Kagawaran ng Filipino - Bautista NHS

29/05/2026

29/05/2026

🏫 TARA! MAKIISA SA BRIGADA ESKWELA 2026 | BAUTISTA NATIONAL HIGH SCHOOL 🏫📣

Muli nating buhayin ang diwa ng bayanihan para sa isang ligtas, malinis, maayos, at handang paaralan para sa pagbubukas ng taong panuruan 2026–2027!

Ang buong pamunuan ng Bautista National High School ay buong pusong nag-aanyaya sa lahat ng mga magulang, mag-aaral, alumni, barangay officials, SSG officers, stakeholders, private partners, civic organizations, NGOs, religious groups, at mga mamamayan ng ating komunidad na makiisa sa BRIGADA ESKWELA 2026 mula Hunyo 1–5, 2026.

Alinsunod sa DepEd Memorandum No. 027, s. 2026 o ang 2026 Brigada Eskwela Implementing Guidelines, isinusulong ng Kagawaran ng Edukasyon ang temang “Bayanihan sa Paaralan: Nagkakaisa para sa Kaayusan at Kaalaman” bilang pagpapatibay ng sama-samang pagkilos ng komunidad upang matiyak ang kahandaan ng mga paaralan para sa panibagong taon ng pagkatuto.

✨ ANO ANG MAAARI NATING GAWIN SA BRIGADA ESKWELA?

🔹 Pagwawalis at paglilinis ng mga silid-aralan, pasilyo, at paligid ng paaralan
🔹 Pagkukumpuni ng sirang upuan, mesa, pinto, bintana, at iba pang pasilidad
🔹 Pagpipintura at pagpapaganda ng mga silid-aralan at learning spaces
🔹 Pag-aayos ng school grounds at mga gulayan sa paaralan
🔹 Pagtatanim ng mga halaman at pagpapanatili ng kalinisan ng kapaligiran
🔹 Pag-aayos ng mga reading corners at learning materials para sa pagpapalakas ng kultura ng pagbabasa
🔹 Pagbibigay ng boluntaryong serbisyo ayon sa inyong kakayahan at propesyon
🔹 Paglahok sa iba’t ibang gawain para sa paghahanda sa pagbabalik-eskwela

🎁 ANO NAMAN ANG MAAARI NATING DALHIN O I-DONATE?

✅ Pintura, paint brush, roller, at thinner
✅ Walis tambo, walis tingting, dustpan, mop, at basahan
✅ Pako, martilyo, lagari, turnilyo, at iba pang kagamitan sa pagkukumpuni
✅ Hollow blocks, semento, kahoy, plywood, at construction materials
✅ Halaman, paso, at gardening tools
✅ Bond paper, printer ink, folders, at iba pang school supplies
✅ Aklat at reading materials para sa mga mag-aaral
✅ Inuming tubig, meryenda, at pagkain para sa mga volunteers
✅ Anumang tulong-pinansyal o materyal na makatutulong sa pagpapabuti ng ating paaralan

👨‍🏫👩‍🎓 Hindi lamang ito paglilinis at pagkukumpuni. Ang Brigada Eskwela ay isang makabuluhang pagkilos para sa edukasyon, pagkakaisa, at kinabukasan ng bawat batang Bautistanian. Sa bawat oras na inyong ilalaan, sa bawat gamit na inyong ibabahagi, at sa bawat pawis na inyong ipagkakaloob, nakikibahagi kayo sa paghubog ng isang paaralang handa para sa mas de-kalidad na pagkatuto.

📅 Petsa: Hunyo 1–5, 2026
📍 Lugar: Bautista National High School, Bautista, Pangasinan

🤝 Inaanyayahan namin ang lahat na maging bahagi ng makasaysayang gawaing ito. Ang tagumpay ng ating paaralan ay hindi lamang nakasalalay sa mga g**o at kawani kundi sa buong komunidad na nagkakaisa para sa kapakanan ng ating mga mag-aaral.

🌱🏫 Malinis na Paaralan. Maayos na Kapaligiran. Matatag na Kinabukasan.

💙 Sama-sama tayong kumilos.
💛 Sama-sama tayong maglingkod.
❤️ Sama-sama nating ihanda ang paaralan para sa panibagong yugto ng pagkatuto.

✨ KAPIT-BISIG, KAAGAPAY, AT KAISA SA BAYANIHAN PARA SA EDUKASYON!

Tara na at makiisa sa Brigada Eskwela 2026!
Ang bawat kamay na tumutulong ay hakbang tungo sa mas maliwanag na kinabukasan ng ating mga mag-aaral.

24/04/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍, 𝐌𝐀'𝐀𝐌 𝐃𝐄𝐓!

Minsan, kakabahan ka na lang talaga sa kanyang presensya. Sa maigkas na kumpas ng kanyang mga kamay, matinis at matatag na tinig at kasabay pa ng mga matang may talim sa pagtitig aakalain mong "hindi s'ya natutuwa". Ganoon si Ma’am Det, dating ulongg**o sa Kagawaran ng Filipino. Sabi nga ng marami, kapag siya na ang nagsalita tungkol sa deadline, wala nang usapan. Tapos na ang lahat ng “puwede bang bukas na lang” at “Ma’am kaunting extension po.”

Dahil sa kanya, marami sa amin ang natutong maging maagap hindi dahil sa takot, kundi dahil alam naming seryoso siya sa mga bagay na mahalaga. Matatag ang kanyang paninindigan, malinaw ang kanyang pananaw, at hindi mo siya basta-basta matitinag.

Ngunit habang tumatagal, unti-unting nabubura ang unang impresyon. Sa likod ng seryosong tinig at mariing mga paalala, naroon pala ang isang pusong marunong makiramdam. Mapapansin mo na lang, sa gitna ng abalang araw, may mga simpleng tanong siya kung "ayos ka lang", "kung kaya mo pa", kung "may kailangan ka". Hindi man lantad o pabiro, pero sapat para maramdaman mong hindi ka nag-iisa. Doon mo maiintindihan na ang kanyang pagiging mahigpit ay hindi para manakot, kundi para ihanda ka.

Kaya ngayong kaarawan ni Ma’am Det, hindi lang isang lider ang binabati, kundi isang inang tahimik na nagkandili sa marami. Isang taong piniling maging matatag sa labas upang maging sandigan ng iba, at piniling magmahal sa paraang hindi laging maingay, pero laging totoo. Sa bawat aral na iniwan niya, dala-dala namin hindi lang disiplina, kundi ang pakiramdam na minsan, may isang taong naniwala sa kaya naming maging higit pa. Maligayang kaarawan po, Ma’am Det.💕

16/02/2026

MULING NAMAYAGPAG SA PAMAMAHAYAG!