Butuan City Housing and Homesite Development Department

04/09/2026

YUTANG PABALAY SA BUTUAN UG ILEGAL NGA PAGBALIGYA UG PAGGAMIT HIGPIT NGA GIDILI

Hugot nga nagpagawas og pahimangno ang Lokal nga Panggamhanan sa Butuan ang mga yuta nga gi‑award/gi‑assign ubos sa programa sa pabalay higpit nga gidili ang mosunod nga mga buhat:

1. Pagbaligya sa yuta nga gi-award
2. Pagpa-abang niini
3. Ilegal nga pag-okupar nga walay katungod
4. Dili awtorisadong pagbalhin o pag-transfer sa yuta nga gi-assign sa syudad

Kini gipatuman aron pugngan ang mga sindikato sa yuta, likayan ang pagpangilad, ug mapanalipdan ang katungod sa tinuod nga mga benepisyaryo. Kini nga mga yuta gitagana alang sa puy‑anan—dili alang sa ilegal nga ganansya.

Ang makalapas manubag ug silotan ubos sa RA 7279 (Urban Development and Housing Act) ug SP Ordinansa No. 2518, Series of 2004. Sunda ang balaod alang sa luwas ug malungtarong komunidad.

26/08/2026

TULO KA-ADLAW NGA HOAI ANNUAL PLANNING WORKSHOP PORMAL NANG NATAPOS

Malampusong natapos ang tulo-ka-adlaw nga "HOAI Annual Planning Workshop" niadtong Lunes hangtod Miyerkules, Agosto 24-26, 2026 sa Balanghai Hotel and Convention Center.

Gipahigayon kini ubos sa pagpangulo sa "City Housing and Homesite Development Department (CHHDD)" uban ang mga eksperto gikan sa nagkalain-laing ahensya.

ANG DUHA KA MGA TUMONG:
1. I-address ang FELT NEED sa matag Homeowners' Association, Aron mahibaloan ug maplanohan pag-ayo ang tinuod nga mga gikinahanglan sa kada komunidad

2. I-align sa DHSUD SCORECARD
Aron masiguro nga ang mga plano nahiuyon sa national standards ug masukod ang progreso

Ang tumong niini nga Ma-implementar ang tanang plano sulod sa usa ka tuig, subay sa mga giya sa atong mga partner nga ahensya.

MGA AHENSYANG MITAMBONG:

DEPARTMENT OF HUMAN SETTLEMENT AND URBAN DEVELOPMENT (DHSUD)
Atty. Deen Asliah Macarandang - Division Chief, HOACDD
Mr. Peterson Gerida, EnP - HHRO V, HOACDD
Topic: HOA Scorecard

REGISTRY OF DEEDS (ROD)
Atty. Rodelo Martin M. Damaolao - Regional Director
Ms. Charisma Krissa S. Dumanon - OIC-Deputy Registry of Deeds IV
Topic: Titling & Registration

BUREAU OF INTERNAL REVENUE (BIR) - RDO 103
Bryant Trover Manchera - Revenue Officer
Edito G. Vertical Jr. - Group Supervisor
Topic: eCAR, Transfer Tax, Capital Gains Tax

DEPARTMENT OF LABOR AND EMPLOYMENT (DOLE)- Agusan del Norte
Janice Andallo - Senior Labor and Employment Officer
Topic: DILP - Programa sa Panginabuhi

DEPARTMENT OF AGRICULTURE (DA)
Jamie Kim Loreno - Agriculturist, Technical Staff-NUPAP
Topic: Urban Gardening & Model Farm

CITY ASSESSMENT SERVICES DEPARTMENT (CASD)
Ms. Janette Dilag, REA - City Assessor
Topic: Serbisyo, Buhis sa Yuta

CITY BUILDING MANAGEMENT DEPARTMENT (CBMD)
Engr. Nelson Resus -Department Head
Topic: Building Permit & Occupancy Permit

Ang workshop nagtumong sa pagtangtang sa kalibog ug pagpadali sa serbisyo — gikan sa pagparehistro sa yuta, buhis, permiso sa pagtukod, hangtod sa suporta sa panginabuhi ug agrikultura — para sa lig-on ug malungtarong mga komunidad.

Kini nahimong posible tungod sa hugot nga panag-uban sa mga ahensya ug sa pagpangulo sa Lokal nga pang gamhanan sa Butuan ubos ni Mayor Lawrence Lemuel H. Fortun.

29/07/2026

NAPULO KA SINGLE‑ATTACHED HOUSING UG NOBYENTAY SINGKO KA ROWHOUSE UNITS, GISUGDAN SA BALANGAYAN BUTUAN II SUBDIVISION

Opisyal nang gisugdan ang pagtukod sa 10 ka Single‑Attached Housing ug 95 ka Rowhouse Units ubos sa Butuan City Township Project, atol sa Groundbreaking Ceremony niadtong Hulyo 28, 2026 sa Balangayan Butuan II Subdivision, Barangay Pagatpatan.

Kini resulta sa panagtambayayong sa City Government of Butuan pinaagi sa CHHDD ug Merchant Marine Academy of Caraga, Inc. (MMACI). Gitumong hatagan og permanente ug disenting kapuy‑an ang mga pamilyang apektado sa government Project ug uban pang kwalipikadong benepisyaryo.

Gipangulohan kini ni Mayor Atty. Lawrence Lemuel H. Fortun, uban ni Punong Barangay Ronielen C. Olande (Pagatpatan), Punong Barangay Reinerio M. Salcedo (Lumbocan), mga opisyal, representante sa MMACI, ug mga benepisyaryo pinaagi usab sa pakig alayon sa mga Homeowners Association President ug mga Officials sa Balangayan 1 and 2 HOAI.

Gipasalig ni Mayor Fortun: “Walay Butuanon ang mabiyaan — ang matag pamilya adunay katungod sa luwas nga panimalay,” pinaagi sa Balangayan Housing Program. Sa bahin sa MMACI, gipahayag Dr. Mary Grace Brongcano, Director for Community Extension Service ang ilang pasalig nga motabang ug maghatag balik sa kaayohan sa komunidad.

Kini nga proyekto nagpamatuod nga pinaagi sa panag‑uban sa gobyerno ug mga kauban, padayon natong matuman ang damgo sa matag Butuanon nga makapanag‑iya og kaugalingong balay ug mas maayong kaugmaon.

24/07/2026

DAMGO NGA MAHIMONG TAG-IYA SA YUTA, NATUMAN NA PARA SA 368 KA PAMILYA

Natuman na ang dugay nilang gipangandoy ang makabaton og luna nga kapuy-an, gahapong adlawa Hulyo 23, 2026 nga gipahigayon sa Barangay Imadejas Covered Court.

Dul-an 368 ka pamilya opisyal nang nakadawat sa ilang Certificate of Lot Award atol sa gipahigayong Mass Lot Awarding Ceremony.

Gipangunahan ni Vice Mayor Reynante B. Desiata isip representante ni Mayor Law Fortun pinaagi sa CHHDD, gisiguro sa kagamhanan nga ang tanan nagasunod sa matin-aw, hapsay, ug patas nga proseso.

Lakip sa mga benepisyaryo ang mga nagpuyo sa mga maong lugar, BLS Phase 1, Solo Parents, BCNV 4A ug 4B, ug mga biktima sa sunog. Kini nagpakita sa tinguha ni Mayor Law Fortun nga himoong sayon ang pagpanag-iya sa yuta para sa takus nga Butuanon—lakip ang pagpalig-on sa katungod sa mga solo ginikanan nga iyang gisugdan kaniadto sa Kongreso.

Hinungdan nga usa nila kadamgo nahimong tinuod—alang sa mas lig-on ug hayag nga kaugmaon sa matag qualified nga pamilya, nga usa sa mga prayuridad sa kagamhanang lokal ning Dakbayan.

13/07/2026

10/07/2026

28/06/2026

𝗣𝗔𝗛𝗜𝗕𝗔𝗟𝗢 𝗦𝗔 𝗣𝗨𝗕𝗟𝗜𝗞𝗢

Temporaryong sarado ang City Housing and Homesite Development Department karong June 30, 2026 (Tuesday) alang sa Mid-Year Assessment.

Mobalik sa July 1, 2026 (Wednesday), ang tanang transaksiyon ug serbisyo sa maong opisina.

17/06/2026

PAGTUKOD OG MALUNGTARONG PABALAY UG LUWAS NGA KOMUNIDAD GISIGURO SA LGU BUTUAN

Usa ka mahinungdanong lakang ang nahimo karong adlawa Hunyo 17, 2026, sa dihang ang LGU Butuan mipirma og kasabutan uban sa upat ka tulonghaan aron magtinabangay sa pagpalambo sa pabalay ug komunidad.

Matud ni Mayor Law Fortun: “Dili lang kini bahin sa yuta—kini bahin sa paghatag og disente, luwas, ug malungtaron nga kinabuhi para sa matag Butuanon.”

Nga usa sa mga prayuridad nga programa ni Mayor Law Fortun ang Balangayan initiative ilalom sa iyang kadumalahan.

Pinaagi sa kahibalo ug panag-uban sa Caraga State University, FSUU, SJIT, ug MMACI, magtinabangay kita aron magtukod og mga komunidad nga lig-on, mauswagon, ug garbo sa umaabot nga henerasyon.

03/06/2026

BUILD HOME, SHAPE COMMUNITIES, SERVE THE PEOPLE — YOUR EXPERTISE MATTERS HERE!

𝐖𝐄’𝐑𝐄 𝐇𝐈𝐑𝐈𝐍𝐆!

The City Housing and Homesite Development Department (CHHDD) is opening opportunities for passionate and qualified individuals!

We are looking for:
• Civil Engineers
• Engineering Assistants (Draftsmen)

Be part of a team that helps build sustainable communities and decent housing for all.

📍 Submit your application at CHHDD Office, City Hall Compound, Butuan City
📅 Deadline: June 12, 2026

Don’t miss this opportunity to grow your career in public service!

Apply now and make a difference!

13/05/2026

508 KA PAMILYA SA MANAGLAING SUBDIVISION, NAKADAWAT NA SA SERTIPIKO SA GI-AWARD NGA YUTA

Personal nga gitunol ni Mayor Law Fortun ang mga sertipiko ngadto sa 508 ka pamilya atol sa tigum sa Komite sa Paghatag sa Yuta.

Gipasalig niya ang padayon nga paghatag aron ang tanang takus nga Butuanon makabaton og desente nga pabalay. “Maningkamot ang Dakbayan nga matubag ang panginahanglan sa tanan — basta sundon lamang ang saktong pamaagi,” matod pa niya.

Kini nga dokumento maoy lig-on nga pamatuod sa ilang katungod. Magamit kini sa pagkuha og tax declaration ug paghimo sa opisyal nga titulo — human sa hingpit nga pagbayad ug pagsunod sa mga kondisyon nga gilatid sa sertipiko.

Pasalig sa LGU Butuan pinaagi sa CHHDD magpabiling hapsay, matarong ug patas ang sistema aron maseguro ang legal nga katungod sa matag benepisyaryo.

Mitambong sila Konsehal Arturo Gado, Konsehal Gian Carlo Sanchez, mga opisyal sa barangay, ug mga pangulo sa lokal nga departamento ning siyudad.

Photo Courtesy:Butuan City PIO