21/08/2026
ULAT NG KALIHIM NG BARANGAY
ABS Batangas Provincial Congress 2026, Tampok ang Pagpapalakas sa Tungkulin at Pamumuno ng mga Barangay Secretary, Matagumpay na naisakatuparan
SEQUOIA HOTEL MANILA BAY, PARAÑAQUE CITY|AGOSTO 20-22,202- Tampok ang pagkakaisa, propesyonalismo, integridad, at kahusayan sa paglilingkod ng mga Barangay Secretary sa isinagawang Association of Barangay Secretaries (ABS) Batangas Provincial Congress 2026, na may temang:
"Honoring the Power of Barangay Secretaries: Excellence in Service with Purpose as the Backbone of Efficient Local Governance.”*
Pinangunahan ng Association of Barangay Secretaries – Province of Batangas ang pagtitipon sa ilalim ng pamumuno ni Prof. Alona Panaligan , Provincial President ng ABS, na naglalayong higit pang palakasin ang kakayahan, kaalaman, at propesyonal na pananagutan ng mga Barangay Secretary bilang mahalagang katuwang sa mahusay na pamamahala sa mga barangay.
Nakasentro naman ang mga talakayan sa apat na mahahalagang haligi ng mahusay na serbisyo ng mga Barangay Secretary.
Tinalakay sa Session 1: Pillar 1 – Integrity ang kahalagahan ng integridad bilang pundasyon ng tiwala, partikular sa tapat at etikal na pangangasiwa ng mga barangay records at transaksyon. Pinangunahan ito ni LGOO VI Julieta Mylene V. Follero, RGC, CLGOO ng DILG Batangas City Field Office.
Sinundan ito ng Session 2: Pillar 2 – Service Commitment, na nakatuon sa kahusayan sa pagbibigay ng serbisyo at pagiging responsable sa pangangailangan ng komunidad. Naging tagapagsalita rito si LGOO VI Franz Allen C. Adel, LPT, MPA, MLGOO ng DILG Taal Field Office.
Sa Session 3: Pillar 3 – Adaptability, binigyang-diin ang kahalagahan ng pagtanggap sa pagbabago, teknolohiya, at inobasyon upang makaangkop sa patuloy na nagbabagong pangangailangan ng local governance. Pinangunahan ang talakayan ni Mr. Robinson G. Maac, CESE, Provincial Director ng DILG Batangas.
Tinalakay naman sa Pillar 4 – Professional Competence ang mga tungkulin at responsibilidad ng Barangay Secretaries sa bagong panahon. Naging tagapagsalita si Atty. Romeo Benitez, USEC for External, Legal and Legislative Affairs ng Department of the Interior and Local Government (DILG).
Bahagi rin ng programa ang Service Recognition Awarding, na kumilala sa mga indibidwal na patuloy na naglilingkod at nagbibigay ng mahalagang ambag sa kanilang mga barangay at sa lokal na pamahalaan kung saan tumanggap ang bawat isa ng medalya at katibayan ng pagkillala samantalang tumanggap naman ng plake ang mga kalihim na nagsilbi ng 10 taon o higit pa ang mga matatagal na sa serbisyo publiko bilang kalihim ng barangay.
Sa pagtatapos ng programa, nagbigay ng closing remarks si*l Prof. Alona B. Panaligan, Provincial President ng Association of Barangay Secretaries – Province of Batangas.
Higit pa sa isang pagtitipon, nagsilbi ang ABS Batangas Provincial Congress 2026 bilang isang mahalagang pagkakataon upang kilalanin ang malaking ambag ng mga Barangay Secretary sa local governance—bilang tagapangalaga ng mahahalagang rekord, katuwang sa administrasyon, at mahalagang bahagi ng paghahatid ng serbisyo sa mamamayan.
Mabuhay ang kalihim ng Barangay
