13/10/2025
PAMAHALAANG ACCOUNTABLE, TRANSPARENT AT NAKIKINIG.
Sa Lungsod ng Baliwag, gusto po nating tiyakin na ang ating pamahalaan ay bukas, mabilis, at tapat sa serbisyo.
Kaya kasama po ang ating mga kasanguni at mga mahahalagang resource person ay ipinasa po natin ang ordinansang โBaliwag City Good Governance QR Code and Hotline System" na ngayon ay dadalin na sa isang pampublikong pagdinig. Simple lang po ang layunin, sa pamamagitan ng QR code o hotline, maaari pong mag-report, magbigay ng suhestyon, o magpahayag ng papuri ang bawat Baliwagenyo tungkol sa mga opisina, opisyal, at serbisyong pampubliko.
Hindi na po kailangang pumila o maghintay ng matagal, isang scan o tawag lang, maririnig na po ang inyong boses.
Background:
Madalas po, may mga hinaing o concern na hindi agad naipararating sa tamang opisina.
Sa system pong ito, direkta at real-time ang komunikasyon.
Mas mapapabilis po ang aksyon, mas nababantayan ang performance, at mas nakikita ng mamamayan ang epektibong pamahalaan.
Bukod dito, maaari rin pong magbigay ng โpositiveโ o โsatisfactoryโ rating ang ating mga kababayan sa mga opisina o barangay na nagpapakita ng mahusay, maagap, at magalang na serbisyo.
Hindi lang po reklamo ang ating pinakikinggan, pati ang papuri at magandang feedback ay binibigyang halaga rin.
Batayan:
Alinsunod po sa mandato ng Ease of Doing Business and Efficient Government Service Delivery Act (RA 11032) at sa direksyon ng ating Punong Lungsod, Mommy Sonia Estrella, at ni Mayor Vice Ferdie Estrella ,
layunin po ng ordinansang ito na gawing mas transparent, accountable, at participatory ang pamahalaang lungsod.
Sa madaling sabi, mas madali na pong pakinggan ang taumbayan, at mas mabilis din po tayong makakilos bilang gobyerno.
Posibleng Epekto:
Para sa Serbisyo Publiko:
Makikita po agad kung aling opisina ang mahusay, at alin ang kailangang mag-improve.
Yung mga opisina na patuloy pong nagbibigay ng maayos na serbisyo ay bibigyan ng positibong rating at pagkilala bilang modelo ng mahusay na pamahalaan.
Yung may reklamo naman, matutulungan agad upang maitama ang proseso at mapaunlad ang serbisyo.
Para sa mga Mamamayan:
Mas empowered po ang mga Baliwagenyo dahil may direktang linya sa pamahalaan, walang paligoy-ligoy.
Dito po sa Baliwag, naniniwala tayo na ang mabuting pamamahala ay hindi lang trabaho ng opisina, ito po ay trabaho po nating lahat.
