25/07/2026
Isang makabuluhang araw po sa ating lahat, mga kapwa ko Bustosensyo at maging sa lahat ng naaabot ng mensaheng ito sa loob at labas ng ating bayan ng Bustos at lalawigan.
Makabuluhang araw ko pong maituturing ang araw at pangyayaring ito sa kadahilanang ako, bilang inyong lingkod bayan, ay maraming natutunan sa isang nagba-viral kong post.
Gusto ko lamang pong iparating sa bawat isa sa inyo, na ang nag viral ko pong post ay hindi ko kailanman tinignan bilang isang pambabastos o pagka-walang respeto sa naging biktima ng insidente na kung saan ay iniisip ng karamihan na ito ay ginawa kong katatawanan. Never ko pong gagawing katatawanan at tatawanan ang isang insidente na ngayon ay may isang pamilyang nagluluksa dahil sila ay nawalan ng mahal sa buhay lalo't ito ay isang Ama.
Ramdam ko po at naranasan ko napong mawalan ng ama kung kaya't wala po talaga akong intensyon sa aking post kung hindi magbigay aliw sa aking mga followers na sa pagkakataon pong ito ay hindi ikinatuwa ng halos karamihan.
Maaaring may mga ilang tao na natuwa, nagalit, naki-simpatya o nawalan ng gana sa akin sa kadahilanang ang post ko pong ito ay nagdulot ng iba't ibang damdamin at pananaw dahil inisip po ng ilan na ito ay aking ginawa para sa pansarili kong kagustuhan.
Hindi po lingid sa inyong kaalaman na ang akin pong sariling page Account ay aking ginagamit hindi lamang po sa inspirasyon at pagkakataon na ako po ay nakikita nyong naglilingkod sa ating bayan.
Kung inyo pong makikita, nakapaloob po sa aking mga ina-upload na videos and photos sa araw araw ang iba't ibang klase ng post, gaya ng pagdalo ng inyong lingkod sa iba't ibang aktibidad na atin pong pinupuntahan upang makiisa at makibahagi sa bawat kaganapan at upang gampanan ang aking tungkulin hanggang sa pinakamaliit na bagay o makakaya.
Nakikita ko po ang lahat ng naging reaksyon ng halos lahat ng tao sa ating mamamayan maging sa kalapit nating bayan na naging apektado sa mga pagkakataong ito, pero nais ko pong bigyang linaw na ang post ko pong iyon ay sumasalamin lang sa aking personalidad na may kakulitan at kakwelahan ngunit hindi po ibig sabihin nito na ako po ay mananatiling tikom ang bibig upang hindi po humingi ng pasensya o paumanhin sa bawat tao na nasaktan at naapektuhan ng post kong ito.
Hindi ko napo kayo iisa-isahin sa pagkakataong ito para sa paghingi ko ng paumanhin sa nababanggit na pagiging "Insensitive" ko sa nasabing viral post. Pero ang lahat po ng paumanhin at paghingi ng tawad ay deserve nyo pong lahat na makita o marinig mula sa akin.
Hindi ko po masasabing matatapos na rito ang lahat, ngunit bilang isang lingkod bayan, alam ko pong karapatan nyo na marinig mula sa akin ang salitang paumanhin at paghingi ng tawad. At alam ko rin po na obligasyon at tungkulin ko ang harapin ito kung kaya't narito po ang inyong lingkod, Konsehal Tangkol Perez upang humingi ng paumanhin, at pang unawa sa bawat isa sa inyo.
Maging sa naging sagot ko po about sa ayuda, gaya nyo po tao lang din po ako, nagkakamali at may pagkakataon po sa buhay natin na nagiging padalos dalos po tayo sa mga bagay. Gaya rin po ng naging reaksyon ng karamihan na naging masama sa inyo ang naging dating ng aking biro, siguro po ay naging masama lang din po ang naging dating sa akin ng mga naging reaksyon ng karamihan sa pinost ko na wala naman po talaga akong ibang intensyon. Pero muli po, di napo tayo para magpaliwanag pa ng mahaba at magjustify ng mali, dahil alam ko po na hindi na dapat pang takpan ng isang pagkakamali ang aking nagawa kung kaya't nais ko pong iparating sa inyong lahat na gaya po ng bawat isa sa atin, tao lang po tayo nagkakamali at nagkakaroon ng hangganan kung minsan kaya paumanhin pong muli sa lahat ng naapektuhan tungkol po sa bagay na ito.
Muli po paumanhin po sa inyong lahat at makaka-asa po kayo na sa mga susunod po nating posting ay magiging mas maingat po tayo upang wala napong maging kasunod ang birong ito na nagdulot ng malaking damage sa karamihan.
Maraming maraming salamat po sa inyong lahat, at tatanawin ko po itong isang malaking aral para sa akin.
Pagpalain po tayong lahat ng maykapal.
- Konsehal Tangkol Perez ๐งก
