜𝐢𝐚𝐥 𝐃𝐑𝐑𝐌 𝐂𝐨𝐦𝐩𝐞𝐭𝐢𝐭𝐢𝐨𝐧𝐬

Bilang bahagi ng pagsusulong ng disaster preparedness at resilience sa lalawigan, matagumpay na isinagawa noong Setyembre 2, 2026 sa SEJA Convention Center, Baler, Aurora ang 2026 Provincial Level DRRM Poster/Seal Making, Essay Writing, at Quiz Bee Contests para sa mga mag-aaral mula Elementary, Junior High School, Senior High School, at Tertiary/College School categories.

Layunin ng mga patimpalak na malinang ang kaalaman, pagkamalikhain, at kahandaan ng kabataan sa disaster risk reduction and management (DRRM), gayundin ang kanilang mahalagang papel sa pagbuo ng ligtas, handa, at matatag na pamayanan.

Pinangunahan ang aktibidad ng Provincial Disaster Risk Reduction and Management Office (PDRRMO) katuwang ang Department of Education – Schools Division of Aurora (DepEd Aurora) at mga Municipal DRRM Offices.
Sa pagbubukas ng programa, nagbigay ng mga mensahe sina PDRRMO Engr. Amado Elson A. Egarque, DepEd SDS Dante G. Parungao, CESO V, at Governor Hon. Isidro P. Galban.

Binigyang-diin ni Governor Galban na bagaman madalas tamaan ng bagyo ang Aurora dahil sa geographical location nito, patuloy na pinatutunayan ng lalawigan ang katatagan nang may sigla at kahandaan.

“Hindi natin mapipigilan ang bawat bagyo. Hindi natin mapipigilan ang bawat lindol, baha o unos,” pahayag ni Galban. “Ngunit kaya nating maghanda. Kaya nating magtulungan. At kaya nating bumangon ng mas matatag sa bawat pagsubok.”

Ibinahagi rin ng gobernador na patuloy na pinapalakas ng pamahalaang panlalawigan ang pakikipagtulungan sa pamahalaang pambansa at iba't ibang ahensya tulad ng DepEd, DILG, DSWD, Office of Civil Defense, at iba pang institusyon. Gayunpaman, iginiit niya na ang resilience ay hindi lamang nakasalalay sa mga opisyal ng gobyerno at disaster responders kundi dapat magsimula sa mga kabataan.

Ayon sa kanya, ang mga likha at kaalaman mula sa mga kompetisyon tulad nito ay maaaring magkaroon ng mas malaking epekto sa lipunan.

“A poster that you draw may become a message that saves a life,” aniya, at ang mga sanaysay na kanilang isusulat ay maaaring magbago sa pananaw ng komunidad ukol sa kaligtasan, habang ang mga kaalamang natutunan sa paligsahan ay maaaring gumabay sa iba sa oras ng sakuna.
Kasunod ng mga mensahe, sinimulan ang tatlong pangunahing patimpalak—Poster/Seal Making, Essay Writing, at Quiz Bee—na nagbigay-daan upang maipamalas ng mga kalahok ang kanilang husay sa sining, pagsulat, at kaalaman tungkol sa DRRM.

Wagi ang San Luis sa Quiz Bee Elementary level, Dipaculao sa Junior High School, Baler sa Senior High School, at Mount Carmel College of Casiguran, Inc. sa Tertiary/College level. Sa ikalawang pwesto, nagwagi ang Dingalan sa Elementary level, San Luis sa Junior High School, Dingalan sa Senior High School, at Aurora State College of Technology (ASCOT) sa Tertiary/College level. Sa ikatlong pwesto naman ay Baler sa Elementary level, Casiguran sa Junior High School, Dilasag sa Senior High School, at Wesleyan University-Philippines-Aurora sa Tertiary/College level.

Sa Essay Writing, nakuha ng San Luis ang unang pwesto sa Elementary level, Dilasag sa Junior High School, Dingalan sa Senior High School, at University of the Philippines-Manila School of Health Sciences, Extension Campus-Baler naman sa Tertiary/College level. Sa ikalawang pwesto ay Dipaculao sa Elementary level, Maria Aurora sa Junior High School, San Luis sa Senior High School, at Aurora State College of Technology (ASCOT) sa Tertiary/College level. Sa ikatlong pwesto naman ay Maria Aurora sa Elementary level, Dipaculao sa Junior High School, Casiguran sa Senior High School, at Mt. Carmel College of Casiguran sa Tertiary/College level.

Samantala, sa Poster/Seal Making, tinanghal na kampeon ang Dipaculao sa Elementary level, Baler sa Junior High School, San Luis sa Senior High School, at Aurora State College of Technology (ASCOT) sa Tertiary/College level. Sa ikalawang pwesto ay Baler sa Elementary level, Dipaculao sa Junior High School, Dipaculao sa Senior High School, at Wesleyan University-Philippines-Aurora sa Tertiary/College level. Sa ikatlong pwesto naman ay Maria Aurora sa Elementary level, Dingalan sa Junior High School, Maria Aurora sa Senior High School, at Mount Carmel College Inc. Baler sa Tertiary/College level.

Sa pagtatapos ng aktibidad, hinikayat ang kabataan na patuloy na makilahok sa mga programang nagtataguyod ng disaster preparedness, risk reduction, at community resilience.

Sa bawat kaalaman, talento, at hakbang tungo sa kahandaan—ang kabataang Auroran ay tunay na katuwang sa pagbuo ng mas ligtas at matatag na Aurora.

03/09/2026

𝗧𝗜𝗡𝗚𝗡𝗔𝗡: Kaligtasan ng mga Dam, Proteksyon sa mga Forestland, at Kapakanan ng mga Lokal na Magbababoy, tinalakay sa Sangguniang Panlalawigan

Tinalakay ang iba’t ibang usapin kaugnay sa kaligtasan ng publiko, pangangalaga sa kalikasan, at kabuhayan ng mga lokal na magbababoy sa lalawigan sa isinagawang 59th Regular Session ng 16th Sangguniang Panlalawigan ng Aurora noong Setyembre 1, 2026, sa pangunguna ni Bokal Philippe Jacobson “Jake” A. Galban, bilang temporary presiding officer.

𝗞𝗮𝗹𝗶𝗴𝘁𝗮𝘀𝗮𝗻 𝘀𝗮 𝗗𝗮𝗺 𝗮𝘁 𝗖𝗮𝗯𝗹𝗲 𝗨𝗻𝗱𝗲𝗿𝗴𝗿𝗼𝘂𝗻𝗱 𝗜𝗻𝘀𝘁𝗮𝗹𝗹𝗮𝘁𝗶𝗼𝗻 𝘀𝗮 𝗺𝗴𝗮 𝗡𝗮𝘁𝗶𝗼𝗻𝗮𝗹 𝗥𝗼𝗮𝗱
Sa kaniyang privilege speech, nagpahayag ng pangamba si Bokal Pedro “Bobong” M. Ong sa Canili-Diayo Dam at Pantabangan Dam bunsod ng naganap na flash flood sa bansang Nepal. Hiniling niya na maimbitahan sa committee hearing ang mga kinauukulang ahensya, kabilang ang National Irrigation Administration (NIA), DPWH, at PDRRMO upang makakuha ng opisyal na datos hinggil sa katatagan ng mga nabanggit na dam. Gayundin, upang alamin ang dami ng tubig na maaaring i-release ng dam sakaling masira ang estruktura ng mga ito, mga lugar na maaaring daanan at tamaan ng tubig, at ang kahandaan ng mga lokal na pamahalaan.

Samantala, hiniling ni Bokal Menard M. Amansec na maimbitahan din sa isang pagdinig ang DPWH, DICT, at National Telecommunication Commission (NTC) patungkol naman sa mga isinasagawang underground installation ng fiber optic cables at pipes sa kahabaan ng national road, na aniya ay maaaring magdulot ng panganib sa mga motorista. Inihayag naman ni Bokal Bobong na may mga umiiral nang ordinansa para sa paglalagay ng mga early warning device na kailangang mahigpit na maipatupad.

𝗣𝗿𝗼𝘁𝗲𝗸𝘀𝘆𝗼𝗻 𝘀𝗮 𝗺𝗴𝗮 𝗙𝗼𝗿𝗲𝘀𝘁𝗹𝗮𝗻𝗱 𝗮𝘁 𝗞𝗮𝗹𝗶𝗸𝗮𝘀𝗮𝗻
Sa isa pang mahalagang usapin, nanawagan si Bokal Mariano “Nano” C. Tangson sa PENRO para sa isyu ng diumanoy illegal acquisition at squatting sa forestland sa Barangay Dimanayat sa bayan ng San Luis. Hiniling din niyang suriin ng naturang tanggapan ang mga ginagawang daan sa kahabaan ng mga forestland upang masigurong may kaukulang Environmental Compliance Certificate ang mga ito.

Ayon sa kanya, bagaman mahalaga ang mga proyektong pang-imprastraktura sa pag-unlad, kailangang tiyakin na hindi nakokompromiso ang pangangalaga sa kalikasan.

𝗣𝗮𝗴𝘁𝘂𝗴𝗼𝗻 𝘀𝗮 𝗜𝘀𝘆𝘂 𝗻𝗴 𝗺𝗴𝗮 𝗟𝗼𝗰𝗮𝗹 𝗛𝗼𝗴 𝗥𝗮𝗶𝘀𝗲𝗿
Nagbigay naman ng update si Provincial Veterinarian Dr. Angelo R. Silvestre sa mga programa para sa mga hog and livestock raisers sa lalawigan. Ito’y bilang tugon sa pahayag ni Bokal Jennifer A. Araña noong huling sesyon hinggil sa hirap ng mga lokal na magbababoy na maibenta sa tamang halaga ang kanilang mga alaga dahil sa pagdami ng mga imported na karne sa merkado.

Ayon kay Dr. Silvestre, bagaman hindi mapipigilan ang pagpasok ng mga imported na karne o frozen meat, maaari namang mai-regulate ng lokal na pamahalaan ang bentahan nito sa pamamagitan ng mahigpit na permitting process at pagpapatupad ng taripa.

Ibinahagi rin niya na sa kasalukuyan ay nasa 18,404 ang populasyon ng baboy sa lalawigan na pawang mga nagmumula sa backyard raisers. Dagdag din niya na lahat ng kinatay na baboy mula Enero hanggang kasalukuyan ay galing sa mga local hog raiser. Sa nakalipas na taon ay wala na rin aniyang naitalang kaso ng ASF sa lalawigan.

Iminungkahi naman ni Bokal Nano na imbitahan ang PLEDIPO sa susunod na sesyon para sa pagtukoy at pagbalangkas ng mga programa para sa mga magbababoy.

𝗥𝗲𝘃𝗶𝘀𝗲𝗱 𝗪𝗲𝗹𝗳𝗮𝗿𝗲 𝗖𝗼𝗱𝗲 𝗳𝗼𝗿 𝗖𝗵𝗶𝗹𝗱𝗿𝗲𝗻 𝗮𝘁 𝗧𝘂𝗹𝗼𝗻𝗴 𝗽𝗮𝗿𝗮 𝘀𝗮 𝗺𝗴𝗮 𝗡𝗮𝗮𝗽𝗲𝗸𝘁𝘂𝗵𝗮𝗻 𝗻𝗴 𝗺𝗴𝗮 𝗕𝗮𝗴𝘆𝗼 𝗮𝘁 𝗛𝗮𝗯𝗮𝗴𝗮𝘁
Samantala, sa hakbang pang-lehislatibo, pinagtibay sa ikatlo at huling pagbasa ang panukalang ordinansa para sa Revised Welfare Code for Children in the Province of Aurora na isinulong ni Bokal Ryan Austin “Yam” K. Tolentino.

Gayundin, inaprubahan ng kapulungan ang resolusyong nagbibigay-pahintulot kay Governor Isidro P. Galban na lumagda sa Deed of Donation sa pagitan ng Pamahalaang Panlalawigan at ng Office of the President. Nakapaloob sa kasunduan ang Php10 milyong halaga ng tulong pinansyal para sa mga kwalipikadong residente ng lalawigan na naapektuhan ng habagat at mga bagyong Luis at Maymay.

Sa pamamagitan ng mga hakbang na ito, pinatutunayan ng Sangguniang Panlalawigan ng Aurora ang kanilang patuloy na paglilingkod at pagbibigay-prayoridad sa kaligtasan, kabuhayan, at kapakanan ng bawat mamamayan ng lalawigan.

𝙒𝙧𝙞𝙩𝙚𝙧: Lyn C. Robles
𝙋𝙝𝙤𝙩𝙤𝙜𝙧𝙖𝙥𝙝𝙚𝙧: Mark Ryan N. Lumasac
𝙋𝙝𝙤𝙩𝙤 𝙀𝙙𝙞𝙩𝙤𝙧: Mark Ryan N. Lumasac

03/09/2026

📊 AURORA QUICKSTAT – AUGUST 2026 ISSUE

Alamin ang pinakabagong buwanang datos at mahahalagang estadistika tungkol sa Ekonomiya, Agrikultura, Populasyon, Kalusugan, at iba pang sektor ng Aurora.

📌 Batay sa datos ng Philippine Statistics Authority (PSA).

03/09/2026

𝗣𝗔𝗡𝗢𝗢𝗥𝗜𝗡: HIGHLIGHTS OF KABATAAN PARA SA KALIKASAN

𝙑𝙞𝙙𝙚𝙤𝙜𝙧𝙖𝙥𝙝𝙚𝙧: Robert M. Soverano, Mark Stephen P. Ballester
𝙑𝙞𝙙𝙚𝙤 𝙀𝙙𝙞𝙩𝙤𝙧: Robert M. Soverano

02/09/2026

𝗧𝗜𝗡𝗚𝗡𝗔𝗡: SAD-Free Aurora, paghubog sa kabataan tungo sa mas ligtas at napapanatiling kinabukasan

Isang mahalagang hakbang para sa kapakanan at kinabukasan ng mga kabataan ang isinagawa sa pamamagitan ng programang SAD-Free Aurora noong Agosto 29, 2026 sa Casiguran Central School, Casiguran, Aurora, sa pangunguna ng Provincial Youth Development Office (PYDO) at ng Aurora Youth Development Council (AYDC) Team.

Layunin ng aktibidad na gabayan at bigyang-kakayahan ang mga kabataan sa paggawa ng mga matatalinong desisyon upang makaiwas sa mga mapanirang gawain at mamuhay nang may malasakit at pananagutan sa komunidad.

Tinalakay sa programa ang mahahalagang usaping direktang nakaaapekto sa kapakanan at seguridad ng kabataan. Kabilang dito ang Bad Vices Awareness and Prevention, kung saan ipinaunawa ang mga panganib ng masasamang bisyo at ang kahalagahan ng pagpapanatili ng kaligtasan at malusog na pamumuhay

Pinalawak din ang kaalaman ng mga kalahok hinggil sa Republic Act No. 10591 o ang Comprehensive Fi****ms and Ammunition Regulation Act, partikular sa mga panganib at pananagutang kaugnay ng ilegal na pagmamay-ari ng baril. Tinalakay rin ang Republic Act No. 10627 o ang Anti-Bullying Act of 2013, na naglalayong mapalakas ang kaalaman ng kabataan tungkol sa pag-iwas at pagtugon sa bullying.

Samantala, sa sesyon ukol sa Environmental Protection, hinikayat ang mga kabataan na maging mas responsible sa pangangala ng kalikasan at kilalanin ang kanilang mahalagang papel sa pagtataguyod ng isang matatag at napapanatiling kinabukasan.

Binigyang-pansin din ang mental health, kabilang ang kahalagahan ng pangangalaga sa kalusugang pangkaisipan at wastong pamamaraan sa pagharap sa mga hamon at suliraning karaniwang nararanasan ng mga kabataan.

Bukod sa mga pormal na talakayan, nagkaroon din ng breakout workshop, differentiated activities, at group presentations kung saan aktibong naibahagi ng mga kabataan ang kani-kanilang mga pananaw, karanasan, at natutuhan. Nagtapos ang aktibidad sa paglalahad ng mga key takeaways na naglalayong matiyak na maisasabuhay ng mga kalahok ang mahahalagang aral mula sa programa.

Sa kabuuan, ipinakita ng SAD-Free Aurora na ang paghubog sa kabataan ay higit pa sa simpleng pag-iwas sa bisyo. Mahalaga ring linangin ang kanilang matatag na pag-iisip, matalinong pagpili, malasakit sa kalikasan, at pananagutan sa komunidad upang maging bahagi sila sa pagbuo ng mas ligtas at maunlad na kinabukasan.

Sa temang “Strong mind. Healthy choices. Sustainable Tomorrow.” binigyang-diin ng programa na ang mga tamang desisyong ginagawa ng kabataan ngayon ay nagsisilbing mahalagang pundasyon para sa isang mas ligtas, malusog, at napapanatiling komunidad sa hinaharap.

𝙒𝙧𝙞𝙩𝙚𝙧: Angel May T. Tresmanio
𝙋𝙝𝙤𝙩𝙤𝙜𝙧𝙖𝙥𝙝𝙚𝙧: Mark Ryan N. Lumasac
𝙋𝙝𝙤𝙩𝙤 𝙀𝙙𝙞𝙩𝙤𝙧: Mark Ryan N. Lumasac

01/09/2026

𝗧𝗜𝗡𝗚𝗡𝗔𝗡: Kabataang Auroran, Nagkaisa para sa Mas Luntiang Kinabukasan

Patuloy ang pagsusulong sa pangangalaga ng kalikasan at paghikayat sa aktibong pakikilahok ng mga kabataan sa mga gawaing pangkalikasan sa pamamagitan ng programang Kabataan Para sa Kalikasan na may temang “Kabataang Makakalikasan: Sama-samang Pagkilos Tungo sa Luntiang Kinabukasan” noong Agosto 30, 2026 sa Barangay Dibet, Casiguran, Aurora.

Pinangunahan ni Alvin M. Morada, Officer-In-Charge, Provincial Youth Development Officer ng Tanggapan ng Provincial Youth Development Office (PYDO) katuwang ang Aurora Youth Development Council (AYDC), Local Youth Development Officers (LYDOs), Sangguniang Kabataan (SK) mula sa Dinalungan, Casiguran at Dilasag, Municipal Environment and Natural Resources Office (MENRO) Casiguran, mga opisyal ng Barangay Dibet, 2nd APMFC Brgy. Dibacong, at Casiguran Municipal Police Station (MPS) ang naturang programa.

Kabilang din sa mga lumahok sa aktibidad ang mga Out-of-School Youth (OSY), Pag-asa Youth Association of the Philippines (PYAP), at Youth Volunteers mula sa mga bayan ng Dinalungan, Casiguran at Dilasag.

Sa pagbubukas ng programa, nagpahayag ng pasasalamat sa mga kabataang nakiisa gayundin sa mga naging katuwang na organisasyon sa pagsusulong ng pangangalaga sa kalikasan si G. Jesus O. Cezar, Punong Barangay ng Barangay Dibet, Casiguran.

Binigyang-diin naman ni OIC-PYDO Alvin B. Morada ang mahalagang papel ng kabataan sa pangangalaga sa kapaligiran at hinikayat silang patuloy na makiisa at maging aktibong bahagi ng mga gawaing naglalayong mapangalagaan ang kalikasan at mapanatili ang malinis na luntiang kapaligiran.

Bilang bahagi ng programa, isinagawa muna ang short talk on environmental awareness, importance of mangroves, proper mangrove planting, at the role of the youth in environmental conservation, na pinangunahan ni Forester Mary Jane A. Marigmen, Assistant Professor I ng Aurora State College of Technology (ASCOT).

Matapos ang talakayan, magkasunod na isinagawa ang Coastal Clean-up Drive Activity at Tree Planting, kung saan sama-samang kumilos ang mga kabataan at iba pang nakilahok bilang konkretong ambag sa pagpapanatili ng kalinisan at pangangalaga sa kapaligiran.

Sa pamamagitan ng ganitong mga aktibidad, patuloy na naipapakita ng mga kabataang Auroran ang kanilang mahalagang papel sa pangangalaga sa kalikasan, alinsunod sa patuloy na suporta ni Governor Isidro P. Galban sa mga programang naglalayong palakasin ang pakikilahok ng kabataan at isulong ang pangangalaga sa kapaligiran tungo sa mas malinis, luntian at sustenableng kinabukasan.

𝙒𝙧𝙞𝙩𝙚𝙧: Erica N. Polinada
𝙋𝙝𝙤𝙩𝙤𝙜𝙧𝙖𝙥𝙝𝙚𝙧: Mark Ryan N. Lumasac
𝙋𝙝𝙤𝙩𝙤 𝙀𝙙𝙞𝙩𝙤𝙧: Mark Ryan N. Lumasac

01/09/2026

🇵🇭 IKA-126 NA ANIBERSARYO NG PHILIPPINE CIVIL SERVICE! 🇵🇭

Nawa’y patuloy na maging matatag ang ating pagkakaisa at dedikasyon sa tapat na paglilingkod para sa bawat mamamayan. Ang DANGAL SA TUNGKULIN ay paalala na ang tunay na serbisyo publiko ay nagmumula sa puso, malasakit, at pananagutang unahin ang kapakanan ng bayan.

Ang Pamahalaang Panlalawigan ng Aurora ay patuloy na nakatuon sa pagbibigay ng mahusay, accessible, at makabuluhang serbisyo para sa bawat Aureoreano. Mabuhay ang lingkod bayan! Mabuhay ang serbisyo publiko! 🇵🇭🎖️

01/09/2026

𝗧𝗜𝗡𝗚𝗡𝗔𝗡: National Breastfeeding Awareness Month, Tampok ang Pagpapalakas ng Kaalaman at Pangangalaga sa mga Ina at Sanggol

Tampok ang pagpapalawak ng kaalaman at pangangalaga para sa mga ina at kanilang mga sanggol sa paggunita ng National Breastfeeding Awareness Month na may temang “Yakap Hakab: Breastfeeding for a Sustainable Start in Life Strengthen What Works”. Ginanap ito nong Agosto 27, 2026, sa Capitol Grounds, Brgy. Suklayin, Baler, Aurora.

Pinangunahan ito ni Gng. Eleanor M. Olivar, Assistant Provincial Social Welfare and Development Office-Acting, Provincial Nutrition Action Officer (PNAO) na naglalayong palawakin ang kamalayan at pang-unawa ng publiko sa kahalagahan ng breastfeeding bilang mahalagang bahagi ng wastong nutrisyon at pangangalaga sa kalusugan ng ina at sanggol.

Naging maalab ang mensahe ni Governor Isidro P. Galban, “aniya malaking ambag ng breastfeeding sa kalusugan ng sanggol at kapakanan ng pamilya. Sa panahong patuloy na tumataas ang presyo ng mga pangunahing bilihin, malaking tulong sa pamilya ang breastfeeding dahil nakatutulong ito sa pagbabawas ng gastusin. Higit pa rito, nagbibigay ito ng proteksiyon sa kalusugan ng sanggol sa mga unang yugto ng kanyang buhay”.

Binigyang-diin din ng punong lalawigan na ang Unang Yakap ang unang tamang simula, habang ang Yakap Hakab naman ay pagpapatuloy ng pag-aaruga at suporta sa ina at sa kanyang sanggol. Bagama’t magkaiba ang kanilang pokus, kapwa mahalaga ang mga ito sa pagbibigay ng pinakamainam na simula sa buhay ng isang bata.

Dagdag pa niya, ang tunay na kalusugan ay hindi lamang nagsisimula sa ospital kundi sa tahanan - sa pamamagitan ng wastong nutrisyon, sapat na kaalaman at tamang pag-aaruga sa bawat ina at sanggol. Aniya, ang ating pangako sa bawat ina ay hindi kayo nag-iisa. Kasama ninyo ang inyong pamilya at kasama ninyo ang inyong pamahalaan.

Samantala, nagpaabot din ng suporta si Vice Governor Patrick Alexis Angara at binigyang-halaga ang sama-samang pagsulong ng isang komunidad na kumikilala at nagbibigay ng sapat na suporta sa kanilang breastfeeding journey.

Nakiisa rin sa programa si Sangguniang Panlalawigan Member at Committee on Health Norma V. Palmero kasama ang mga kapwa niya SP Member na sina Bokal Sheenalyn Tablang, Bokal Sherwin Amatorio at Bokal Jennifer Araña.

Kaugnay nito, tampok din ang mga talakayan hinggil sa maternal health, pediatric care, maternal nutrition at breastfeeding demonstration. Isinagawa rin ang medical mission at health services, Nanay Knows Best: Breastfeeding and Maternal Quiz Bee, Search for the Buntis Queen 2026, Kumpletong Alaga kay Baby at Best Pregnancy Smile. Kasama rin sa mga aktibidad ang pamamahagi ng Buntis Maternal and Breastfeeding Kits, Donated goods at iba pang tulong para sa mga ina at kanilang mga sanggol.

Sa pamamagitan ng mga inisyatibang tulad nito, patuloy na pinapalakas ang mga hakbang para sa kalusugan at wastong nutrisyon ng mga ina at bata, kasabay ng pagbibigay ng sapat na kaalaman at gabay sa bawat yugto ng kanilang paglalakbay - tungo sa mas malusog na mga pamilya at mas magandang kinabukasan para sa mga kabataan sa lalawigan ng Aurora.

𝙒𝙧𝙞𝙩𝙚𝙧: Erica N. Polinada
𝙋𝙝𝙤𝙩𝙤𝙜𝙧𝙖𝙥𝙝𝙚𝙧: Jommel T. Vicente
𝙋𝙝𝙤𝙩𝙤 𝙀𝙙𝙞𝙩𝙤𝙧: Mark Ryan N. Lumasac

01/09/2026

HELLO, SEPTEMBER!
HELLO, AURORA TOURISM MONTH 2026!

This September, we’re taking tourism into the future with our theme:
“𝘿𝙞𝙜𝙞𝙩𝙖𝙡 𝘼𝙜𝙚𝙣𝙙𝙖 𝙖𝙣𝙙 𝘼𝙧𝙩𝙞𝙛𝙞𝙘𝙞𝙖𝙡 𝙄𝙣𝙩𝙚𝙡𝙡𝙞𝙜𝙚𝙣𝙘𝙚 𝙩𝙤 𝙍𝙚𝙙𝙚𝙨𝙞𝙜𝙣 𝙏𝙤𝙪𝙧𝙞𝙨𝙢”

And we’ve got a whole month packed with activities!

𝖥𝗋𝗈𝗆 𝖼𝗎𝗅𝗂𝗇𝖺𝗋𝗒 𝖼𝗈𝗆𝗉𝖾𝗍𝗂𝗍𝗂𝗈𝗇𝗌 🍴, 𝖼𝗎𝗅𝗍𝗎𝗋𝖺𝗅 𝗐𝗈𝗋𝗄𝗌𝗁𝗈𝗉𝗌 🎨, 𝗍𝗈𝗎𝗋𝗂𝗌𝗆 𝖿𝖺𝗂𝗋𝗌 🛍️, 𝖼𝗅𝖾𝖺𝗇-𝗎𝗉 𝖺𝗇𝖽 𝗍𝗋𝖾𝖾-𝗉𝗅𝖺𝗇𝗍𝗂𝗇𝗀 𝖺𝖼𝗍𝗂𝗏𝗂𝗍𝗂𝖾𝗌 🌱, 𝖽𝗂𝗀𝗂𝗍𝖺𝗅 𝖼𝗈𝗇𝗍𝖾𝗌𝗍𝗌 📱, 𝖼𝗈𝗆𝗆𝗎𝗇𝗂𝗍𝗒 𝖾𝗏𝖾𝗇𝗍𝗌 🤝, 𝖺𝗇𝖽 𝗌𝗈 𝗆𝗎𝖼𝗁 𝗆𝗈𝗋𝖾 — 𝗍𝗁𝖾𝗋𝖾’𝗌 𝗉𝗅𝖾𝗇𝗍𝗒 𝗍𝗈 𝗅𝗈𝗈𝗄 𝖿𝗈𝗋𝗐𝖺𝗋𝖽 𝗍𝗈!

📆 Save the dates and check out our Calendar of Activities!

𝖶𝗁𝖾𝗍𝗁𝖾𝗋 𝗒𝗈𝗎’𝗋𝖾 𝖺 𝗍𝗈𝗎𝗋𝗂𝗌𝗆 𝗐𝗈𝗋𝗄𝖾𝗋, 𝗅𝗈𝖼𝖺𝗅 𝖾𝗇𝗍𝗋𝖾𝗉𝗋𝖾𝗇𝖾𝗎𝗋, 𝗌𝗍𝗎𝖽𝖾𝗇𝗍, 𝖼𝗈𝗆𝗆𝗎𝗇𝗂𝗍𝗒 𝗆𝖾𝗆𝖻𝖾𝗋, 𝗈𝗋 𝗌𝗂𝗆𝗉𝗅𝗒 𝗌𝗈𝗆𝖾𝗈𝗇𝖾 𝗐𝗁𝗈 𝗅𝗈𝗏𝖾𝗌 𝖠𝗎𝗋𝗈𝗋𝖺—𝗍𝗁𝗂𝗌 𝖼𝖾𝗅𝖾𝖻𝗋𝖺𝗍𝗂𝗈𝗇 𝗂𝗌 𝖿𝗈𝗋 𝖸𝖮𝖴!

📸Join us. Participate. Create. Explore. Celebrate.

Provincial Government of Aurora

03/09/2026

03/09/2026

03/09/2026

03/09/2026

02/09/2026

01/09/2026

01/09/2026

01/09/2026

01/09/2026

Address

Website

Alerts

Shortcuts

Share

Category

Listing takedown request