07/08/2026
ππππππππ πππππππ π. πππππ ππππππππππππ ππ πππ ππ πππππππππππ ππ ππππππ ππ πππππππππππ
Gina Magsanoc
Pinarangalan ng Cooperative Development Authority (CDA) si Governor Aurelio M. Umali ng Lalawigan ng Nueva Ecija sa ginanap na pagdiriwang ng ika-7 Charter Day ng CDA nitong Agosto 6, 2026 sa Seda Vertis North, Quezon City.
Iginawad ng CDA ang Plaque of Recognition bilang pagkilala sa mahalagang kontribusyon at matatag na suporta ni Governor Umali sa pagsusulong ng sektor ng kooperatiba, partikular sa matagumpay na pagpapatupad ng merger at consolidation program ng ahensya.
Ang naturang parangal ay tinanggap ni Lorna Mae B. Vero, Provincial Cooperative Development Officer ng Nueva Ecija, bilang kinatawan ng gobernador.
Kinilala rin si Vero sa kanyang mahalagang papel sa pagpapatupad ng merger at consolidation program at sa patuloy na pagsusulong ng pag-unlad ng mga kooperatiba sa lalawigan.
Samantala, ginawaran din ng pagkilala si Bongabon Mayor Ric Padilla bilang Supportive Local Chief Executive dahil sa kanyang patuloy na suporta sa pagpapaunlad ng sektor ng kooperatiba sa kanilang bayan. Pinarangalan din si Jona-Lee P. Gayla, Municipal Cooperative Development Officer ng Bongabon, bilang Supportive Cooperative Partner bilang pagkilala sa kanyang mahalagang ambag sa pagsusulong at pagpapalakas ng mga kooperatiba.
Ayon sa CDA, ang mga parangal na ito ay pagkilala sa mga lokal na pamahalaan at mga katuwang na patuloy na nagtataguyod ng mas matatag, inklusibo, at napapanatiling pag-unlad ng sektor ng kooperatiba, bilang mahalagang bahagi ng pambansang kaunlaran.
Boom Bongabon Bayan ng Bongabon
