27/11/2024
𝟐𝐍𝐃 𝐏𝐋𝐀𝐂𝐄𝐑 𝐓𝐀𝐘𝐎 𝐌𝐀𝐑𝐈𝐊𝐈𝐓!
𝕀ℕ ℙℍ𝕆𝕋𝕆𝕊|| 𝗣𝗜𝗡𝗔𝗥𝗔𝗡𝗚𝗔𝗟𝗔𝗡 𝗔𝗡𝗚 𝗕𝗥𝗚𝗬. 𝗠𝗔𝗥𝗜𝗞𝗜𝗧 𝗕𝗜𝗟𝗔𝗡𝗚 𝟮𝗡𝗗 𝗣𝗟𝗔𝗖𝗘𝗥 𝗦𝗔 𝗚𝗔𝗪𝗔𝗗 𝗣𝗨𝗡𝗢𝗡𝗚 𝗟𝗔𝗟𝗔𝗪𝗜𝗚𝗔𝗡 𝗣𝗔𝗥𝗔 𝗦𝗔 𝗞𝗔𝗣𝗔𝗟𝗜𝗚𝗜𝗥𝗔𝗡, 𝗣𝗥𝗢𝗩𝗜𝗡𝗖𝗜𝗔𝗟 𝗦𝗘𝗔𝗥𝗖𝗛 𝗙𝗢𝗥 𝗧𝗛𝗘 𝗖𝗟𝗘𝗔𝗡𝗘𝗦𝗧 𝗔𝗡𝗗 𝗚𝗥𝗘𝗘𝗡𝗘𝗦𝗧 𝗕𝗔𝗥𝗔𝗡𝗚𝗔𝗬 (𝗥𝗨𝗥𝗔𝗟 𝗖𝗔𝗧𝗘𝗚𝗢𝗥𝗬) 𝟮𝟬𝟮𝟰, 𝗞𝗔𝗛𝗔𝗣𝗢𝗡 𝗡𝗢𝗩𝗘𝗠𝗕𝗘𝗥 𝟮𝟳, 𝟮𝟬𝟮𝟰.
BLGU Marikit, Pinarangalan bilang 2nd Placer sa Gawad Punong Lalawigan 2024!
Barangay Marikit, muling nagningning sa prestihiyosong patimpalak bilang isa sa pinakamalinis at pinakamagandang barangay sa probinsya sa ilalim ng Rural Category!
Ang tagumpay na ito ay hindi lamang tagumpay ng BLGU Marikit, kundi tagumpay ng buong barangay. Isang taos-pusong pasasalamat sa lahat ng mamamayan na aktibong nakiisa sa mga programa at proyekto para sa kalinisan, kaayusan, at pangangalaga sa kalikasan. Ang inyong malasakit at kooperasyon, mula sa simpleng pagtulong sa mga clean-up drive, pagtatanim ng puno, hanggang sa wastong pagtatapon ng basura, ay naging malaking ambag upang makamit natin ang karangalang ito. Lubos din kaming nagpapasalamat sa MENRO Casiguran Aurora sa kanilang pagtitiwala sa aming Barangay sa ganitong prestihiyosong patimpalak, maraming maraming salamat po sa inyong hindi matatawarang pagsuporta sa amin!🫡
Ang Gawad Punong Lalawigan ay isang patimpalak na naglalayong kilalanin ang mga barangay na nagtataguyod ng mga makakalikasan at makabayaning gawain. Kaya’t ang pagkapanalo natin bilang 2nd placer ay patunay na ang ating barangay ay modelo ng disiplina, pagkakaisa, at pagmamahal sa kalikasan.
Patuloy nating itaguyod ang ganitong uri ng adbokasiya, hindi lamang para sa karangalan, kundi para sa kapakanan ng mga susunod na henerasyon. Sama-sama tayong kumilos para sa mas maayos, mas malinis, at mas luntiang Barangay Marikit! Mabuhay ang ating barangay!
