24/02/2026
Mapagpalang araw po sa lahat! ๐
Nais po naming ipabatid na noong nakaraang Pebrero 13, 2026 ay dumating / nai-deliver na po sa ating barangay ang bagong truck ng ating basura. Hindi po lingid sa kaalaman ng marami sa atin na ito po ay isa sa numero unong suliranin ng ating barangay (ang madalas po na pagkasira ng ating kasalukuyang truck na nagiging dahilan ng mga pagkakataon ng antala sa serbisyong pangkalinisan).
Sa loob po nong nakalipas na dalawang taon, mayroon pong mga nagtatanong kung ano ang proyekto ng pamunuang pam-barangay. Unang taon palang po ng pamunuan ay binigyang prayoridad agad ang usapin at serbisyong pangkalinisan. Dumulog tayo para magpaalam sa COA at LGU, para po sana makabili agad tayo ng truck second hand o brandnew na hndi po gaanong kilala na brand, ngunit hindi po tayo pinayagan at pinayuhan tayo na maghintay pa ng kaunting panahon para maging sapat ang ating pondong pambarangay ng sa ganon ay makabili ng mas maayos at matibay na brand ng truck.
Q4 po ng nakaraang taong 2025, dahil po sa tyaga, pagiging masinop at maayos na pamamahala po ng pondong pambarangay ng pamunuan sa pangunguna ni Pang. Rey, nasimulan pong iproceso ang pagbid, pag inspect at pagbili ng ating truck personal po itong kinanvass at ininspect nila Pangulo at mga konsehales.
Nito nga pong Pebrero 13 ay dumating na ang bagong truck at Pebrero 14 po ay pina-basbasan rin agad natin ito sa ating parokya sa pangunguna ni Fr. J**s.
Ang proyektong pam-barangay po na ito ay sumisimbilo sa maayos, masinop, at transparent na pamamahala ng kasalukuyang pamunuan laloโt higit sa usaping pananalapi, kaya po nagagamit at nalalaan po ang pondo sa akmang serbisyo para po sa ating mga ka-barangay at mas kapaki-pakinabang sa nakakarami.
Kasabay po ng ating pagkakaroon ng bagong truck, nais rin po naming ipagbigay alam sa lahat na buhat po noong Nobyembre 2025, sa loob rin po ng dalawang taon ay nakapag-settle/nabayaran na po ng kasalukuyang pamunuang barangay ang mga naiwang bayarin/pagkakautang sa kuryente at basura ng nakaraang pamunuan. Dahil pa rin po ito sa tyaga at maayos na paghawak ng pananalapi ng kasalukuyang pamunuan na malaking bagay po para maka-usad at maipatupad ang mga programang pam-barangay.
Maari pong sa iba ay maliit na achievement ito, ngunit para po sa amin ito po ay malayo na sa kung ano ang aming nadatnang mga suliranin noong kakaupo palang namin noong Nobyembre 2023.
Inyo pong asahan na sa patuloy na gabay ng may kapal sa ating mga ginagawang programa ay mas marami at magiging maayos ang ating mga serbisyong pam-barangay na para sa mas kapakinabangan po lagi ng nakakarami.
Marami pong Salamat! ๐
P.S (Para po sa mga sticker na nakakabit, bilang pagtalima po sa kautusan ng DILG ipapaalis po natin ang mga pangalan, nong bumaba lang po ang notice sa atin ay nakabitan na po ng stickers ang ating truck).
