31/05/2026
Mabiyayang araw po ng Linggo sa ating lahat. Bukas po araw ng lunes June 1, 2026, ay muli po nating ipatutupad ang No Parking Policy sa mga lansangan ng nasasakupan ng Ating mahal na Barangay.
Kagaya nga po ng nasabi na ng ating kapitang may Kababang loob at handang makinig sa lahat ng hinaing ng ating mga kabarangay, ay humingi po sya ng paumanhin sa lahat ng nakiusap, na kung maari ay makapagparada sila sa harap ng kanilang mga bahay sa dahilang wala pa silang paparadahan ng kanilang sasakyan. Kayo naman po ay hindi nabigo, kagyat na kayo ay pinagbigyan. Subalit Tayo po ay napuna na at tila sinasabi pang walang buto ang ating mahal na kapitan at walang lakas ng loob na magpatupad ng mga batas na umiiral sa ating barangay. Kung inyo pong babasahin ang sumbong na nasa ibabang bahagi ng pabatid na ito ay tila kailangan na nating muling ipatupad ang paghihigpit sa pag aalis ng mga sagabal sa ating mga lansangan.
kaya naman po muli naming ipinaaalam sa mga may ari ng sasakyang nakaparada sa ating mga lansangan ay ihanap na natin ito ng paradahan. O makipag-ugnayan sa ating Barangay hall upang mabigyang lugar sa ating public parking na matatagpuan sa dulong Aldama.
