13/08/2024
LGU BAYAWAN CITY HEALTH OFFICE ADVISORY
Pahibalo:
Kalit nga pagsaka sa kaso sa Dengue sa atong Dakbayan...
Atong giawhag ang tanang Bayawanon sa pagpakabana..
Batasanon ang pagpanglimpyo sa palibot ug tugkaran sa atong panimalay. Hiposa ang mga gamit nga posibleng mapundohan sa tubig ug mahimong itlogan sa lamok sama sa ginamit nga ligid, lata, botelya, tansan, plastic, bukong o bagol sa lubi, ug uban pa. Limpyohan ang mga sandayong ug kuskusan ug maayo ang sulod sa flower vase. Butangan ug balas o takloban ug plastic ang mga poste sa kawayan, ug butangan ug tabon ang mga pundohanan sa tubig (barel, balde, banga etc.)
Magsuot ug taas nga pantalon o kamiseta, mogamit ug moskitero, ug mahimo butangan ug screen ang bintana ug pultahan sa balay..
Kon dunay hilanat sulod sa duha Ka adlaw ug adunay rashes o panurok sa panit, pakonsulta dayon sa pinakaduol nga Health Center o Hospital..
Kon adunay Dengue, paimnon sa saktong gidaghanon sa tubig aron malikayan ang dehydration nga epekto sa hilanat o pagsuka..
Palihug ug share para mabasa sa kadaghanan kining importanteng pahimangno!
