Kapitan Dino Adriano - Brgy Catmon SMB

01/08/2026

Buong pusong nakiisa at sumuporta ang Team Kap Dino 2026 sa pangunguna ni Kapitan Dino Adriano sa pagdiriwang ng ika-1 anibersaryo at pasasalamat ng Mahal na Poong Hesus Nazareno na si Señor Galaon ng Catmon Chapter sa pangangalaga ni Sis. Carmina Gunita at Pamilya.

Ang aming taos-pusong pakikiisa ay tanda ng paggalang sa pananampalataya, pagkakaisa ng komunidad, at patuloy na pagsuporta sa mga gawaing nagbubuklod sa ating mga kababayan.

Nawa'y patuloy tayong pagpalain at gabayan ng Poong Hesus Nazareno sa ating paglilingkod at sama-samang pag-unlad. 🙏

29/07/2026

UNAWAIN AT PAKIBASA PO NG MABUTI!
❗️❗️❗️❗️

PAALALA TUNGKOL SA UPLIFT PROGRAM (GROUP 2 - CBMS)

Magandang araw po.

Narito ang ilang mahahalagang paalala tungkol sa UPLIFT Program:

1) Hindi po tumatanggap ng aplikasyon para sa programang ito. Ang listahan ng mga benepisyaryo ay ibinababa ng DSWD (National) batay sa 2024 Community-Based Monitoring System (CBMS) o survey na isinagawa ng Philippine Statistics Authority (PSA).

2) Walang kapangyarihan ang barangay at ang munisipyo na magdagdag o magbawas ng pangalan sa masterlist ng mga benepisyaryo.

3) Sa buong Santa Maria, mayroon lamang 3,285 benepisyaryo para sa Group 2, na binubuo ng mga poor at near poor na kwalipikado ayon sa pamantayan ng DSWD.

4) Ang tungkulin lamang ng munisipyo at barangay ay ipaalam sa mga natukoy na benepisyaryo ang iskedyul at lugar (venue) ng payout.

📌 Inaanyayahan po ang lahat na basahin ang infographics sa ibaba upang malaman ang opisyal na guidelines ng DSWD tungkol sa UPLIFT Program.

Maraming salamat po sa inyong pag-unawa at pakikiisa.

Source; Department of Social Welfare and Development - DSWD

27/07/2026

Mula po sa Team Kap. Dino Adriano 2026 kami po ay taos-pusong bumabati ng ika-112 taong anibersaryo ng Iglesia Ni Cristo. Nawa'y patuloy na pagpalain at gabayan ang buong kapatiran sa lahat ng panahon.

25/07/2026

23/07/2026

21/07/2026

52𝐍𝐃 𝐍𝐔𝐓𝐑𝐈𝐓𝐈𝐎𝐍 𝐌𝐎𝐍𝐓𝐇 2026
" 𝐍𝐮𝐭𝐫𝐢𝐬𝐲𝐨𝐧 𝐚𝐭 𝐊𝐚𝐥𝐢𝐤𝐚𝐬𝐚𝐧, 𝐀𝐭𝐢𝐧𝐠 𝐏𝐚𝐧𝐠𝐚𝐥𝐚𝐠𝐚𝐚𝐧"

Matagumpay na naisagawa ang Pabasa sa Nutrisyon bilang bahagi ng pagdiriwang ng 52nd Nutrition Month 2026 na may temang " Nutrisyon at Kalikasan, Ating Pangalagaan"

Ang programa ay pinangunahan ng Sangguniang Barangay Catmon - LGU sa pangunguna ni Kapitan Bernardino Adriano, katuwang ang ating LLN Rowena De Guzman at ang Komite ng kalusugan sa pamumuno ni Konsehal Cardo Dumindin.

Malaki rin ang naging ambag ng ating mga Mother Leaders at RHU ng Barangay Catmon sa pangangasiwa ng programa. Nagbigay rin ng mahalagang maikling lecture si Nurse Joy at kanyang mga kasama.

Maraming Salamat po sa lahat ng nakiisa at sumuporta. Sama-sama nating isulong ang wastong nutrisyon, pangangalaga sa kalikasan at mas malusog na pamayanan para sa pamilyang catmon.

21/07/2026

𝐁𝐀𝐒𝐈𝐂 𝐋𝐈𝐅𝐄 𝐒𝐔𝐏𝐏𝐎𝐑𝐓 𝐓𝐑𝐀𝐈𝐍𝐈𝐍𝐆

Sa pagtutulungan ng Sangguniang Barangay Catmon - LGU sa pangunguna ng inyo pong lingkod Kapitan Dino Adriano, at sa pangangasiwa ng MDRRMO matagumpay na naisagawa ang Basic Life Support Training para sa ating mga HOA Marshals at Barangay Tanod.

Layunin po ng pagsasanay na mapalawak ang kanilang kaalaman at kasanayan sa tamang pagtugon sa mga emergency upang mas maging handa sa pagligtas ng buhay at pagbibigay ng agarang tulong sa ating komunidad.

Maraming Salamat po sa ating Municipal Disaster Risk Reduction and Management Office sa patuloy na pagsuporta sa mga programang nagtataguyod ng kaligtasan at kahandaan ng bawat mamamayan.