LTO Bayambang District Office D'Best

02/09/2026

MAHIGPIT NA IPINAGBABAWAL ANG PAGMAMANEHO NG MENOR DE EDAD

Ang mga magulang o guardian na nagpapahintulot, nagpapahiram, o nagbibigay ng sasakyan sa menor de edad upang magmaneho ay maaaring managot sa ilalim ng batas.

Alinsunod sa Republic Act No. 4136 at Presidential Decree No. 603, maaaring magkaroon ng kaukulang parusa ang sinumang magulang o guardian na mapapatunayang nagpahintulot sa isang menor de edad na magmaneho.

KALIGTASAN ANG UNAHIN!

02/09/2026

𝐊𝐀𝐋𝐈𝐆𝐓𝐀𝐒𝐀𝐍 𝐌𝐔𝐍𝐀: 𝐏𝐀𝐀𝐋𝐀𝐋𝐀 𝐒𝐀 𝐌𝐆𝐀 𝐌𝐀𝐆-𝐀𝐀𝐑𝐀𝐋

𝗛𝘂𝘄𝗲𝗯𝗲𝘀, 𝗦𝗲𝘁𝘆𝗲𝗺𝗯𝗿𝗲 𝟯, 𝟮𝟬𝟮𝟲

Alinsunod sa 𝗗𝗲𝗽𝗘𝗱 𝗢𝗿𝗱𝗲𝗿 𝗡𝗼. 𝟭𝟰, 𝘀. 𝟮𝟬𝟮𝟲 at 𝗗𝗲𝗽𝗘𝗱 𝗢𝗿𝗱𝗲𝗿 𝗡𝗼. 𝟬𝟮𝟮, 𝘀. 𝟮𝟬𝟮𝟰, ang mga School Head ay may kaukulang awtoridad na magsuspinde ng face-to-face classes, magpatupad ng Alternative Delivery Modes (ADM), o mag-adjust ng mga aktibidad sa paaralan batay sa aktuwal na kondisyon ng kanilang paaralan at komunidad.

Kaugnay nito, pinapaalalahanan ang mga magulang at guardian na makipag-ugnayan sa kanilang School Head o mga g**o upang makumpirma ang opisyal na abiso tungkol sa pagkakaroon o pagsususpinde ng klase sa kanilang paaralan.

𝐏𝐀𝐑𝐄𝐍𝐓𝐀𝐋 𝐃𝐈𝐒𝐂𝐑𝐄𝐓𝐈𝐎𝐍

Ang kaligtasan ng mga mag-aaral ay dapat laging unahin. Kung dahil sa pagbaha, malakas na pag-ulan, masamang panahon, o hindi ligtas na kondisyon sa paglalakbay ay itinuturing ng magulang o guardian na hindi ligtas ang pagpasok ng kanilang anak, maaari nilang ipasiya na manatili ito sa bahay.

Ang mga mag-aaral na hindi makakapasok dahil sa mga kadahilanang may kaugnayan sa kaligtasan ay dapat bigyan ng kaukulang konsiderasyon alinsunod sa umiiral na mga patakaran ng DepEd.

📌 PAUNAWA: Ang pagpapasya ukol sa pagsususpinde ng klase sa antas ng paaralan ay nakasalalay sa School Head, batay sa aktuwal na kondisyon ng kanilang paaralan at sa umiiral na mga alituntunin ng DepEd.

Para sa tamang impormasyon, mangyaring makipag-ugnayan sa inyong School Head, mga g**o, o kinauukulang paaralan upang makumpirma kung may pagsususpinde ng face-to-face classes.

Bayan ng Bautista
Kaligtasan muna bago ang lahat.

02/09/2026

PUBLIC ADVISORY
Para sa Setyembre 3, 2026 (Huwebes)

Sa pagpapatuloy ng ating mga serbisyo sa kabila ng epekto ng masamang panahon, narito ang mga dapat tandaan:

PAMAHALAAN
Bukas ang lahat ng tanggapan ng pamahalaan at patuloy na magbibigay ng serbisyo publiko. Gayunman, bibigyan ng konsiderasyon ang mga empleyadong hindi pa makapasok dahil sa baha sa kanilang tahanan o sa mga daang kanilang daraanan.

PAARALAN
Ipatutupad ang school-based suspension. Magpapatuloy ang face-to-face classes sa mga paaralang hindi apektado ng baha. Hinihikayat ang mga paaralan na isaalang-alang ang kalagayan ng mga g**o at mag-aaral na mahihirapang pumasok.

Ang mga magulang ang may huling pagpapasya kung ligtas nang pumasok ang kanilang mga anak.

Kaligtasan ang una. Mag-ingat, mga kabaleyan! 🤍

02/09/2026

PAKIUSAP SA MGA MOTORISTA: ’WAG GANUN. 🙏

Be sensitive din po sa mga pedestrians. Sa hirap na ng paglusong nila sa baha, ’wag na nating dagdagan sa pamamagitan ng mabilis na pagpapatakbo at pagsaboy ng tubig.

Konting bagal, konting konsiderasyon. Salamat po!

📷 Photo courtesy of an anonymous sender.

02/09/2026

02/09/2026

02/09/2026

02/09/2026

ABISO SA PUBLIKO

Bukas ng 8:00 AM, September 2, 2026, ang San Roque Dam ay magbubukas ng 2 GATES at magpapakawala ng tubig na may taas na 2 na metro, katumbas ng 300 cms na daloy ng tubig.

Ang pagbubukas o pag-release ng tubig mula sa dam ay isang precautionary measure upang maiwasan ang patuloy na pagtaas ng San Roque Dam Level.

Current Level: 283.68 masl
Inflow: 714 cms
Outflow: 270 cms
LLO Discharge: 127.88 cms

01/09/2026

BAYAMBANG HOTLINES 📞☎️📠📱💻📺📟
Tiyaking ligtas ngayong may banta ng masamang panahon. Narito ang mga emergency hotlines ng iba't-ibang mga opisina at ahensya ng gobyerno sa bayan ng Bayambang na maaaring matawagan kung kinakailangan.