21/07/2026
Para sa ating mga minamahal na magulang, tagapag-alaga, mag-aaral, g**o, at mga kasapi ng komunidad:
Kami sa Biñan Integrated National High School (BINHS), sa pangunguna ni Dr. Julie Ann Natividad, katuwang ang Lokal na Pamahalaan ng Lungsod ng Biñan sa pangunguna ni Mayor Gel Alonte, SDO Biñan City sa pamumuno ni SDS Dr. Arlene R. Ricasata, at ang PNP Biñan Cybercrime Unit, ay nagpapabatid na ang kamakailang insidente ng pagpapakalat ng maling impormasyon na nagdulot ng pangamba sa komunidad ng paaralan ay ganap nang naresolba.
Matapos ang masusing imbestigasyon at pakikipag-ugnayan sa mga kinauukulang awtoridad, nakumpirma na walang umiiral na banta sa kaligtasan at seguridad ng ating mga mag-aaral, kawani, at komunidad ng paaralan.
Nananatiling tuloy-tuloy ang mga klase at lahat ng gawaing pampaaralan ayon sa nakatakdang iskedyul. Patuloy ding ipinatutupad ang mga kinakailangang hakbang sa seguridad sa pakikipagtulungan sa mga kinauukulang ahensya.
Ang mga mag-aaral na sangkot sa insidente ay sasailalim sa kaukulang disciplinary procedures alinsunod sa mga polisiya ng DepEd at isasangguni sa City Social Welfare and Development (CSWD) para sa nararapat na intervention at counseling.
Hinihikayat namin ang lahat na maging responsable sa paggamit ng social media at umiwas sa pagpapakalat ng hindi beripikadong impormasyon. Mangyaring umasa lamang sa mga opisyal na anunsyo mula sa paaralan at mga awtorisadong ahensya ng pamahalaan.
Maraming salamat sa ating mga magulang, mag-aaral, g**o, PTA, PNP, at mga lokal na opisyal para sa kanilang kooperasyon at suporta. Ang kaligtasan at kapakanan ng ating mga mag-aaral ang aming pinakamataas na prayoridad.
Maraming salamat sa inyong patuloy na tiwala at pakikipagtulungan.
