https://www.facebook.com/838526339667079/

Sangguniang Barangay ng Libid, Liwanag Street , Libid, Binangonan (2026)

07/08/2026

ANUNSYO AT PAUNAWA | EDUCATIONAL ASSISTANCE PROGRAM 2026

Nakapuno na po ang mga available slots para sa College Level ng Educational Assistance Program 2026.

Maraming salamat po sa lahat ng nagsumite ng kanilang mga requirements. Paalala lamang na ang pagsusumite ng requirements ay hindi awtomatikong nangangahulugan ng pagkakasama sa listahan ng mga benepisyaryo. Alinsunod sa itinakdang guidelines, tanging ang unang tatlumpung (30) kwalipikadong aplikante sa bawat kategorya na nakatugon sa lahat ng itinakdang requirements at guidelines ang napabilang sa mga grantee.

Lubos po kaming nagpapasalamat sa inyong pag-unawa at patuloy na pakikiisa. Ang inyong suporta ay mahalaga sa patuloy nating pagsusulong ng mga programang nagbibigay ng oportunidad sa edukasyon ng ating kabataan.

Hintayin na lamang po ang opisyal na anunsyo para sa listahan ng mga grantee at sa iskedyul ng pamamahagi ng Educational Assistance.

Maraming salamat po.

07/08/2026

LIGTAS TIGDAS: PROTEKSIYON PARA SA ATING MGA ANAK 💉🦸‍♂️
Ang tigdas ay nakamamatay at ang rubella naman ay maaaring magdulot ng congenital defects sa mga sanggol na maaaring humantong sa panghabambuhay na kapansanan.
Kaya sa darating na August 10–28, isasagawa natin ang kampanyang Ligtas Tigdas: Measles-Rubella Supplemental Immunization Activity (MR SIA). Layunin nito na mabigyan ng sapat na proteksiyon ang ating mga anak laban sa banta ng tigdas at rubella.
Sino ang dapat pabakunahan?
👶 Lahat ng batang 6 hanggang 59 buwan ang edad.
Bakit kailangan pa nito kung nabakunahan na dati?
✔️ Ang karagdagang dose ay nagbibigay ng mas mataas na proteksiyon. Nakakatulong din ito para maiwasan ang pagkalat ng sakit sa ating komunidad.
Ligtas ba ang bakuna?
✔️ Oo. Ang bakuna laban sa tigdas at rubella ay napatunayang ligtas at epektibo.
Kung may mga tanong o alinlangan, huwag basta umasa sa mga nababasa sa social media. Mas mabuting magtanong sa inyong doktor o sa pinakamalapit na health worker upang makakuha ng tamang impormasyon.
Protektahan ang ating mga anak para sa Ligtas Tigdas na 💙 Protektado ang bakunado! 💪💉

06/08/2026

📣 𝗡𝗢 𝗙𝗔𝗖𝗘-𝗧𝗢-𝗙𝗔𝗖𝗘 𝗖𝗟𝗔𝗦𝗦𝗘𝗦 (𝗔𝗟𝗟 𝗟𝗘𝗩𝗘𝗟𝗦)
Bilang pag-iingat sa patuloy na nararanasang pag-ulan dulot ng Habagat at Tropical Cyclone , 𝘄𝗮𝗹𝗮 𝗽𝗼𝗻𝗴 𝗳𝗮𝗰𝗲-𝘁𝗼-𝗳𝗮𝗰𝗲 𝗰𝗹𝗮𝘀𝘀𝗲𝘀 𝘀𝗮 𝗹𝗮𝗵𝗮𝘁 𝗻𝗴 𝗮𝗻𝘁𝗮𝘀 𝘀𝗮 𝗺𝗴𝗮 𝗽𝗮𝗺𝗽𝘂𝗯𝗹𝗶𝗸𝗼 𝗮𝘁 𝗽𝗿𝗶𝗯𝗮𝗱𝗼𝗻𝗴 𝗽𝗮𝗮𝗿𝗮𝗹𝗮𝗻 𝘀𝗮 𝗔𝘂𝗴𝘂𝘀𝘁 𝟳, 𝗕𝗶𝘆𝗲𝗿𝗻𝗲𝘀.
Alinsunod sa rekomendasyon ng MDRRMO at sa advisory ng DOST-PAGASA, 𝗶𝗽𝗮𝘁𝘂𝘁𝘂𝗽𝗮𝗱 𝗮𝗻𝗴 𝗠𝗼𝗱𝘂𝗹𝗮𝗿 𝗗𝗶𝘀𝘁𝗮𝗻𝗰𝗲 𝗟𝗲𝗮𝗿𝗻𝗶𝗻𝗴 upang matiyak ang kaligtasan ng mga mag-aaral, g**o, at iba pang school personnel habang nananatiling masama ang lagay ng panahon.
Patuloy na umiiral ang 𝗬𝗘𝗟𝗟𝗢𝗪 𝗪𝗔𝗥𝗡𝗜𝗡𝗚 ng PAGASA. Batay sa Heavy Rainfall Warning No. 13 na inilabas nitong 8:00 PM, kabilang pa rin ang Rizal sa mga lugar na nasa ilalim ng warning na ito, kung saan may posibilidad ng pagbaha sa mga flood-prone areas dahil sa tuloy-tuloy na pag-ulan.
Paalala sa ating mga estudyante, ipagpatuloy pa rin ang pag-aaral kahit nasa bahay lang. Buksan ang mga libro at maglaan ng oras sa pagbabasa, gawin ang mga takdang aralin, at samantalahin ang pagkakataon na magkaroon ng quality time kasama ang pamilya. Hangga’t maaari, iwasan muna ang paglabas ng bahay at unahin ang kaligtasan.
Patuloy na umantabay sa mga opisyal na anunsyo at weather advisories para sa mga susunod na update. Manatiling ligtas at alerto, 💙
Source:
📍 PAGASA Heavy Rainfall Warning No. 13 (8:00 PM | August 6, 2026) 🔗 https://www.facebook.com/share/p/194p1deyqM/

05/08/2026

📢 WALANG PASOK SA LAHAT NG ANTAS | AGOSTO 6, 2026

Ipinababatid sa lahat ng ating mga minamahal na kabarangay na suspendido ang klase sa lahat ng antas, sa pampubliko at pribadong paaralan, ngayong Huwebes, Agosto 6, 2026, alinsunod sa opisyal na anunsyo ng Pamahalaang Bayan ng Binangonan.

Ang suspensyon ng klase ay ipinatutupad bilang pag-iingat upang matiyak ang kaligtasan ng mga mag-aaral, g**o, at iba pang kawani sa gitna ng umiiral na kondisyon ng panahon.

Inaanyayahan ang lahat na manatiling mapagmatyag at patuloy na subaybayan ang mga opisyal na anunsyo mula sa ating lokal na pamahalaan at sa mga kinauukulang ahensya para sa iba pang mahahalagang abiso.

Ang kaligtasan ng bawat isa ang ating pangunahing prayoridad.

Mag-ingat po tayong lahat at manatiling ligtas.

05/08/2026

🚧 NOTICE OF ROAD CLOSURE | SOLEMN DECLARATION OF THE SACRED HEART PARISH AS A DIOCESAN SHRINE (AUGUST 6, 2026)
Bilang bahagi ng pagdaraos ng Solemneng Deklarasyon ng Parokya ng Kabanal-banalang Puso bilang Pandiyosesanong Dambana, pansamantalang isasara ang kahabaan mula Gate 1 hanggang Gate 2 ng Brgy. Tayuman sa Miyerkules, August 6, simula 3:00 PM hanggang 10:00 PM.
🛣️ Mga Alternatibong Ruta:
🟩 Patungong Manila (Green Arrow):
• Rizal St.
• J. Ynares St.
• Mercedes St.
• Gloria St.
• Bonifacio St.
🟦 Patungong Binangonan (Blue Arrow):
• Rosario St.
Ang naturang road closure ay bahagi ng pagtiyak ng kaligtasan ng mga deboto, panauhin, at iba pang dadalo sa makasaysayang pagdiriwang.
Pinapayuhan ang lahat na maglaan ng dagdag na oras sa biyahe at sumunod sa mga traffic signs na nakapaskil sa iba’t ibang bahagi ng SANTAPAT. Maraming salamat po sa inyong pang-unawa at kooperasyon.

05/08/2026

⚠️🌧️ CLASS SUSPENSION ADVISORY 🌧️⚠️

Dahil sa patuloy na nararanasang pag-ulan at umiiral na Yellow Rainfall Warning, suspendido ang lahat ng AFTERNOON CLASSES sa lahat ng antas, sa mga pampubliko at pribadong paaralan, ngayong Agosto 5, 2026.

Ang suspensyon ay alinsunod sa abiso ng District Office at anunsyo mula sa PSDS, bilang pag-iingat upang matiyak ang kaligtasan ng mga mag-aaral, g**o, at ng buong komunidad.

Hinihikayat ang lahat ng ating mga kabarangay na manatiling mapagmatyag at unahin ang kaligtasan. Iwasan ang pagtawid sa mga rumaragasang tubig, pananatili sa mga lugar na madaling bahain, at anumang hindi kinakailangang paglabas ng bahay habang nagpapatuloy ang masamang panahon.

📢 Patuloy na subaybayan ang mga opisyal na anunsyo mula sa mga kinauukulang ahensya para sa mga susunod na abiso at updates.

Laging tandaan: Mas mahalaga ang kaligtasan kaysa anumang lakad o gawain.

☔ Maging alerto. Maging handa. Mag-ingat ang bawat isa.

29/07/2026

Nagbabasa po ba kayo? 🤭 Basahin nang maigi at intindihin bago mag-comment. Paalala lamang po muli—kahit paulit-ulit na.
‼️Bago mag-comment, magbasa po muna ng BUONG post. 😅
☔️Sa tuwing may bagyo o malakas na buhos ng ulan, paulit-ulit nating nakikita ang pare-parehong mga tanong:
“Bakit wala pang announcement?”
“Sa kabilang bayan wala nang pasok, bakit dito meron?”
“Sigurado bang meron?”,
“Waterproof ang mga taga-Binangonan.”, “May sariling araw sa Binangonan.”, “Tulog pa yata si Mayor.” 🥴
at napakarami pang iba…..
Una, nagdesisyon po ang ibang bayan at maski mga paaralan base sa sinasabi ng DepEd Order No. 014, s. 2026 at DepEd Order No. 022, s. 2024, at higit sa lahat, BASE SA MISMONG SITWASYON SA KANILANG LUGAR. Base po sa dalawang DepEd order, kapag Yellow Warning, HINDI AUTOMATIC NA WALANG PASOK. Kapag walang signal, MAY PASOK.
Pero, hindi kailangang buong bayan muna ang ulanin o bahain para magsuspinde ng klase. Puwede pong mag-suspend ng klase ang SCHOOL PRINCIPAL kahit wala pang announcement ang LGU o kaya sa Provincial or National agencies. 🫡
Pangalawa, hindi po pinagsasawalang-bahala ang kalagayan ng mga estudyante na papasok. Pero bukod dito, naiintindihan din po namin na hindi pare-pareho ang sitwasyon ng mga bayan at maging ng mga paaralan. Puwedeng umuulan sa Janosa, pero maaraw sa Pantok. Puwedeng binabaha na sa ganitong bayan, pero umaambon lang sa iba. Ito po mismo ang rason bakit may kapangyarihan ang mga SCHOOL PRINCIPAL na magdesisyon tungkol sa suspension para sa kaligtasan ng mga mag-aaral.
📣Ilang beses na rin pong nag-post ang Pamahalaang Bayan tungkol sa batayan ng class suspension. Nandito po lahat ng links, mangyaring balikan at pindutin ang kulay blue para mapunta sa orihinal na post:
🔗 Kailan Nga Ba Matic na Walang Pasok?
https://www.facebook.com/share/14g4CNS52L5/
🔗 4H Learning Continuity Framework (DepEd Order No. 014, s. 2026) https://www.facebook.com/share/1EWbg95kSD/
🔗 Automatic Class Suspension Kapag May Bagyo o Masamang Panahon (DepEd Order No. 022, s. 2024) https://www.facebook.com/share/1RfKqBbJds/
Kaya bago magtanong, mag-comment ng kung ano-ano, at mag-share ng impormasyon:
✔️ Basahin ang buong advisory.
✔️ Huwag umasa sa “sabi nila” o sa comment section.
✔️ Umantabay sa announcement ng school at ng mga kinauukulan.
✔️ Mag-verify bago mag-share dahil marami pong page ang DOST-PAGASA para sa iba’t ibang rehiyon.
Mas madali para sa ating lahat kung maglalaan tayo ng ilang minuto para magbasa at umunawa. Ang layunin ng mga advisory ay magbigay ng malinaw na impormasyon, kaya gamitin at isaisip natin ito.

💙

28/07/2026

🛠️🌊 DECLOGGING OPERATION SA BONIFACIO STREET 🌊🛠️

Patuloy ang pagsasagawa ng Pamahalaang Barangay Libid ng declogging operation sa Bonifacio Street bilang bahagi ng ating programa sa pagpapanatili ng kalinisan at pag-iwas sa pagbaha.

Sa pamamagitan ng paglilinis at pag-aalis ng naipong putik, basura, at iba pang sagabal sa mga daluyan ng tubig, mas napapabuti ang maayos na pagdaloy ng tubig lalo na sa panahon ng malalakas na pag-ulan.

Ang gawaing ito ay patunay ng patuloy na pagkilos ng ating barangay upang mapanatiling ligtas, malinis, at maayos ang ating komunidad.

Maraming salamat sa pakikiisa ng ating mga kabarangay. Sama-sama nating pangalagaan ang ating kapaligiran para sa mas ligtas na Barangay Libid.

28/07/2026

💻 PULONG PARA SA MGA MAY-ARI NG COMPUTER SHOP SA BARANGAY LIBID 📋

Nagdaos ng pagpupulong ang Pamahalaang Barangay Libid kasama ang mga may-ari ng mga computer shop sa barangay upang ipaliwanag at talakayin ang mga probisyon ng umiiral na Barangay Ordinance na may kaugnayan sa tamang operasyon ng kanilang mga establisimyento.

Layunin ng pagpupulong na matiyak na ang bawat computer shop ay sumusunod sa mga itinakdang alituntunin at regulasyon ng barangay, lalo na sa pagpapanatili ng kaayusan, disiplina, at kaligtasan ng mga kabataang gumagamit ng kanilang mga serbisyo.

Patuloy ang Pamahalaang Barangay Libid sa pagpapatupad at pagsubaybay sa mga ordinansa upang mapanatili ang kaayusan at matiyak na ang lahat ng mga negosyo sa ating barangay ay responsable at sumusunod sa batas.

Maraming salamat sa pakikiisa at kooperasyon ng lahat ng mga may-ari ng computer shop para sa ikabubuti ng ating komunidad.

28/07/2026

🚧🌧️ PAGPAPATULOY NG MGA PROYEKTO PARA SA KALIGTASAN NG ATING MGA KABARANGAY 🌧️🚧

Patuloy ang pagsasagawa ng Pamahalaang Barangay Libid ng mga proyektong naglalayong mapanatili ang kaligtasan at kahandaan ng ating komunidad.

Isinagawa ang paglalagay ng road markings sa JM Basa mga daluyan ng tubig upang magsilbing gabay sa mga motorista, siklista, at mga naglalakad para sa mas maayos na daloy ng trapiko at pag-iwas sa mga aksidente.

Kasabay nito, isinagawa rin ang pagpipinta ng Flood Early Warning System bilang gabay sa antas ng pagbaha:

🟡 YELLOW – 1–2 metro
⚠️ Mag-ingat at maging alerto.

🟠 ORANGE – 2–5 metro
⚠️ Maghanda sa posibleng paglikas.

🔴 RED – 5–7 metro
🚨 Agarang lumikas at unahin ang kaligtasan ng bawat pamilya.

Ang mga proyektong ito ay bahagi ng patuloy na pagsisikap ng Pamahalaang Barangay Libid na makapagbigay ng ligtas, maayos, at handang komunidad para sa lahat.

Sama-sama nating pangalagaan ang ating barangay sa pamamagitan ng pagsunod sa mga road markings at pakikiisa sa mga paalala sa panahon ng sakuna.

Sangguniang Barangay ng Libid

07/08/2026

07/08/2026

06/08/2026

05/08/2026

05/08/2026

05/08/2026

29/07/2026

28/07/2026

28/07/2026

28/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request