Marinduque Provincial Agriculture Office

30/05/2026

19/05/2026

𝟓 𝐌𝐓 𝐧𝐚 𝐒𝐢𝐛𝐮𝐲𝐚𝐬 𝐦𝐮𝐥𝐚 𝐬𝐚 𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨, 𝐍𝐚𝐫𝐢𝐭𝐨 𝐧𝐚 𝐧𝐠𝐚𝐧𝐢 𝐬𝐚 𝐌𝐚𝐫𝐢𝐧𝐝𝐮𝐪𝐮𝐞

Dumating na sa Marinduque ang 5.07 metric tons (MT) ng pulang sibuyas mula sa Anmay Cabagan Irrigators and Farmers Agriculture Cooperative ng Sta. Cruz, Occidental Mindoro.

Katumbas ito ng 507 sako ng pulang sibuyas na dala ng KADIWA Program ng DA MIMAROPA Agribusiness and Marketing Assistance Division (AMAD) upang matulungan ang mga magsasaka ng sibuyas sa Occidental Mindoro, at masiguro ang abot-kayang presyo ng sibuyas sa probinsya ng Marinduque.

Sa kasalukuyan, ibinebenta ang mga sibuyas sa Local Government Unit Compound sa bayan ng Mogpog sa halagang ₱70 kada kilo para sa retail at ₱65 kada kilo naman para sa wholesale.

Magpapatuloy ang pagbebenta ng sibuyas sa Capitol Compound sa Boac bukas, Mayo 20, 2026.

Para sa karagdagan kaalaman, makipag-ugnayan sa DA MIMAROPA AMAD o Office of the Provincial Agriculturist ng probinsya. # #

19/05/2026

𝟯 𝗦𝗜𝗦𝗧𝗘𝗥𝗦’ 𝗛𝗢𝗠𝗘𝗠𝗔𝗗𝗘 𝗕𝗔𝗡𝗔𝗡𝗔 𝗖𝗛𝗜𝗣𝗦, 𝗚𝗔𝗪𝗔𝗗 𝗦𝗔𝗞𝗔 𝗡𝗔𝗧𝗜𝗢𝗡𝗔𝗟 𝗙𝗜𝗡𝗔𝗟𝗜𝗦T

Ang Gawad Saka Award ay ang pinakamataas na taunang pagkilala ng Department of Agriculture para sa mga natatanging magsasaka, mangingisda, at agri-based institutions na nagpapakita ng kahusayan, inobasyon, at pagpapanatili sa sektor ng agrikultura at pangisdaan.

Isang malaking karangalan para sa ating lalawigan na ang 3 Sisters’ Homemade Banana Chips ay kabilang sa mga National Finalists para sa Outstanding Microenterprise sa ilalim ng Gawad Saka Awards.

Dumating kahapon ang National Evaluation Team sa pangunguna ni Ms. Luzviminda Tolentino mula sa DA-AMAD para sa isasagawang field validation ngayong araw. Bilang pagsalubong, nagsagawa ng Welcome Dinner Program kagabi na sinimulan sa pamamagitan ng ating katutubong putong bilang simbolo ng mainit na pagtanggap at mayamang kulturang Marinduqueño.
Ang lahat ng nominees ay sumailalim sa desk evaluation batay sa prescribed criteria ng National Technical Committee at susundan ng field validation upang higit pang mapatunayan ang kanilang mga naisumiteng impormasyon.

Nagbigay ng welcome remarks at inspirational message si Ms. Susana Arellano-Uy, OIC-Provincial Agriculturist. Tampok din sa programa ang audio-visual presentation (AVP) ng 3 Sisters’ Homemade Banana Chips kung saan ibinahagi ang pagsisimula, at kwento ng pag-unlad ng kanilang microenterprise.

Nagbigay din ng kanilang mensahe ng suporta sina:
🔹 Ms. Rosette Pitero Sotta – President, Philippine Chamber of Commerce and Industry – Marinduque Chapter
🔹 Mr. Joseph Malangis – Vice President, Philippine Exporters Confederation, Inc. – Marinduque Chapter
🔹 Mr. Mark Dennis Cortez – Representative, Department of Trade and Industry – Marinduque
🔹 Mr. Bernardo T. Caringal – Provincial S&T Director, DOST-PSTO Marinduque
🔹 Bokal Mark Angelo Jinang
🔹 Bokal Primo Pamintuan
🔹 Vice Governor Romulo A. Baccoro, Jr.

Kasama rin sa pagtitipon sina Mr. Richard Justin D. Lancion ng DICT Marinduque, Mr. Montecarlo L. Jao ng DOLE, at iba pang mga panauhin at katuwang sa programa.

Higit sa lahat, nagbigay ng taos-pusong mensahe si Ms. Rowena Globio, owner ng 3 Sisters’ Homemade Banana Chips. Ibinahagi niya kung paano nagsimula ang kanilang microenterprise mula sa simpleng pangarap, sipag, dedikasyon, at pusong paglilingkod para sa pamilya at komunidad.

Patunay lamang ito sa kakayahan, sipag, at husay ng mga magsasakang Marinduqueño na makipagsabayan sa pambansang antas. Nawa’y magsilbi itong inspirasyon sa iba pang maliliit na negosyo, agricultural entrepreneurs, at mga katuwang sa pagpapaunlad ng agrikultura at pangisdaan sa ating lalawigan.

Congratulations at mabuhay ang 3 Sisters’ Homemade Banana Chips!

18/05/2026

𝗔𝗩𝗔𝗜𝗟𝗔𝗕𝗟𝗘 𝗣𝗢 𝗡𝗔 𝗦𝗔𝗥𝗜𝗪𝗔𝗡𝗚 𝗦𝗜𝗕𝗨𝗬𝗔𝗦 𝗦𝗔 𝗔𝗧𝗜𝗡𝗚 𝗞𝗔𝗗𝗜𝗪𝗔!

Bukas po ay available sa ating Kadiwa ang sariwa at de-kalidad na sibuyas mula sa Occidental Mindoro, hatid sa atin sa pamamagitan ng Kadiwa Program ng DA-AMAD.

Sa atin pong Kadiwa, sa Carpark ng Capitol Compound, maaaring makabili ng sibuyas sa halagang 65 pesos per kilo ang wholesale price at 70 pesos per kilo ang retail price.

Inaanyayahan po namin ang lahat na samantalahin ang pagkakataong makabili ng abot-kaya at de-kalidad na produktong agrikultura habang patuloy nating sinusuportahan ang kabuhayan ng ating mga lokal na magsasaka.

Kita-kits po tayo bukas sa ating Kadiwa!

12/05/2026

𝐏𝐑𝐃𝐏 𝐌𝐈𝐌𝐀𝐑𝐎𝐏𝐀, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐁𝐮𝐬𝐢𝐧𝐞𝐬𝐬 𝐏𝐥𝐚𝐧𝐧𝐢𝐧𝐠 𝐖𝐫𝐢𝐭𝐞𝐬𝐡𝐨𝐩 𝐩𝐚𝐫𝐚 𝐬𝐚 𝐦𝐠𝐚 𝐌𝐚𝐠𝐧𝐢𝐧𝐢𝐲𝐨𝐠 𝐬𝐚 𝐌𝐚𝐫𝐢𝐧𝐝𝐮𝐪𝐮𝐞

Bilang bahagi ng patuloy na pagpapalakas ng mga samahang pang-agrikultura, matagumpay na isinagawa ng Philippine Rural Development Project (PRDP) MIMAROPA ang Business Planning Writeshop noong ika-6 hanggang ika-7 ng Abril, 2026 sa Sta. Cruz, Marinduque.

Layunin ng aktibidad na mapaunlad ang kakayahan ng mga benepisyaryo ng subproject sa pagbuo ng komprehensibong business plan upang higit pang mapalakas ang kanilang negosyo.

Dinaluhan ito ng mga kinatawan mula sa RPCO MIMAROPA, PSO South Luzon, PPMIU Marinduque, Philippine Coconut Authority, at mga miyembro ng SAGANA Marinduque Agriculture Cooperative (Ani ng Duque).

Sa pamamagitan ng nasabing workshop, nabigyan ang mga kalahok ng praktikal na kaalaman sa market analysis, financial planning, at enterprise management tungo sa mas matatag at maunlad na sektor ng agrikultura sa lalawigan.

12/05/2026

𝐒𝐮𝐩𝐨𝐫𝐭𝐚 𝐬𝐚 𝐏𝐚𝐠𝐦𝐚𝐦𝐚𝐢𝐬𝐚𝐧, 𝐒𝐮𝐩𝐨𝐫𝐭𝐚 𝐬𝐚 𝐦𝐠𝐚 𝐌𝐚𝐠𝐬𝐚𝐬𝐚𝐤𝐚

Ngayong araw ay nagsagawa tayo ng paghahatid ng mga agricultural inputs, kabilang ang mga binhing dilaw na mais, abonong urea, at Bio-N, sa ating mga recipients na ang Buena Corn Cluster upang makatulong sa pagpapataas ng ani at produksyon.

Kasabay nito, muling nagsagawa ng paghahakot ng mga aning mais mula sa Barangay Malibago at Cabuyo, Torrijos patungo sa Provincial Tourism and Agricultural Development Center (PTADC), Tamayo, Sta. Cruz sa pangunguna nina G. Rommel Malco, G. Mark Anthony Liwanagan, G. Ricky Angelo Jalimbawa, at G. Mark Azur.
Sa PTADC isasagawa ang maayos na paglulugas at tamang pagpapatuyo ng mga ani upang masiguro ang mataas na kalidad ng mais bago ito dalhin sa ating mga institutional buyers.

Patunay ito ng patuloy na suporta sa ating mga magsasakang Marinduqueño upang mapalakas ang produksyon ng pagmamaisan at higit pang mapaunlad ang kanilang kabuhayan.

08/05/2026

07/05/2026

𝐄𝐋 𝐍𝐈Ñ𝐎: 𝐀𝐧𝐨-𝐚𝐧𝐨 𝐚𝐧𝐠 𝐃𝐚𝐩𝐚𝐭 𝐌𝐚𝐥𝐚𝐦𝐚𝐧?

Alamin ang mga posibleng epekto ng El Niño at ang mga hakbang na maaaring gawin upang maprotektahan ang agrikultura, pangisdaan, at kabuhayan.

Ayon sa DOST-PAGASA, may mataas na posibilidad na maranasan muli ang El Niño sa mga susunod na buwan. Kaakibat nito ang matinding init at kakulangan sa ulan na maaaring magdulot ng pagbaba ng ani, pagdami ng peste at sakit sa pananim, at iba pang hamon sa agrikultura, pangisdaan, at paghahayupan.

Mahalagang maging handa at maagap upang mabawasan ang epekto nito sa ating komunidad. Sama-sama tayong kumilos para mapanatili ang seguridad sa pagkain at maprotektahan ang kabuhayan ng bawat isa.

Para sa karagdagang impormasyon:
Basahin at i-download ang mga climate-smart information materials mula sa DA-PhilRice : https://www.philrice.gov.ph/climate-smart-info/

Source: DOST-PAGASA, DA-DRRMS, DA-PhilRice

05/05/2026

BARAYTING paaga na, matibay pa🌾☀️
Ramdam na ang init pero wag hayaang matuyo ang pag-asa. Sa banta ng El Niño, kailangan natin ng mga barayting paaga para hindi abutan ng matinding tagtuyot ang ating mga pananim. Dapat din matibay sa limitadong patubig ang barayti.
Subukan ang mga barayting pwede ng anihin pagka-106 na araw at may aning nasa 3-6 t/ha sa stress conditions:
✅NSIC Rc 480
✅PSB Rc 594
✅NSIC Rc 596
✅NSIC Rc 572
✅NSIC Rc 732
✅NSIC Rc 740
📍 Ang PSB Rc 10 naman ay paagang barayti.

BARAYTING paaga na, matibay pa🌾☀️

Ramdam na ang init pero wag hayaang matuyo ang pag-asa. Sa banta ng El Niño, kailangan natin ng mga barayting paaga para hindi abutan ng matinding tagtuyot ang ating mga pananim. Dapat din matibay sa limitadong patubig ang barayti.

Subukan ang mga barayting pwede ng anihin pagka-106 na araw at may aning nasa 3-6 t/ha sa stress conditions:

✅NSIC Rc 480
✅PSB Rc 594
✅NSIC Rc 596
✅NSIC Rc 572
✅NSIC Rc 732
✅NSIC Rc 740

📍 Ang PSB Rc 10 naman ay paagang barayti.

02/05/2026

PAGPUPUGAY SA BUWAN NG MAGSASAKA AT MANGINGISDA

Ang buwan ng Mayo ay idineklara bilang Buwan ng Magsasaka at Mangingisda sa Pilipinas alinsunod sa Presidential Proclamation No. 33, s. 1989 na nilagdaan noong Mayo 21, 1989. Layunin nitong kilalanin at bigyang-pugay ang mahalagang papel ng sektor ng agrikultura at pangisdaan sa seguridad sa pagkain at pag-unlad ng bansa.

Ngayong Mayo, ating ipinagdiriwang ang Buwan ng Magsasaka at Mangingisda—isang espesyal na pagkakataon upang parangalan ang mga haligi ng ating kabuhayan at kaunlaran. Sila ang mga tahimik na bayani na patuloy na naglilingkod sa bayan, anuman ang hamon ng panahon at kalikasan.

Sa buwang ito, sama-sama nating ipakita ang ating pasasalamat at suporta sa kanila. Ipagdiwang natin ang kanilang ambag, pahalagahan ang kanilang sakripisyo, at patuloy na itaguyod ang mga programang magpapalakas sa sektor ng agrikultura at pangisdaan.

Mabuhay ang ating mga magsasaka at mangingisda! 🌾🐟