14/11/2025
πππππππ πππ πππ ππππππππππ πππππ ππ πππ-πππππ:
Iton Brgy. Council, ha pangunguna hiton aton Punong Barangay Estela Apura ngan mga Brgy. Kagawads, ngan ngatanan nga Appointed Brgy. Officials, Karuyag namon igpahibaro ha iyo ngatanan nga mga molupyo dinhe ha Can-abong, nga on-going na iton aton repacking hiton relief goods para hiton aton Relief Goods Distribution nga pagbubuhaton ha mas pinakamadali nga panahon.
Amon karuyag ig-explain nga ini nga aton Relief Goods Distribution in medyo nalangan la dara hin pipira nga nga mga rasonis. Siyahan, diri puyde madalion iton pagpurchase hin goods dara nga mayda man naton ginsusunod nga proseso, ngan mga papeles nga angay ig-andam san-o makapamalit. Ika-duha, nga rason an kakulangan hin supply han goods ha mga tindahan dara nga damo man nga mga barangays an nagkadurungan hin pag relief.
Amon gihapon ginkaklaro, nga available iton aton pondo hiton kanan aton Disaster Risk Reduction and Management Fund (DRRMF). Kun may-ada man niyo paki-ana bahin hini, iton aton Upisina andam pagbaton kun ano man iton iyo mga pakiana. Mayda naton kada bulan nga Financial Report bahin hini, alayon la pakiana para masayuran an mayda pakiana, or kun diri man, puyde kamo magderecho ha City Accounting or ha Budget Office pagpakiana mahiunong hini nga pondo.
Amon gin-aaro iton iyo pag-intindi hini nga guti-ay nga delay, kay diri la hi kita iton nauurhi pagrelief, damo pa nga Barangays an waray pa.
Damo nga salamat hiton iyo padayon nga suporta ngan pag-intindi kun may-ada man guti-ay nga mga problema nga aton gin-aagi-an. Panalipdan kunta kita pirme hiton aton makagarahom nga Amay, iharayo kita hini nga mga Kalamidad.
