https://www.facebook.com/103781819111482/

Bahay Pag-asa ng Batangan

Home
Philippines
Batangas City
Bahay Pag-asa ng Batangan

Isa rin itong plataporma para marinig ang iyong mga boses, reaksyon, at opinyon. Mga posts o comments na ipinagbabawal sa page na ito.

A Level 2 DSWD-accredited residential care facility that operates 24/7 to provide comprehensive rehabilitation program and services for male Children in Conflict with the Law (CICL) of Batangas Province

Main FB Page: Batangas PSWDO Kami, sa BP Batangas ay naglalayong ipaalam sa publiko ang mga adbokasiya ng Juvenile Justice, mga patakaran, at mga balita at impormasyon na may kaugnayan sa pagpapat

upad ng Juvenile Justice and Welfare Act. Gayunpaman, nagtakda kami ng ilang kondisyon para magkaroon tayo ng maayos at produktibong talakayan. Pakitandaan na aalisin namin ang mga posts at/o komento ng mga users na hindi susunod sa patakaran. Nakakasakit o Mapanira na mga posts/comments - Nakakainsulto, mapanirang-puri, mapang-abuso, o mapanirang komento laban sa sino mang indibidwal o grupo. Ang mga mapanirang komento tungkol sa mga bagay tulad ng relihiyon, kasarian o pagkakakilanlan ay hindi papahintulutan

Pornograpiko o Malalaswang mga nilalaman

Paglalantad ng mga confidential na impormasyon o pagkikilanlan ng aming mga CICL (Children in Conflict with the Law)

Mga hindi naangkop na mga impormasyon, pagbebenta ng mga produkto o pagsusulong ng mga bagay o adhikain na walang kinalaman sa aming tanggapan

Maraming Salamat. BP Batangas Social Media Team

13/10/2025

𝗣𝗔𝗚𝗟𝗜𝗡𝗔𝗡𝗚 𝗡𝗚 𝗕𝗔𝗚𝗢𝗡𝗚 𝗞𝗔𝗔𝗟𝗔𝗠𝗔𝗡 𝗔𝗧 𝗞𝗔𝗦𝗔𝗡𝗔𝗬𝗔𝗡 𝗧𝗨𝗡𝗚𝗢 𝗦𝗔 𝗠𝗔𝗞𝗔𝗕𝗨𝗟𝗨𝗛𝗔𝗡𝗚 𝗣𝗔𝗚𝗕𝗔𝗕𝗔𝗚𝗢

Ngayong araw ng Lunes, ika-13 ng Oktubre 2025, ay pormal na sinimulan ang pagsasanay sa Electrical Installation and Maintenance NC II para sa mga kabataang nasa pangangalaga ng Bahay Pag-asa ng Batangan, sa pakikipagtulungan ng Technical Education and Skills Development Authority (TESDA) Regional Training Center - CALABARZON.

Ang nasabing pagsasanay ay tatagal ng dalawampu’t limang (25) araw at inaasahang matatapos sa ika-14 ng Nobyembre 2025. Bahagi rin ito ng Tulong Trabaho Scholarship Program (TTSP) kung saan ang mga kalahok ay tatanggap ng daily allowance na ₱160.00 sa bawat araw ng kanilang pagsasanay. Sa pangunguna ni Mr. Jujit C. Antenor, TESDA Specialist, matagumpay na naumpisahan ang programa.

Layunin ng proyektong ito na mabigyan ng pagkakataong malinang ang kasanayan ng mga Children in Conflict with the Law (CICL), upang sa kanilang pagbabalik sa pamilya at komunidad ay magkaroon sila ng mas malaking oportunidad na makahanap ng disenteng hanapbuhay at makapagsimula muli sa panibagong yugto ng kanilang buhay.

Taos-pusong nagpapasalamat ang Multi-Disciplinary Team ng Bahay Pag-asa ng Batangan sa walang sawang suporta ng ating butihing Gov. Vilma Santos-Recto, gayundin kay Ms. Ethel D. Luistro, RSW - PSWDO Department Head, Mr. Archie A. Grande, CESO III - TESDA Regional Director, Mr. Gary G. Puaso, Administrator TESDA RTC - CALABARZON, at kay Ms. Dorie U. Gutierrez, TESDA Provincial Director, para sa kanilang patuloy na pagtitiwala at suporta sa adhikaing mapaunlad ang kinabukasan ng mga kabataang Batangueño.

11/10/2025

Ngayong ika-10 ng Oktubre, isinagawa ng Bahay Pag-asa ng Batangan ang selebrasyon ng Family Day na may temang "Polisiyang Makapamilya Tungo sa Higit na Matatag, Maginhawa at Panatag na Pamilyang Pilipino."

Pinasimulan ang programa sa pamamagitan ng isang banal na misa na pinangunahan ni Fr. Nonie Dolor.
Kasunod nito, nagkaroon ng mga makabuluhang talakayan. Ibinahagi ni G. Gilbert Ramirez, miyembro ng Missionary Families for Christ, ang paksang "God's Vision of a Family: Developing a Christian and Healing of the Family."
Samantala, tinalakay naman ni Bb. Sofia S. Arce, kapwa miyembro ng Missionary Families for Christ, ang tungkol sa Christian Parenting at Family Relationships.

Noong hapon, ipinamalas naman ng sampung residente ng Bahay Pag-asa ng Batangan ang kanilang husay sa pagkanta at pagsayaw sa programang "BP Client and Family Got Talent." Matapos ang mga pagtatanghal, inawit naman ng mga residente ang kanilang orihinal na kanta na pinamagatang "Dilaw na Bubong."

Ipinapaabot ng Multi-Disciplinary Team ang kanilang taos-pusong pasasalamat kay minamahal na Gov. Vilma Santos-Recto at Ms. Ethel D. Luistro, RSW PGDH-PSWDO, sa kanilang palaging pagsuporta sa mga programa para sa mga CICL (Children in Conflict with the Law).

08/10/2025

𝗧𝗔𝗧𝗔𝗞 𝗡𝗚 𝗣𝗔𝗚-𝗔𝗦𝗔: 𝗞𝗮𝘀𝗮𝗻𝗮𝘆𝗮𝗻 𝗮𝘁 𝗣𝗮𝗴𝗯𝗮𝗻𝗴𝗼𝗻!

Matagumpay na isinagawa noong Oktubre 4–5, 2025 sa Bahay Pag-asa ng Batangan ang Heat Press Entrepreneurship Training sa pangunguna ni Ms. Princess C. Abdon, katuwang ang Alay Lakad Foundation, Inc. (ALFI) na nagkaloob ng Heat Press Machine Kit para sa mga kabataan.

Layon ng programa na bigyan sila ng bagong kasanayan at oportunidad bilang paghahanda sa kanilang bagong simula at pagbabagong-buhay.

Taos-pusong pasasalamat sa Alay Lakad Foundation, Inc., kay Gov. Vilma Santos Recto, at kay PGDH Ethel D. Luistro sa patuloy na pagtitiwala at pagdamay sa mga kabataang bumabangon.

07/10/2025

𝗣𝗮𝗴-𝘂𝗻𝗮𝘄𝗮 𝗮𝘁 𝗣𝗮𝗴𝘁𝘂𝘁𝘂𝘄𝗶𝗱: 𝘗𝘴𝘺𝘤𝘩𝘰𝘦𝘥𝘶𝘤𝘢𝘵𝘪𝘰𝘯𝘢𝘭 𝘛𝘳𝘢𝘪𝘯𝘪𝘯𝘨 𝘰𝘯 𝘵𝘩𝘦 𝘔𝘢𝘯𝘢𝘨𝘦𝘮𝘦𝘯𝘵 𝘰𝘧 𝘊𝘭𝘪𝘦𝘯𝘵𝘴 𝘸𝘪𝘵𝘩 𝘚𝘦𝘹𝘶𝘢𝘭 𝘖𝘧𝘧𝘦𝘯𝘴𝘦𝘴

Matagumpay na naisagawa noong Oktubre 1–2, 2025 sa Bahay Pag-asa ng Batangan ang Psychoeducational Training na layuning palawakin ang kaalaman at pag-unawa sa pamamahala ng mga sensitibong usapin kaugnay ng sexual offenses.

Pinangunahan nina Romar Jerome D. Claveria, Dr. Shara May T. Espinol, at pamumuno ni PGDH Ethel D. Luistro kasama ang Multi-Disciplinary Team ng Bahay Pag-asa, katuwang ang mga social worker mula sa iba’t ibang bayan ng Batangas.

Isang makabuluhang hakbang tungo sa pagbabago, pag-unawa, at pag-asa para sa mga kabataang patuloy na binibigyan ng pagkakataong magbagong-buhay.

24/09/2025

𝐏𝐚𝐠-𝐚𝐬𝐚 𝐚𝐭 𝐈𝐧𝐬𝐩𝐢𝐫𝐚𝐬𝐲𝐨𝐧, 𝐇𝐚𝐭𝐢𝐝 𝐬𝐚 𝐁𝐚𝐡𝐚𝐲 𝐏𝐚𝐠-𝐚𝐬𝐚 𝐧𝐠 𝐁𝐚𝐭𝐚𝐧𝐠𝐚𝐧

Isang makabuluhang araw ang Setyembre 24, 2025, nang bisitahin ng mga boluntaryo mula sa Sta. Rita de Cascia Parish ang Bahay Pag-asa ng Batangan. Buong puso nilang ibinahagi ang inspirasyonal na mensahe, mabubuting paalala, at ang Salita ng Diyos, na nagsilbing gabay at lakas para sa ating mga kabataan.

Bilang pasasalamat sa mainit na pagtanggap at aktibong pakikiisa, sinundan ito ng isang munting salu-salo na nagpatibay sa ugnayan ng bawat isa.

Lubos ang pasasalamat ng Multi-Disciplinary Team ng Bahay Pag-asa sa lahat ng boluntaryo.

22/09/2025

IBP Batangas Chapter, Nagsagawa ng Outreach Program para sa mga Kabataan ng Bahay Pag-asa ng Batangan

Matagumpay na isinagawa ng Integrated Bar of the Philippines (IBP) Batangas Chapter ang isang makabuluhang Outreach Program para sa mga kabataan ng Bahay Pag-asa ng Batangan noong Sabado, Setyembre 20, 2025. Layon ng naturang programa na maghatid ng suporta at pag-asa sa mga Children in Conflict with the Law (CICL), partikular na sa aspetong legal at pagpapalakas ng kanilang moral at emosyonal na pundasyon.

Kabilang sa mga pangunahing aktibidad ang:

Free Legal Aid para sa pagbibigay ng tamang legal na gabay at serbisyo;

Values Formation Sessions upang maisulong ang mga positibong pananaw at pagpapahalaga;

Pamamahagi ng Care Packages bilang tugon sa kanilang pangunahing pangangailangan; at

Feeding Program bilang pagpapakita ng malasakit at pagtulong sa kanilang pang-araw-araw na kalusugan.

Pinangunahan ang aktibidad nina Atty. Rene M. Atienza, Pangulo ng IBP-Batangas, at Atty. Ben John A. Maralit, Pangalawang Pangulo, kasama ang iba pang kasapi ng kapatiran na nag-alay ng kanilang oras at serbisyo sa kabila ng kanilang abalang iskedyul.

Nagpahayag naman ng taos-pusong pasasalamat ang Multi-Disciplinary Team ng Bahay Pag-asa ng Batangan sa IBP-Batangas Chapter, at higit sa lahat, sa patuloy na suporta ng Ina ng Lalawigan ng Batangas, Governor Vilma Santos-Recto, na walang sawang nagtataguyod ng mga programang nagbibigay ng pangalawang pagkakataon sa ating mga kabataan.

Ang nasabing gawain ay bahagi ng patuloy na adbokasiya ng IBP-Batangas na maghatid ng serbisyong legal, kalinga, at inspirasyon—isang paalala na ang bawat kabataan ay may karapatang magsimula muli tungo sa mas maayos na kinabukasan.

20/09/2025

Isang araw ng pag-asa at pagbabalik loob.

Ika-19 ng Setyembre 2025, ang mga kinatawan ng Shepherd Sheep Baptist Church ay nagbigay ng makabuluhang spiritual formation para sa mga kabataang nasa Bahay Pag-asa ng Batangan. Kanilang ibinahagi ang salita ng Diyos sa pamamagitan ng pananampalataya upang patuloy na mapagtibay ang liwanag ng pag-asa sa puso ng bawat kabataan.

Lubos ang pasasalamat ng Multi-Disciplinary Team ng Bahay Pag-asa sa Shepherd Sheep Baptist Church at sa patuloy na pagsuporta ng INA ng lalawigan Governor Vilma Santos-Recto para sa mga Children in Conflict with the Law.

20/09/2025

𝙋𝙖𝙜-𝙞𝙗𝙞𝙜 𝙖𝙩 𝙋𝙖𝙜𝙡𝙞𝙡𝙞𝙣𝙜𝙠𝙤𝙙, 𝙆𝙖𝙖𝙠𝙞𝙗𝙖𝙩 𝙣𝙜 𝙋𝙖𝙜-𝙖𝙨𝙖

Setyembre 19, 2025 ay isinagawa ng mga mag-aaral ng St. Maria Goretti ng Canossa Academy of Lipa ang isang outreach program para sa mga kabataan ng Bahay Pag-asa ng Batangan. Sa pamamagitan ng mga sayaw, kanta, palaro, at kaunting salo-salo ay naipadama nila ang tunay na malasakit at pag-asa. Ito ay isang patunay na kahit sa gitna ng madilim na nakaraan ay may mga kabataang handang maghatid ng liwanag at bagong simula.

Lubos ang pasasalamat ng Multi-Disciplinary Team ng Bahay Pag-asa sa Canossa Academy of Lipa at sa patuloy na pagsuporta ng INA ng lalawigan Governor Vilma Santos-Recto para sa mga Children in Conflict with the Law.

15/09/2025

𝙋𝙖𝙜-𝙖𝙨𝙖 𝙖𝙩 𝙋𝙖𝙜𝙗𝙖𝙗𝙖𝙜𝙤

Noong Setyembre 13, 2025, isinagawa ang isang makabuluhang Spiritual Formation para sa mga kabataang nasa Bahay Pag-asa ng Batangan na bahagi ng ating rehabilitasyon at pagkalinga sa mga Children in Conflict with the Law (CICL).

Sa pangunguna ng Good Shepherd Baptist Church, ibinahagi ang Salita ng Diyos na nagpaalala sa mga kabataan ng walang hanggang pag-ibig, kapatawaran, at pag-asa kay Kristo.

Lubos ang aming pasasalamat sa aming mga partners, spiritual leaders, at higit sa lahat sa patuloy na suporta ng INA ng lalawigan 𝙂𝙤𝙫𝙚𝙧𝙣𝙤𝙧 𝙑𝙞𝙡𝙢𝙖 𝙎𝙖𝙣𝙩𝙤𝙨-𝙍𝙚𝙘𝙩𝙤 at ng buong namumuno ng Pamahalaang Panlalawigan ng Batangas.

Walang batang hindi kayang ituwid ng gabay, pag-ibig, at pananalig.

12/09/2025

Setyembre 11, 2025

Matagumpay na naisagawa ang Training on Candle Making sa Bahay Pag-asa ng Batangan, bilang bahagi ng patuloy na adbokasiya ng pamahalaang panlalawigan para sa kaunlaran at rehabilitasyon ng kabataan.
Katuwang sina Gng. Etheldrida D. Luistro, RSW, Punong Tagapamahala ng Provincial Social Welfare and Development Office (PSWDO), at Bb. Ailyn L. Araño, RSW, Punong Tagapangasiwa ng Bahay Pag-asa, naisakatuparan ang makabuluhang pagsasanay na ito na may layuning maibahagi sa mga kabataan ang pagpapaunlad ng kanilang sa livelihood skills.

Buong sigasig at aktibong pakikilahok ang ipinamalas ng mga residente ng Bahay Pag-asa sa isinagawang gawain, kung saan malinaw na naipakita ang kanilang interes at kasipagan sa pagkatuto. Sa pagtatapos ng programa, taos-puso nilang ipinahayag ang pasasalamat kay Gng. Maritess M. De Chavez, Social Welfare Aide ng PSWDO, para sa mahahalagang kaalamang kanyang ibinahagi.

Nagpapasalamat din ang Bahay Pag-asa Multi-Disciplinary Team sa ating lalawigan, sa pangunguna ng ating mahal na Gobernadora Vilma Santos Recto sa patuloy na pagkalinga sa ating mga Children in Conflict with the Law (CICL).

28/08/2025

Ngayong araw, ika-28 ng 𝘼𝙜𝙤𝙨𝙩𝙤 taong 2025, masayang nagsagawa ng 𝙊𝙪𝙩𝙧𝙚𝙖𝙘𝙝 𝙋𝙧𝙤𝙜𝙧𝙖𝙢 ang 𝘽𝙖𝙪𝙖𝙣 – 𝙎𝙖𝙣 𝙋𝙖𝙨𝙘𝙪𝙖𝙡 𝙀𝙖𝙜𝙡𝙚𝙨 𝘾𝙡𝙪𝙗 sa pangunguna ni 𝘼𝙣𝙜𝙚𝙡𝙤 𝘽𝙖𝙡𝙢𝙚𝙨 – 𝘿𝙞𝙨𝙩𝙧𝙞𝙘𝙩 𝙂𝙤𝙫𝙚𝙧𝙣𝙤𝙧 𝙣𝙜 𝘽𝙖𝙩𝙖𝙣𝙜𝙖𝙨 𝙀𝙖𝙜𝙡𝙚𝙨 𝘿𝙞𝙨𝙩𝙧𝙞𝙘𝙩, para sa mga residente ng Bahay Pag-asa ng Batangan. Layunin nilang makapagbigay ng kasiyahan sa pamamagitan ng simpleng laro at munting salo-salo. Buong puso namang nakilahok ang mga residente at nagpa abot ng pasasalamat.

Sa pamumuno ng mahal na 𝐆𝐨𝐛𝐞𝐫𝐧𝐚𝐝𝐨𝐫𝙖 𝙑𝙞𝙡𝙢𝙖 𝙎𝙖𝙣𝙩𝙤𝙨 𝙍𝙚𝙘𝙩𝙤, Punong Tagapamahala ng PSWDO, 𝐆𝐧𝐠. 𝐄𝐭𝐡𝐞𝐥𝐝𝐫𝐢𝐝𝐚 𝐃. 𝐋𝐮𝐢𝐬𝐭𝐫𝐨, 𝐑𝐒𝐖, at Punong Tagapangasiwa ng Bahay Pag-asa, 𝐁𝐛. 𝐀𝐢𝐥𝐲𝐧 𝐋. 𝐀𝐫𝐚ñ𝐨, 𝐑𝐒𝐖, kasama ang buong Bahay Pag-asa Multi-Disciplinary Team, lubos ang aming pasasalamat sa 𝘽𝙖𝙪𝙖𝙣 – 𝙎𝙖𝙣 𝙋𝙖𝙨𝙘𝙪𝙖𝙡 𝙀𝙖𝙜𝙡𝙚𝙨 𝘾𝙡𝙪𝙗 sa kanilang patuloy na pagbibigay tulong, kasiyahan, at inspirasyon sa mga residente ng Bahay Pag-asa.

Address

Provincial Sports Complex, Bolbok
Batangas City
4200

Website

facebook.com

Alerts

Be the first to know and let us send you an email when Bahay Pag-asa ng Batangan posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Batangas City?

Bahay Pag-asa ng Batangan

13/10/2025

11/10/2025

08/10/2025

07/10/2025

24/09/2025

22/09/2025

20/09/2025

20/09/2025

15/09/2025

12/09/2025

28/08/2025

Address

Website

Alerts

Shortcuts

Share

Category