Gov Mel Go - Marinduque

10/10/2026

Local Government Code @ 35!

As we commemorate the 35th Anniversary of the Local Government Code of 1991, hear the inspiring messages of local chief executives from MIMAROPA as they reflect on three and a half decades of strengthened local autonomy, responsive governance, and meaningful public service.

A Message from Gov. Melecio J. Go, Province of Marinduque

"Warmest greetings to the DILG and our fellow public servants as we celebrate Local Government Month and the 35th anniversary of the Local Government Code of 1991 (RA 7160).

Marinduque—the autonomy to chart its own course toward meaningful progress. Through decentralization, we have been empowered to build stronger, self-reliant local communities, protect our rich cultural heritage and coastal environment, and bring vital social services directly to every Marinduqueño.

As we honor this legacy of genuine local autonomy, the Provincial Government of Marinduque remains fully committed to advancing accountable, participatory,and people-centered governance—working hand-in-hand with our municipalities to ensure a saf, sustainable, and prosperous future for our province.”


@35

09/10/2026

𝐋𝐄𝐓’𝐒 𝐆𝐎! 𝐒𝐏𝐎𝐑𝐓𝐒 𝐂𝐔𝐏 𝟐𝟎𝟐𝟔, 𝐍𝐀𝐆𝐇𝐀𝐓𝐈𝐃 𝐍𝐆 𝐊𝐔𝐋𝐀𝐘 𝐒𝐀 𝟏𝟐𝟔𝐭𝐡 𝐂𝐈𝐕𝐈𝐋 𝐒𝐄𝐑𝐕𝐈𝐂𝐄 𝐀𝐍𝐍𝐈𝐕𝐄𝐑𝐒𝐀𝐑𝐘

Nitong nagdaang buwan ng Setyembre, nagtagisan ng galing ang mga kawani ng Pamahalaang Panlalawigan ng Marinduque sa basketball, volleyball at e-sports sa ginanap na Let’s GO! Sports Cup 2026, bilang bahagi ng pagdiriwang ng ika-126 na Philippine Civil Service Anniversary.

Pagbati sa lahat ng nagwaging koponan, pati na rin sa bawat kawani na lumahok at nagbigay-suporta sa kanilang mga kasamahan sa buong palaro.

09/10/2026

09/10/2026

𝟏𝟓 𝐇𝐎𝐒𝐏𝐈𝐓𝐀𝐋 𝐏𝐄𝐑𝐒𝐎𝐍𝐍𝐄𝐋, 𝐊𝐀𝐁𝐈𝐋𝐀𝐍𝐆 𝐒𝐀 𝟒𝟕 𝐁𝐀𝐆𝐎𝐍𝐆 𝐀𝐏𝐏𝐎𝐈𝐍𝐓𝐌𝐄𝐍𝐓𝐒 𝐒𝐀 𝐏𝐀𝐌𝐀𝐇𝐀𝐋𝐀𝐀𝐍𝐆 𝐏𝐀𝐍𝐋𝐀𝐋𝐀𝐖𝐈𝐆𝐀𝐍

Labinlimang personnel appointments para sa Marinduque Provincial Hospital (MPH) at Santa Cruz District Hospital (SCDH) ang kabilang sa 47 appointments sa Pamahalaang Panlalawigan ng Marinduque sa ilalim ng administrasyon ni Gov. Mel Go.

Kabilang dito ang mga posisyon para sa mga doktor, nurse, pharmacist, medical technologist, midwife, at iba pang hospital personnel na mahalaga sa pang-araw-araw na serbisyo at pangangalaga sa mga pasyente.

Sa kabuuang 47 appointments mula sa 11 tanggapan ng Kapitolyo, 23 ang promotions, 22 ang original appointments, habang tig-isa ang reappointment at reemployment.

Saklaw rin ng mga appointment ang mga kawani sa treasury, planning and development, engineering, at iba pang opisina ng pamahalaang panlalawigan.

09/10/2026

𝐓𝐈𝐍𝐆𝐍𝐀𝐍 | Sa pangunguna ng Marinduque Provincial Tourism and Cultural Office, kasalukuyang isinasagawa ngayong Oktubre 9, 2026, sa Provincial Convention Center, Barangay Bangbangalon, Boac, ang Gender and Development Workshop na may temang, “Kabuhayan, Kasarian, at Kultura: Isang Paghuhubog sa mga Tradisyonal na Gawaing-Kamay ng Marinduque.” May mga breakout session din na isinasagawa sa ikatlong palapag ng Provincial Agriculture Office.

Sa mensaheng ipinahatid ni Governor Mel Go sa pamamagitan ni Provincial Administrator Engr. Norberto M. Jinang, binigyang-diin ang paglinang sa kakayahan ng mga Marinduqueño upang mapanatili ang mga tradisyonal na gawaing-kamay at makabuo pa ng mas maraming oportunidad sa kabuhayan.

Tampok sa workshop ang mga likhang sumasalamin sa husay at pamana ng lalawigan, kabilang ang Morion flower turbans at masks, paper maché, at paglalala ng nito at buli. Ang mga ito ay pinangunahan ng mga tagapagsanay na sina Gng. Petronila P. Mazon para sa paggawa ng turbante ng bulaklakang Moryon, G. Pedro L. Mandia, Jr. para sa paggawa ng maskarang papel ng Moryon, Gng. Josephine R. Balingit para sa paglala ng buli, at Gng. Crispina L. Genotiva para sa paghihikit ng nito.

Kinikilala ni Gov Mel ang inisyatibong ito dahil sa patuloy na paglinang sa mga tradisyonal na gawaing-kamay, nagkakaroon tayo ng pagkakataon upang maipamana sa susunod na henerasyon ang mga tradisyon nating mga Marinduqueño.

09/10/2026

HAPPENING NOW:
KABUHAYAN, KASARIAN, AT KULTURA: ISANG PAGHUHUBOG NG TRADISYUNAL NA GAWAING KAMAY NG MARINDUQUE

08/10/2026

𝐆𝐨𝐯 𝐌𝐞𝐥: 𝐍𝐔𝐓𝐑𝐈𝐓𝐈𝐎𝐍 𝐏𝐑𝐎𝐆𝐑𝐀𝐌𝐒, 𝐃𝐀𝐏𝐀𝐓 𝐍𝐀𝐊𝐀𝐓𝐔𝐎𝐍 𝐒𝐀 𝐌𝐆𝐀 𝐀𝐊𝐓𝐖𝐀𝐋 𝐍𝐀 𝐑𝐄𝐒𝐔𝐋𝐓𝐀

Isinagawa noong Oktubre 7, 2026 sa LMD-PESO Hall, Bangbangalon, Boac ang unang araw ng Nutrition Program Management (NPM) Training, na naglalayong mas palawigin ang kakayahan ng mga local nutrition workers sa pagpapatupad at pamamahala ng mga programa para sa nutrisyon.

Sa kanyang mensahe, binigyang-diin ni Governor Mel Go na masusukat ang tagumpay ng mga nutrition program base sa aktwal na epekto ng mga ito sa kalagayan ng mga benepisyaryo. Aniya, dapat higit na ituon ang pansin sa mga resulta gaya ng pagbaba ng bilang ng mga underweight, sa halip na sa dami lamang ng mga naisagawang aktibidad tulad ng feeding sessions.

Samantala, nakatuon ang training sa mga pangunahing kaalaman sa food nutrition at malnutrition, kabilang ang micronutrient deficiencies at iba pang anyo ng malnutrisyon. Tinalakay rin ang leadership, communication and advocacy, documentation, at ang pagsasama ng Nutrition Program Management sa local governance and development systems, mula sa pagpaplano at pagpapatupad hanggang sa monitoring, evaluation, at replanning.

08/10/2026

𝐏𝐀𝐁𝐀𝐓𝐈𝐃: Para sa mga benepisyaryong nag-apply ng kanilang NBI clearance noong ika-14 ng Setyembre sa Handog ng Pangulo 2026, maaari na po ninyong i-claim ang inyong NBI clearance sa Office of the Governor.

Maaari itong kunin anumang oras sa loob ng regular office hours, at wala ring itinakdang deadline sa pagkuha ng clearance.

Maraming salamat!

07/10/2026

𝐌𝐀𝐑𝐈𝐍𝐃𝐔𝐐𝐔𝐄, 𝐊𝐀𝐁𝐈𝐋𝐀𝐍𝐆 𝐒𝐀 𝐓𝐀𝐓𝐋𝐎𝐍𝐆 𝐈𝐒𝐋𝐀𝐍𝐆 𝐏𝐎𝐊𝐔𝐒 𝐍𝐆 𝐈𝐒𝐋𝐀𝐒 𝐏𝐑𝐎𝐉𝐄𝐂𝐓

Isang mahalagang hakbang para sa Marinduque ang isinagawang Integrated Management of Small Island Landscapes and Seascapes (ISLA) Project Inception Workshop noong Oktubre 6, 2026 sa PENRO Marinduque. Pinangunahan ito ng United Nations Development Programme (UNDP) at Department of Environment and Natural Resources (DENR), kasama ang Provincial Government of Marinduque, mga municipal LGU, national government agencies, at iba pang katuwang sa pangangalaga ng likas-yaman at paghahanda sa climate risks.

Ang Marinduque ay isa sa tatlong pangunahing island sites ng proyekto, kasama ang Camiguin at Panaon Island, sa ilalim ng $5.3-million GEF grant. Sa kasalukuyan, nasa Project Preparation Grant (PPG) Phase pa lamang ang proyekto. Sa phase na ito binubuo ang Project Document, kinokolekta ang baseline data, tinutukoy ang priority core zone, at inaayos ang mga safeguards, co-financing at plano ng pakikipag-ugnayan sa mga komunidad bago ang full implementation na nakatakda sa 2028.

Para sa Marinduque, napapanahon ang pagdating ng proyektong ito dahil higit-kumulang 23% na lamang ng 95,000 ektaryang lupain ng lalawigan ang forest cover, at ang natitirang kagubatan ang nagsisilbing pangunahing recharge zone ng water table. Kasabay nito ang banta ng matinding El Niño, paulit-ulit na suliranin sa water security, at ang 30-year legacy ng Marcopper mining disaster na kailangang tugunan.