04/09/2026
๐ก๐๐ช๐ฆ ๐ฅ๐๐๐๐๐ฆ๐ | ๐๐๐๐ฅ-๐ฆ๐๐๐ ๐๐ฎ๐ฟ๐ฎ๐ด๐ฎ ๐ด๐ถ๐๐๐ฑ๐น๐ผ๐ฎ๐ป ๐ฎ๐ป๐ด ๐บ๐ด๐ฎ ๐ฝ๐ฟ๐ผ๐ด๐ฟ๐ฎ๐บ ๐ถ๐บ๐ฝ๐น๐ฒ๐บ๐ฒ๐ป๐๐ฒ๐ฟ ๐ฝ๐ถ๐ป๐ฎ๐ฎ๐ด๐ถ ๐๐ฎ ๐ผ๐ป๐น๐ถ๐ป๐ฒ ๐๐๐ฅ ๐๐ฟ๐ฎ๐ถ๐ป๐ถ๐ป๐ด ๐ฎ๐ฟ๐ผ๐ป ๐บ๐ฎ๐๐ฎ๐ฏ๐ฎ๐ป๐ด๐ฎ๐ป ๐ฎ๐ป๐ด ๐บ๐ด๐ฎ ๐ณ๐ถ๐๐ต๐ฒ๐ฟ๐ณ๐ผ๐น๐ธ ๐ฏ๐ฒ๐ป๐ฒ๐ณ๐ถ๐ฐ๐ถ๐ฎ๐ฟ๐ถ๐ฒ๐
CARAGA REGION โ Mas nasabtan sa mga program implementer ang mga kinahanglanon nga ilang matudlo sa mga fisherfolk beneficiaries alang sa pagparehistro ug pagpadagan sa ilang mga negosyo human gipahigayon sa Department of AgricultureโBureau of Fisheries and Aquatic Resources (DA-BFAR) Caraga, pinaagi sa Special Area for Agricultural Development (SAAD) Phase II Program, ang online orientation niadtong Agosto 24, 2026, pinaagi sa Google Meet.
Gihisgutan sa maong orientation ang pagparehistro sa Bureau of Internal Revenue (BIR), pagsunod sa mga kinahanglanon sa buhis, paghimo ug pagsumite sa annual reports, ug uban pang dokumento nga gikinahanglan sa pagpadagan sa negosyo.
Sa iyang opening remarks, giawhag ni Regional Coordinator Ivy Antoniano ang mga area coordinators ug uban pang implementer nga aktibong moapil sa diskusyon ug mangutana kung adunay mga proseso nga wala nila masabti.
โWe encourage all the participants, labi na ang atoang mga area coordinators, to actively engage in this orientation, ask questions during the synthesis sessions, and maximize our learning opportunities as we walk through all the processes with our resource persons,โ matod ni Antoniano.
Gipasabot usab ni Antoniano nga magamit sa mga implementer ang ilang nakat-unan aron matabangan ang mga fisherfolk beneficiaries sa pagtuman sa mga kinahanglanon sa gobyerno ug sa husto nga pagdumala sa ilang mga negosyo.
Gipangulohan ni Revenue Officer Jenny Monteron ang unang sesyon mahitungod sa Online Registration and Update System (ORUS) sa BIR, diin iyang gihisgutan ang pagparehistro ug pag-update sa impormasyon sa taxpayer, Authority to Print, Books of Accounts, Digital TIN ID, ug eAppointment system.
Si Revenue Officer Krishelle Mae Mordeno maoy nanguna sa ikaduhang sesyon mahitungod sa BIR tax compliance, lakip ang hustong paagi sa pagsumite ug pagbayad sa tax returns.
Sa ikatulong sesyon, gihisgutan ni Group Supervisor Edito Vertical Jr. ang BIR tax updates ug gipangulohan usab niya ang open forum diin nakapangutana ang mga partisipante bahin sa mga lagda sa buhis, pagparehistro, ug uban pang dokumento nga gikinahanglan sa mga negosyo.
Sa synthesis, nagpangutana ang mga area coordinators bahin sa mga proseso ug bayranan sa BIR, samtang gitubag ug gipatin-aw sa mga resource person ang mga kinahanglanon nga ilang sundon.
Importante ang pagsunod sa maong mga kinahanglanon alang sa mga fisherfolk groups nga nagtinguha nga mapormal ang ilang mga livelihood projects isip community-based enterprises ug makakuha sa gikinahanglang mga permit sa ilang lugar.
Pinaagi sa mga nakat-unan sa orientation, mas andam ang BFAR-SAAD implementers sa pagtabang sa mga fisherfolk beneficiaries sa pagparehistro sa BIR ug pagtuman sa mga kinahanglanon, ilabina sa ilang pagbalhin gikan sa yano nga livelihood projects ngadto sa mas pormal ug lig-on nga community-based enterprises.
Balita ug mga litrato gikan sa BFAR-SAAD Caraga RPMSO
-
Mahitungod sa DA-BFAR SAAD Program Phase 2:
Ang Department of Agriculture โ Bureau of Fisheries and Aquatic Resources โ Special Area for Agricultural Development (DA-BFAR SAAD) Program Phase 2 nagtumong sa pagpakunhod sa kalisud ug pagpauswag sa kahimtang sa kinabuhi sa mga mangingisda ug ilang mga komunidad.
Pinaagi sa paghatag og malungtarong panginabuhian ug suporta, gitabangan sa programa ang mga benepisyaryo sa pagpalambo sa ilang mga panginabuhian ug pagtukod og mga fishery enterprise nga nakabase sa komunidad.
Ang mga interbensyon sa SAAD nagsuporta usab sa mga programa sa Department of Agriculture ug nagtumong sa pagpalig-on sa sektor sa pangisda.
Pinaagi niini, nagtinguha ang BFAR-SAAD nga makatampo sa kasiguruhan sa pagkaon, dugangan ang kita sa mga benepisyaryo, ug mapalambo ang ekonomiya sa mga piniling komunidad sa tibuok Pilipinas.
