23/06/2026
Kumustahan sa Sitio Baluguan
June 22, 2026 | Gipangunahan ni Mayor Joselito T. Roble ang Kumustahan sa Sitio Baluguan nga gipahigayon sa Barangay Simbalan, Buenavista, Agusan del Norte.
Kapin sa 300 ka mga residente ang nakadawat og libreng serbisyo, lakip ang:
Medical check-ups ug mga tambal
Backyard gardening seedlings gikan sa MAO
First aid ug rescue training gikan sa MDRRMO
Birth certificate processing gikan sa LCR
Libreng haircut gikan sa AFP
Libreng reading glasses gikan sa BIOGEM
Anti-rabies vaccination
Job hiring pinaagi sa PESO
Medical ug burial assistance gikan sa MSWD
Scholarship program
Gibutyag ni Mayor Roble ang maayong balita nga adunay naโy eskwelahan ug suga sa Sitio Baluguan. Mosunod usab ang proyekto sa patubig nga mokantidad og โฑ15 milyon. Nagpasalamat siya sa mga lider sa Probinsya, ilabina kang Gov. Angel Amante-Matba ug Cong. Dale Corvera, sa ilang padayon nga pagtabang sa Munisipyo sa Buenavista.
Gihikayat usab ni Mayor Roble ang mga residente nga magtanom og kape, kakaw, ug saging sa ilang mga umahan tungod kay adunay dakong potensyal kini nga makahatag og dugang kita. Aduna na usab investor nga naghulat sa maong mga produkto. Gisaaran usab niya nga maghatag og suporta sa transportasyon sa mga produktong agrikultural aron mas mapadali ang pagdala niini gikan sa uma ngadto sa merkado.
Dugang pa, gidasig ni Mayor Roble ang mga estudyante nga magpadayon sa ilang pag-eskwela sa kolehiyo tungod kay adunay mga scholarship program nga gitanyag sa LGU.
Ang Battalion Executive Officer nga si MAJ Elisondo Felisilda nanghinaot nga magpadayon ang kalinaw sa komunidad aron masiguro ang padayon nga kalamboan ug kaayohan sa mga residente.
Ang taman sa nitambong nga residente nakadawat usab og lima ka kilo nga bugas, packed meals, ug ice cream alang sa mga kabataan.
Gitambongan ang maong kalihokan sa mga miyembro sa Sangguniang Bayan nga sila Hon. Rianne A. Catabas ug Datu Virgilio Cadeniag Jr. (IPMR Representative); Barangay Simbalan Punong Barangay Hon. Walter B. Tuga ug mga opisyal sa barangay; Baluguan Chairman Datu Vergilio Bentad, Datu Leopoldo Bentad, ug Datu Pastor Tangigad; mga magtutudlo sa Baluguan, mga personnel sa seguridad, ingon man mga department heads ug mga empleyado sa LGU.
See less
