01/09/2026
๐๐๐๐: ๐๐๐๐๐๐๐๐๐๐๐ ๐๐๐๐๐ ๐๐๐๐๐๐๐ ๐๐๐๐๐๐๐
Gipahigayon sara nga adlaw, Septiyembre 1, 2026, sa Sangguniang Bayan sa Bantayan ang ilang regular nga sesyon nga pinanguluhan ni Vice Mayor Arthur E. Despi.
Ang sesyon gitumong sa paghisgot ug pagdumala sa nagkalain-laing lehislatibong mga butang ug uban pang mga isyu nga sakop sa katungdanan ug responsibilidad sa lokal nga legislative body.
Kabahin sa hisgutanan sa maong sessyon mao ang, paghisgot sa mga unfinished business, pagbasa ug pag-refer ngadto sa tukmang mga komite sa mga resolusyon ug ordinansa gikan sa Sangguniang Panlalawigan alang sa posibleng local adoption, ingon man ang first reading ug referral sa nagkalain-laing proposed ordinances ug resolutions ngadto sa tukmang mga komite alang sa tukmang pagtuon ug deliberasyon.
Lakip usab sa agenda ang Committee Reports, mga proposed resolutions ug ordinances sa Second Reading, ug mga proposed ordinances alang sa Third and Final Reading.
Usa sa mga mahinungdanong butang nga gilakip sa agenda mao ang Draft Resolution No. 592-2026, nga may kalabotan sa Sangguniang Panlalawigan Resolution ug Committee Report bahin sa proposed ordinance nga nagtukod og Single-Pole Policy sa Munisipyo sa Bantayan.
Ang maong polisiya nagtumong sa paghatag og mga pamaagi alang sa mas epektibong paghan-ay ug pagtul-id sa mga low-lying, dili hapsay tan-awon, ug substandard nga aerial utility lines, lakip ang pagtangtang sa dead wires ug pagpugong sa mga insidente nga may kalabotan sa nagkagubot o gumok nga aerial lines. Gilakip usab niini ang mga silot alang sa mga paglapas sa maong polisiya.
Alang sa dugang nga pagrepaso, ilabina bahin sa mga penalty nga gitakda, ang maong butang gi-refer ngadto sa Committee on Ways and Means ug Committee on Laws and Review on Ordinances.
Gipahibalo usab atol sa sesyon ang ubang mga resolusyon ug issuances gikan sa nagkalain-laing ahensya sa gobyerno. Lakip niini ang Sangguniang Panlalawigan Resolution No. 2658-2026, nga nag-awhag sa pagpatuman sa province-wide integrated solid waste management, drainage improvement, ug flood prevention program aron makatabang sa pagpakunhod ug pagpugong sa pagbaha bisan panahon sa kasarangang uwan o mubo nga panahon sa pag-uwan.
Gipahibalo usab ang Sangguniang Panlalawigan Resolution No. 2663-2026, nga nagtumong sa pagpalig-on sa mga lakang alang sa kaluwasan, proteksyon, ug seguridad sa mga kapuyahan sa tanang public ug private schools sa Probinsya sa Sugbo, aron masiguro ang luwas, inklusibo, ug child-friendly nga learning environment.
Dugang pa, gilakip sa mga announcement ang Sangguniang Panlalawigan Resolution No. 2687-2026, nga naghatag og pagkilala ug pagdayeg sa mga top-performing municipal ug city councilors sa Probinsya sa Cebu, ilabina ang mga outstanding local legislators gikan sa First District of Cebu, tungod sa ilang maayong performance sa mga importanteng aspeto sa local governance ug participation.
Ang regular nga sesyon naglakip usab sa mga circulars, memorandum circulars ug uban pang issuances gikan sa mga government agencies, mga imbitasyon alang sa trainings, conventions ug susamang mga kalihokan, ingon man uban pang mga butang nga gikinahanglan sa paghisgot sa Sangguniang Bayan.
Pinaagi sa padayon nga pagpahigayon sa regular nga mga sesyon ug paghisgot sa mga importanteng lehislatibong mga butang, gipakita sa Sangguniang Bayan sa Bantayan ang padayon nga pagpaninguha sa pagpalig-on sa responsableng lokal nga lehislasyon, maayong pagdumala, ug paghimo og mga polisiya ug lakang nga motubag sa mga panginahanglan ug kaayohan sa katawhan sa Bantayan.
