Siya din ay kasalukuyang Pangulo ng Philippine Councilors League (PCL) - Marinduque Federation at SP Member (Ex-Officio). Napaka-promising ng career ni KONSEHAL MARK ANGELO LOTO JINANG o mas kilala bilang “KONS MACOY” ng siya ay tumugon sa panawagan ng serbisyo publiko. Ang kanyang mga naging karanasan sa marginalized sector noong siya ay nag-aaral pa lamang ng kolehiyo at maging habang nagsasaga
wa ng community outreach activities sa ilang multinational na kumpanya kung saan naman siya nagtrabaho, ang nagmulat sa kanya sa mahirap na kalagayan ng ating mga kapos-palad na kababayan. Sa kanyang adbokasiya na magkaroon ng maayos na edukasyon at kalusugan para sa lahat,” itinatag ni Konsehal Macoy ang “Tungo sa Magandang Hinaharap Movement” noong taong 2010. Ito ay tumutugon sa mga pangangailangang pang-edukasyon ng mga mag-aaral ng daycare at kinder sa mga pampublikong paaralan at nagsasagawa din ng feeding program sa ibat-ibang komunidad ng ating bayan. Ngunit, ang kanyang mga karanasan na makapagbahagi sa ilan nating mga kababayan ang lalong nagmulat sa kanya sa isang katotohanan na marami talagang nangangailangan at sa abot ng kanyang makakaya ay may magagawa at maitutulong pa siya. Dahil dito, nagdesisyon si Konsehal Macoy na pasukin ang mundo ng paglilingkod bilang isang public servant at tinanggap ang hamon ng bayan na ito ay paglingkuran. Dala-dala ang kanyang prinsipyo at talino na naghahangad ng isang tunay na pagbabago na may malasakit sa tao, nanalo siya noong nakaraang 2019 National and Local Election bilang Municipal Councilor o Sangguniang Bayan Member ng Boac, Marinduque. Sa labis na pagmamahal at pagtitiwala ng tao, ay nakuha agad niya ang pangalawang pinakamataas na bilang ng mga boto na may humigit 13,000 sa kanyang unang paghangad bilang konsehal.. Ang naging desisyon ni Konsehal Macoy ay hindi naging sorpresa sa kanyang mga pamilya, kaibigan at lahat ng sumusuporta at nagtitiwala sa kanya, dahil bata pa lamang siya ay nasa dugo na niya ang paglilingkod. Bakas sa kanya ang mga ito dahil siya ay dating student and youth leader noong elementarya, sekondarya at kolehiyo. Nakilala din si Konsehal Macoy Jinang sa kanyang dalisay na intensyon na makapaglingkod ng tapat at may reputasyon ng epektibong pamumuno at serbisyo publiko. Siya rin ay apo ng dating Konsehal ng Bayan na si Andres Macayaon Jinang Sr. at pamangkin ng dating Senior Provincial Board Member Mel Jinang Go. Siya ay ipinanganak noong 01 Oktubre 1992 sa Boac, Marinduque. Isang tunay na Boakenyo, apo ng Ilaya ng Boac. Natapos ni Macoy ang kanyang elementarya at sekondaryang pag-aaral sa isang pampublikong paaralan kung saan nagtapos siya ng may karangalan noong elementarya at isang parangal sa pamumuno o bilang student leader na nagmula naman kay Vice-President Noli De Castro noong siya ay nasa sekondarya. Nakuha niya ang kanyang diploma sa kolehiyo mula sa Unibersidad ng Santo Tomas na may degree ng BA Sociology at post-graduate units sa Industrial Relations sa Unibersidad ng Pilipinas – Diliman. Dati siyang nagtrabaho bilang HR Assistant Manager sa isang international bank, Maybank Philippines at HR Assistant sa isang multinational beer manufacturing company, San Miguel Brewery, Inc. Bilang isang batang lingkod-bayan, si Konsehal Macoy ay naglalaan ng oras at sinisikap na ang bawat barangay o komunidad sa bayan ng boac ay mapanatili o magkaroon pa ng higit na pag unlad, himukin ang bawat mamamayan na makilahok sa mga demokratikong proseso, at mailapit ang gobyerno sa tao lalo na pagdating sa mabuting pamamahala at pagtugon sa mga serbisyong panlipunan. At para sa mga nakapag benepisyo na sa iba't ibang ordinansa, programa, aktibidad at proyektong pinasimulan ni Konsehal Macoy at ng Tungo sa Magandang Hinaharap Movement, ang kanyang muling pagkapanalo para sa ikalawang termino noong nakaraang halalan ika-9 ng Mayo taong 2022 ay isang malaking hakbang para maipag-patuloy pa ang kanyang misyon, ang misyon ng bawat isa na makamit ang mas maganda pang hinaharap ng bayan ng Boac.
