Baliwag Traffic Management Office

Baliwag Traffic Management Office Seguridad at Serbisyo, para sa Baliwageño.

ANUNSIYO PUBLIKONais ipabatid ng BCTMO sa publiko na sa ika-27 ng Hunyo ay pansamantalang gagawing one-way (papasok ng P...
26/06/2026

ANUNSIYO PUBLIKO

Nais ipabatid ng BCTMO sa publiko na sa ika-27 ng Hunyo ay pansamantalang gagawing one-way (papasok ng Public Market) ang kahabaan ng San Jose St. (mula Petron sa tapat ng RCS hanggang BESCO) mula ika-8 ng gabi hanggang ika-3 ng madaling araw. Ito ay upang bigyang daan ang paglalatag ng secondary line ng kuryente sa nasabing lugar.

Pinapayuhan po ang lahat na maghanap muna ng alternatibong ruta upang makaiwas sa abala.

𝟮𝟬𝟮𝟲 𝗕𝗨𝗡𝗧𝗔𝗟 𝗙𝗘𝗦𝗧𝗜𝗩𝗔𝗟May 25-30, 2026“Ang Pamana ng Baliwag, Ang Ating Sama-samang Kinabukasan”
13/05/2026

𝟮𝟬𝟮𝟲 𝗕𝗨𝗡𝗧𝗔𝗟 𝗙𝗘𝗦𝗧𝗜𝗩𝗔𝗟
May 25-30, 2026

“Ang Pamana ng Baliwag, Ang Ating Sama-samang Kinabukasan”



MAHALAGANG ANUNSIYONais ipabatid ng Baliwag City Traffic Management Office sa publiko na simula Lunes, ika-13 ng Abril, ...
09/04/2026

MAHALAGANG ANUNSIYO

Nais ipabatid ng Baliwag City Traffic Management Office sa publiko na simula Lunes, ika-13 ng Abril, ang mga bus ng Baliwag Transit Inc. / Golden Bee ay magbababa ng kanilang mga pasahero sa Central Terminal sa Baliwag Public Market. Base sa pakikipagpulong ni BCTMO Head Roberto "Tisoy" E. Santos kina OIC Ramon Vinuya ans Assistant OIC Michael Adriano ng Baliwag Transit Inc., ang hakbang na ito ay inaasahang magdudulot ng ginhawa sa mga pasaherong bababa ng bus sa pamamagitan ng pagbibigay ng mas malapit na access sa mga maglilipat biyahe sa pamamagitan ng jeepney o tricycle.

Inaasahan po namin ang kooperasyon ng lahat tungo sa lalong ikauunlad ng ating lungsod.

Ang Semana Santa ay panahon ng pagninilay at pagsasabuhay ng mga mabubuting aral na ating natutunan sa pananampalataya. ...
31/03/2026

Ang Semana Santa ay panahon ng pagninilay at pagsasabuhay ng mga mabubuting aral na ating natutunan sa pananampalataya. Sa ating lungsod, ang pasasagawa ng ng Banal na Prusisyon ay isang tradisyunal na pagpapatunay ng debosyon ng mga Baliwagenyo sa ating P**ng Maykapal. Gaya ng nakasanayan, ang Grand Lenten Procession ay gaganapin sa Miyerkules Santo (April 1, 2026) at Biyernes Santo (April 3, 2026).

Bilang paghahanda sa pagdating ng mga naglalakihang karosa, ang mga sumusunod na lugar ay isasara sa ganap na ika-12 ng tanghali sa April 1 at 3. Ang mga kalsadang nabanggit ay magsisislbing Assembly Area para sa mga P**n at debotong sasali sa prusisyon.

Simbahan - Plaza Naning - F. Vergel De Dios - Racelis St. - BS Aquino Ave. - Año St. - M. Ponce St. - Calderon St. - J. Buizon St. - RE Chico St. - Plaridel St.

Narito po ang ruta Miyerkules Santo: Año St. - RE Chico St. - P. Damaso St. - JP Rizal St. - Palengke - Plaza Naning - Parokya ni San Agustin

Narito naman anr Rtua sa Biyernes Santo: Simbahan - F. Vergel De Dios - La Rosa Santiago St. - J. Buizon St. - BS Aquino Ave. - Plaridel St. - F. Lara St. - Dr. Gonzales St. - V. Gonzales St. - Old Cagayan Valley Road - Plaza Naning - Parokya ni San Agustin

Dahil sa inaasahang dagsa ng mga deboto at mga manonood ng Grand Lenten Procession, pinapayuhan namin ang mga motorista na humanap muna ng alternatibong daan upang hindi maabala sa kanilang mga biyahe.

Nawa, sa panahong ito ng Semana Santa ay ating maramdaman ang patuloy na pagmamahal ng ating Diyos na Makapangyarihan. Atin ding ibigay sa ating kapwa ang patuloy na kooperasyon at kapayapaan.

MAHALAGANG ANUNSIYONais ipabatid ng Baliwag City Traffic Management Office sa publiko na Magkakaroon ang Marian College ...
18/03/2026

MAHALAGANG ANUNSIYO

Nais ipabatid ng Baliwag City Traffic Management Office sa publiko na Magkakaroon ang Marian College of Baliuag, Inc. ng isang Parade of Colors bilang pasimula sa kanilang pagdiriwang ng kanilang Campus Festival. Ang nasabing parada ay gaganapin sa ganap na 7:00am sa ika-21 ng Marso, araw ng Sabado. Magsisimula ang parada mula Gil Carlos Street, liliko pakaliwa sa A. Luna Street, kakanan sa Balagtas Street, kakanang muli sa JM Basa Street, liliko sa P. Angeles at F. Vergel De Dios, at muling babalik sa Gil Carlos.

Upang makaiwas sa inaasahang bigat ng daloy ng trapiko sa araw at oras na nabanggit ay pinapayuhan namin ang lahat ng motorista na humanap muna ng alternatibong ruta. Maraming salamat po sa inyong pag-unawa at kooperasyon.

MAHALAGANG ANUNSIYONais ipabatid ng Baliwag City Traffic Management Office sa publiko na kasalukuyang nagkakaroon ng roa...
18/03/2026

MAHALAGANG ANUNSIYO

Nais ipabatid ng Baliwag City Traffic Management Office sa publiko na kasalukuyang nagkakaroon ng road asphalting sa kahabaan ng M. Ponce Street ngayong araw, ika-18 ng Marso. Layunin ng proyektong ito na ayusin ang mga lubak sa kalsada para sa kapakanan ng ating mga motorista. Dahil dito ay pinapayuhan namin ang lahat ng mga naglalakbay na humanap muna ng alternatibong ruta upang makaiwas sa pagbagal ng daloy ng trapiko sa nasabing lugar.

MAHALAGANG ANUNSIYOBilang pagdiriwang ng Women's Month ngayong buwan ng Marso ay magsasagawa ang Lungsod ng Baliwag ng i...
17/03/2026

MAHALAGANG ANUNSIYO

Bilang pagdiriwang ng Women's Month ngayong buwan ng Marso ay magsasagawa ang Lungsod ng Baliwag ng isang Fun Run na may temang "Takbo at Indak Para sa Kababaihan" sa ika-21 ng Marso, araw ng Sabado sa ganap na ika-5:30 ng umaga. Ang aktibidad na ito ay naging posible dahil sa pangunguna ng ating butihing Alkalde na si "Mommy" Sonia V. Estrella. Ang 3-5 kilometrong ruta ng Fun Run ay magsisimula sa Plaza Naning, tutungo sa kahabaan ng JP Rizal Street, at liliko sa Brgy. Sta. Barbara pabalik sa Plaza Naning. Tinatayang matatapos ang programang ito sa ganap na ika-11 ng umaga.

Dahil dito ay nais po naming ipaalam sa publiko na ang Metro Glorietta ay pansamantalang isasara mula ika-10 ng gabi, March 20, 2026 hanggang ika-11 ng umaga March 21, 2026. Pinapayuhan din namin ang mga motorista na humanap muna ng alternatibong ruta upang maiwasan ang mga daraanan ng mga kalahok ng Fun Run sa oras ng aktibidad.

Taos pusong nakikiramay ang ipinaaabot ng Baliwag City Traffic Management Office at City Govenrment of Baliwag sa pamily...
17/03/2026

Taos pusong nakikiramay ang ipinaaabot ng Baliwag City Traffic Management Office at City Govenrment of Baliwag sa pamilya at mga naulila ni Ginoong Antonio Tiquia, isang tapat at masipag na Traffic Enforcer ng BCTMO sa loob ng walong taon. Sa iyong paglisan, nawa ay baunin mo ang aming dasal at pasasalamat para sa iyong matapat na paglilingkod sa mga mamamayan ng ating lungsod.

Aming ipinababatid sa publiko na simula ngayong araw, ika-16 ng Marso, ay ipapatupad ang "No Jaywalking" rule sa kalakha...
16/03/2026

Aming ipinababatid sa publiko na simula ngayong araw, ika-16 ng Marso, ay ipapatupad ang "No Jaywalking" rule sa kalakhan ng Lungsod ng Baliwag alinsunod sa Kautusang Bayan bilang 3-95. Pinapaalalahanan ang lahat ng mga pedestrian na gamitin ang mga side walk at mga tamang tawiran para sa kanilang kaligtasan at upang makaiwas sa pagmumulta.

Inaasahan po namin ang kooperasyon ng lahat tungo sa lalong ika-uunlad ng ating Lungsod.

Address

Glorietta Circle
Baliuag
3006

Website

Alerts

Be the first to know and let us send you an email when Baliwag Traffic Management Office posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Baliwag Traffic Management Office:

Shortcuts

Share

Category