People's Law Enforcement Board - Boac Chapter

06/04/2026

📢 𝐏𝐋𝐄𝐁 𝐔𝐏𝐃𝐀𝐓𝐄

Isinagawa noong ika-31 ng Marso ang pagpupulong ng People’s Law Enforcement Board (PLEB) upang talakayin ang mahahalagang usapin kaugnay ng kanilang mandato.

Muling pinagtibay ng Board ang kanilang paninindigan sa pagsusulong ng disiplina, integridad, at pananagutan bilang mahalagang bahagi ng pagpapanatili ng kaayusan at tiwala ng publiko.

30/03/2026

📢 PLEB in Action!

Matagumpay na naisagawa ang pagpupulong ng People’s Law Enforcement Board (PLEB) noong ika-26 ng Marso 2026 sa Sangguniang Bayan Session Hall.

Sa nasabing pagpupulong, muling pinagtibay ng Board ang kanilang mahalagang tungkulin na magsilbing tagapamagitan at tagapangalaga ng katarungan sa pagitan ng mamamayan at ng kapulisan.

Ang naturang pagpupulong ay patunay ng kanilang dedikasyon sa pagpapanatili ng tiwala ng publiko at sa pagpapatibay ng ugnayan sa pagitan ng komunidad at ng kapulisan.

15/03/2026

📌 People’s Law Enforcement Board (PLEB) Meeting | Marso 12, 2026

Isinagawa noong ika-12 ng Marso 2026 sa Sangguniang Bayan Session Hall ang pagpupulong ng People’s Law Enforcement Board (PLEB)

Layunin ng naturang pagpupulong na higit pang mapagtibay ang mahalagang gampanin ng PLEB sa pagpapanatili ng disiplina, integridad, at pananagutan sa hanay ng mga tagapagpatupad ng batas, gayundin ang pagpapaigting ng maayos at makatarungan na pagtalakay sa mga usaping may kaugnayan sa kapulisan.

Sa pamamagitan ng patuloy na pagtupad sa kanilang tungkulin, nananatiling isang mahalagang mekanismo ang PLEB sa pagsusulong ng mabuting pamamahala para sa kapakanan ng mamamayan.

05/03/2026

📌 Peoples Law Enforcement Board (PLEB) Meeting | Marso 2, 2026

Isinagawa noong ika-2 ng Marso 2026 ang pagpupulong ng Peoples Law Enforcement Board (PLEB) bilang bahagi ng patuloy na pagtitiyak ng pananagutan, integridad, at propesyonalismo sa hanay ng kapulisan.

Sa nasabing pulong, tinalakay ang mahahalagang usapin at mga kasong inihain alinsunod sa umiiral na mga batas at regulasyon, na may layuning mapanatili ang tiwala ng publiko at maitaguyod ang katarungan sa ating komunidad.

Ang PLEB ay nananatiling matatag na katuwang ng mamamayan sa pagsusulong ng transparency, due process, at mabuting pamamahala.

24/02/2026

Isinagawa ngayong Pebrero 24, 2026 ang regular na pagpupulong ng People’s Law Enforcement Board (PLEB), kung saan muling tinalakay ang mga hakbangin upang higit pang mapahusay ang mga serbisyo ng kapulisan at mapanatili ang mataas na pamantayan ng pananagutan at propesyonalismo.

Patuloy ang PLEB sa pagtupad sa tungkulin nito bilang katuwang ng komunidad sa pagtataguyod ng transparency, integridad, at makatarungang paglilingkod para sa kapakanan ng mamamayan.

12/02/2026

📌 ISINAGAWA ANG IKA-4 NA PAGPUPULONG NG PEOPLE’S LAW ENFORCEMENT BOARD (PLEB)
📅 Pebrero 10, 2026
📍 Sangguniang Bayan Session Hall

Matagumpay na isinagawa ang ika-apat (4th) na regular na pagpupulong ng People’s Law Enforcement Board (PLEB) noong Pebrero 10, 2026, na dinaluhan ng mga miyembro at opisyal ng lupon upang talakayin ang mahahalagang usapin kaugnay ng pagpapatibay ng disiplina, pananagutan, at propesyonalismo sa hanay ng kapulisan.

Sa pulong, pinag-usapan ang mga hakbang upang mapalakas ang tiwala ng mamamayan sa mga alagad ng batas. Muling pinagtibay ng PLEB ang kanilang pangako sa patas, tapat, at makatarungang proseso.

Patuloy ang PLEB sa pagsusumikap na mapanatili ang kaayusan, kapayapaan, at maayos na ugnayan ng komunidad at kapulisan.

05/02/2026

IKATLONG PAGPUPULONG NG PEOPLE’S LAW ENFORCEMENT BOARD – BOAC CHAPTER

Isinagawa ang ikatlong pagpupulong ng People’s Law Enforcement Board (PLEB) – Boac Chapter sa Sangguniang Bayan Session Hall, na dinaluhan ng mga kasapi ng lupon upang talakayin ang mahahalagang usaping may kaugnayan sa pagpapatupad ng kanilang mandato at pagpapalakas ng ugnayan sa komunidad.

Naging makabuluhan ang pagpupulong ng People’s Law Enforcement Board sapagkat nagkaroon ng masusing talakayan hinggil sa mga polisiya, programang pang-organisasyon, at mga hakbang na naglalayong mapabuti ang serbisyo publiko. Ang mga talakayang ito ay direktang sumasalamin sa pangunahing tungkulin ng PLEB na pangalagaan ang propesyonalismo, pananagutan, at integridad sa pagpapatupad ng batas, at tiyakin na ang mga hakbangin ng pulisya ay naaayon sa batas at kapakanan ng mamamayan.

Muling pinagtibay ng PLEB Boac Chapter ang kanilang pangako na patuloy na gampanan ang kanilang tungkulin nang may integridad, patas na pamamahala, at dedikasyon sa kapakanan ng mamamayan.

21/01/2026

📌 PLEB BOAC CHAPTER: IKALAWANG PULONG

Matagumpay na naisagawa ang Ikalawang Pulong ng PLEB Boac Chapter noong Enero 20, 2026, na dinaluhan ng mga opisyal at miyembro ng samahan. Tinalakay sa pulong ang mahahalagang usaping may kinalaman sa mga kasalukuyan at nakatakdang gawain ng organisasyon, gayundin ang mga hakbang upang higit pang mapahusay ang maayos at epektibong pagpapatakbo ng chapter.

Sa pamamagitan ng bukas at masusing talakayan, nagkaroon ng pagkakataon ang mga miyembro na magbahagi ng pananaw at mungkahi bilang bahagi ng patuloy na pagpapatibay ng pagkakaisa, disiplina, at integridad sa loob ng PLEB Boac Chapter.

13/01/2026

UNANG PAGPUPULONG NG PEOPLE’S LAW ENFORCEMENT BOARD (PLEB) – BOAC CHAPTER PARA SA TAONG 2026

Ngayong araw, ika-13 ng Enero 2026, isinagawa ang unang pagpupulong ng People’s Law Enforcement Board (PLEB) – Boac Chapter para sa taong 2026.

Kabilang sa mga pangunahing agenda ng pagpupulong ang pagpapatibay ng katitikan ng nakaraang pulong, bilang bahagi ng pagsunod sa wastong proseso at pagpapanatili ng kaayusan sa mga opisyal na gawain ng lupon.

Tinalakay at ipinaalam din sa mga kasapi ang Memorandum Circular na may petsang Disyembre 22, 2025, na inilabas ng NAPOLCOM Vice Chairman at Executive Officer, kaugnay ng Creation and Strengthening of the People’s Law Enforcement Board, na magsisilbing gabay sa patuloy na pagpapalakas ng tungkulin at mandato ng PLEB.

Kaugnay ng nabanggit na Memorandum Circular, binigyang-diin sa pagpupulong ang pagkakaroon ng insurance coverage para sa mga kasapi ng PLEB, bilang pagkilala sa bigat ng kanilang mga responsibilidad at sa mga posibleng panganib na kaakibat ng pagganap ng kanilang mga tungkulin. Ito ay isang mahalagang hakbang upang matiyak ang proteksiyon at kapakanan ng mga kasapi habang ginagampanan ang kanilang mandato sa paglilingkod sa publiko.

Ang naturang pagpupulong ay sumasalamin sa patuloy na pangako ng PLEB–Boac Chapter sa pagpapanatili ng integridad, transparency, at pananagutan, alinsunod sa umiiral na mga batas, patakaran, at alituntunin.

16/12/2025

Isinagawa ang Christmas Lunch at huling pagpupulong ng People’s Law Enforcement Board (PLEB) para sa taong 2025 sa Adis Resort and Resto Bar, Barangay Ihatub, Boac, Marinduque.

Ang pagtitipong ito ay nagsilbing pagkakataon upang pagtibayin ang samahan at ipahayag ang taos-pusong pasasalamat ng lahat ng miyembro sa patuloy na kooperasyon, suporta, at dedikasyon ng bawat isa. Naging makabuluhan din ang okasyong ito sa muling pagsasama-sama ng kasalukuyan at mga dating kasapi ng People’s Law Enforcement Board, bilang pagkilala sa kanilang naging mahalagang ambag at serbisyo sa lupon at sa komunidad.

Maligayang Pasko ang taus-pusong pagbati ng lahat ng kasapi ng People’s Law Enforcement Board (PLEB). Nawa’y mapuno ng kapayapaan, kagalakan, at biyaya ang bawat tahanan, at magpatuloy ang pagkakaisa at malasakit sa paglilingkod sa pamayanan 🙏💓

16/12/2025