Rural Health Unit II-Bayambang

20/05/2026

04/05/2026

07/04/2026

IMBIS NA MAGALIT, PROUD PA SIYA!
Isang ama ang labis na nagulat matapos niyang makita na halos mapuno ng drawing at makukulay na guhit ang kanyang sasakyan—na tila ba ginawa itong malaking whiteboard ng sarili niyang anak. Ngunit sa halip na mainis o pagalitan ang bata, kabaligtaran ang naging reaksyon niya na agad namang umagaw ng atensyon ng maraming netizens.

Sa halip na galit ang pairalin, pinili ng ama na tingnan ang pangyayari bilang isang nakakatuwa at hindi malilimutang alaala. Para sa kanya, hindi lamang basta kalat o drawing ang naiwan sa sasakyan, kundi isang simpleng ekspresyon ng pagiging malikhain at inosenteng saya ng kanyang anak.

Mas lalo pang kinaaliwan ng marami ang pangyayari nang ibahagi mismo ng ama sa social media ang mga larawan ng kanyang sasakyan na puno ng mga guhit. Sa halip na ikahiya, buong pagmamalaki pa niya itong ipinakita online—isang bagay na ikinatuwa at ikinabilib ng maraming netizens.

Umani tuloy ng samu’t saring reaksyon ang kanyang post, kung saan marami ang nagsabing kapuri-puri ang kanyang pagiging maunawain at mapagmahal na ama. Para sa iba, ang ganitong reaksyon ay patunay na mas pinili niyang pahalagahan ang saya at alaala ng pagkabata kaysa magalit sa isang bagay na maaari namang mapalipas, ngunit ang alaala ay mananatili habambuhay.

Sa isang simpleng pangyayari, marami ang napaalala na may mga sandaling mas mahalaga ang pagmamahal, pag unawa, at pagyakap sa masasayang alaala kaysa sa materyal na bagay. At para sa maraming netizens, hindi lang basta sasakyan ang nakita nila sa kwentong ito—kundi isang ama na marunong tumingin sa mas mahalagang bagay: ang kaligayahan ng kanyang anak.

25/02/2026

RHU II, Inilunsad ang PASYA, Isang Info Drive kontra Teenage Pregnancy at Su***de
Nagsimulang magsagawa ng information-education campaign ang Rural Health Unit II patungkol sa Teenage Pregnancy at Mental Health noong February 24 at ngayong araw, February 25, 2026 sa A.P. Guevarra Integrated School at Ambayat Integrated School.
Ang tema ng nasabing lecture ngayong taon ay P.A.S.Y.A., “Proteksyon ng Aming Sarili, Yaman ng Aming Kinabukasan.”
2/24/2026
A.P. Guevarra Integrated School
Grade 7-12
Participants:400
2/25/2026
Ambayat Integrated School
Grade 7-12
Participants:230
As of January 2026, mayroon nang 27 cases ng teenage pregnancy at 5 cases ng su***de, layunin ng lecture na ito na tulungang pigilan ang pagtaas ng kaso ng mga kabataang maagang nabubuntis at nakakabuntis.
Isa pang layunin ay ang maiwasan ang anumang kaso ng su***de sa ating bayan. (Ron Cristobal/RSO; RHU II)

23/02/2026

Makiisa tayo sa pagtataguyod ng tunay na inklusyon para sa ating mga kabataan. Ang maagang pagtuklas at tamang suporta ay susi sa kanilang matagumpay na kinabukasan! 🌟
​Ano ang dapat bantayan?
May mga bata na nakakaranas ng pagkaantala sa:
- ​Pag-iisip at Pagkatuto 📚
- ​Pagsasalita at Komunikasyon 🗣️
- ​Pakikisalamuha at Pagkilos 🏃‍♂️
Huwag palampasin ang pagkakataon para sa inyong anak! I-scan ang mga QR Codes sa larawan para sa mga benepisyo at serbisyo, o bumisita sa pinakamalapit na Health Center sa inyong lugar.

01/12/2025

HIV-AIDS Awareness Video Editing Contest Winners, Inanunsyo

Bilang bahagi ng pagdiriwang ng World AIDS Day, pinarangalan ng Rural Health Unit (RHU) ang mga nagwagi sa isinagawang video editing contest na nilahukan ng iba’t ibang paaralan, batay sa tema ng taon na “Overcoming Disruption, Transforming AIDS Response.”

Samantala, itinanghal na grand winner ang Banyuhay staff ng PSU-Bayamang Laboratory High School, na nakakuha ng pinakamataas na iskor na 92.8% at tumanggap ng ₱7,000 cash prize.

Nakamit naman ng Hermoza National High School ang 2nd place na may 91.6%, at nag-uwi ng ₱5,000 cash prize.

Itinanghal na 3rd placer ang Sanlibo National High School, na nagtala ng 88.6% at tumanggap ng ₱3,000 cash prize. Sila rin ang nag-uwi ng Most Heart React Award at karagdagang ₱3,000 cash prize.

Kabilang sa lupon ng inampalan sina Ivan Caisip, Joanne Villanueva, Resty Odon, Mariz Cabuag, at Meryl Cristine dela Vega.

Patuloy na hinihikayat ng RHU ang kabataan na maging kabalikat sa pagpapalaganap ng tamang kaalaman at kamalayan tungkol sa HIV/AIDS bilang suporta sa adbokasiyang pangkalusugan ng komunidad. (KB/RSO; AG)

25/11/2025